Matthew 5:5 - Na Rongorongo Uto nina Jesus Christ

⁵ God ke vautora rahei tara talumurira heghedira, agaira kara loghoi na lei totobo God te bahura nia.

Matthew 5:5 Iomraidhean Croise

Buka Linge 147:6

A Lord te righitaonira rahei tara kabu rurughu, hauva te soni horura rana dika.

Buka Linge 149:4

Gaia Lord te nira togotogo nina vure. Me pitiuluadira tara talumuri nia na pitiulu ni vola.

Buka Linge 22:26

Rana bona kara vanga ma kara mahu. Kau holohaba Lord ighau tau kene taonia.

Buka Linge 25:13

Gaira kara kabu tana lei lologho sule tana lei bongidira, mana lei daledira ghua kara lologho tana komu baubahu.

Buka Linge 25:9

Gaia te uhulira nia na hava e maemane tara talumuri, me taraira nia na halautuna.

Buka Linge 37:11

Ma hei vamua te kabu totovongona ke loghoa na pari ni tunuva, me ke nia togo na mabo iga.

Buka Linge 37:22

gaira te vautora na Lord Kara loghoa na bona kara sopou ga. Mara hei ke varangara kara ghuru horura.

Buka Linge 37:29

Rana maemane kara loghoa na komu ni tunuva; ma kara sopou ga ke va me va.

Buka Linge 37:34

Ko pitu dila Lord, mo ko tona taonia na halautuna ke ghaedatogho me ke vahegho na bona ko sopou ga, ma rana tangohahi kara tapusi keha ka, mo ko righi kalea so.

Buka Linge 37:9

Rana tangotangodika kara taghalaghi nira: Mara hei tara nia kikinima God, Kara loghoa na pari ni tumu va.

Buka Linge 69:32

Agaira tara talumurira kara vaevanea a Lord, ta didira na lutu ma kara nia togotogo. A gaira udolu tara kakaea nina na hahanga God kara kabu tana togotogo.

Matthew 11:29

Kau talataonia nigua na maana te vaghara na buluka toro talataonia na vatei kodo, ma kau naunaua itagua, na pukuna inau tu liotalumuri mu kabu rurughu, ge kau topoa na aheahe.

Matthew 21:5

Kau tughunitatea vanira na vure tana komu sule Zion, Kau righia, nimiu na vunaghi haba te mai vanighau. Gaia te talumuri, me haehaghe vuvungana na donkey, mana dalena.

Rome 4:13

Idania, God te nia baubahu ge ke vahea Abraham mana lei vaivarina na maramana udolu. Na mua pukuna Abraham te taonia na vetena, mana pukuna Abraham te taluutunia ma God te dete maemanea.

Galatia 5:23

na lio mabo mana talumuri, mana hughu pungisiana na hava te liona na hulimiu. Taho siki vetena ke bosa ge na lei ghanaghana rakeri te mua maemane.

Ephesus 4:2

Kau talumuri ma kau lavia na lio mabe. Vadangitai kolura rahei tau dolovira, ma kau talukehai na hava te dika itadira na lei tinoni taluutuni na pukuna nimiu na dolo.

Colosse 3:12

Keri ge God te dolovighau me vilighau tua ge kau nina taba ni vure tabu, ma kau kuvihighau nia na veiarovi, na liouto mana dolo, na kabu kikinima, na lio mabo, mana kabu rurughu.

1 Timothy 6:11

Mi ghoe Timothy, ko holakehai na lei totobo dika kiri, na pukuna ighoe anina mane God. Ko lavia na lagamu ge ko kabu maemane mo ko kabu tabu, kolua na taluutuni mana dolo, mo ko tughuru ngasi mo ko lio ni dolo vanira na lei tinoni.

2 Timothy 2:25

Ko tangomana na vadangitai tana bona ko talu maemanera rahei tara nia sika na utuni. Ma God ke liliui na tobadira, ge kara tughulio ma kara taluutunia na utuni.

Titus 3:2

Kara bei ghoi bosa dikalaa gea siki sakai ma kara pilu pungisira heghedira tana hughuhughu. Lavia na lio beto ma kara talutatea na nilabu ni talumuri vanira na lei tinoni.

James 1:21

Keri ke, kau sonikehai na lei gehegehe meto mana ghanaghana dika ni maramana. Kau kabu rurughu, ma kau taonia na bosana God te subaa tana tobamiu, te manana sughua na lagana ge ke vavolai na tarungamiu.

James 3:13

Ke vagha kau ghanaghana manaha mau ghilalaa na nilabu God te liona ke, kau talutatea tana nilabumiu mana gehegehemiu te uto tau nei. Na pukuna ighau tau ghanaghana manaha utuni sughua, kau mua nia talunagho na lei gehegehe uto tau nei.

1 Peter 3:15

Hauva ka kau talumavaa Christ ma kau lubatia ge ke vunaghi pungisia na volamiu. Ma kau gonidila talau tua ge kau bosatughu vanira rahei tara huatighau na hava na pukuna ge au taluutunia mau pitudilaa Christ.

1 Peter 3:4

Ighau kara ghilalaghau nia na lei uto te butuni mai ilokamiu. Kau kabu talumuri ma kau loghoa na tarunga te mabo, gaighi raini te ruani na totobo toro loghoa na utoutona haia, ma God te ghanaghanai toro mava ngangata.