Matthew 5:3 - Na Rongorongo Uto nina Jesus Christ

³ God ke vautora rahei tara varava vamua itatana, adidira tua na kinakabuna God.

Matthew 5:3 Iomraidhean Croise

Buka Linge 1:1

Ghau, [na togotogo/nina vauto God] vanira ara hei tara mua taonia didira na uhuhuli tara dika, pa kara tughuru kolura rana tangohahi, pa kara nira udu kolu rana tangotangodika.

Buka Linge 112:1

Holoutoa Lord! Kau togotogo gaira ahei nia kikinima Lord, Eo, nira togotogo ma kau nira rivurivu, ahei tara kabu taonighi nina lei vetena.

Buka Linge 128:1

Holoutora gaira ahei tara nia kikinima Lord, mara taonighi na lei halautuna!

Buka Linge 146:5

Bosa utora gaira ahei tara holopangotia na God ni Israel, te vagha didira na hahanga tara pitudila, te vagha Lord dida na God.

Buka Linge 2:12

Ko va hea dalena God na puku ni maana, na pukuna ke bei rutu gea; me ke havukaghinigho gea ighobudira tara tangohahi; na pukuna nina rutu ke tangomana ge ke vagha na pagana na vavuna na lake na pile bona vamua. Mi vei vaho te vagha na togotogo vaghana; ke vanira ara hei tara kenea na righitaoni itatana.

Buka Linge 34:18

Buka Linge 41:1

Kara togotogo gaira tara dolovira tana bona A Lord ke volara tana bona ni sosodo

Buka Linge 51:17

Na sukaghi to nia ghaghua Ighoe ke na toba te paruruha. Na tabo te tughu mete paruruha, God ge ko bei sivilaghiniu.

Buka Linge 84:12

Lord, God, puku ni maana, holoutora gaira tara ghanaghana kodo itamua.

Matthew 11:25

Mi tana bona vaghana keri, Jesus te kokoeliulivuti, “Tamagu, to vunaghi pungisighi na kokou mana maramana, inau tu holoutogho to tatei vanira na vure tara mua manaha te vaghara na gari, na hava to poloi vanira tara manaha.

Matthew 11:6

Ma kau bosa vania John, God ke vautora rahei tara mua niu ghanaghana ruarua.”

Matthew 13:16

“God te vautoghau ighau, ge au reirei vakale mau rongo vakodo.

Matthew 19:14

Ma Jesus te bosa vanira, “Kau lubatira na lei gari pile kara mai tagua. Kau bei hovera na pukuna didira tua na kinakabuna God, na lei tinoni te vaghara na lei gari raini.”

Matthew 24:46

Na vunaghina ke vautoa na tinoni lutu keri, ke vagha ke topoa gaia te lutu utoa na lutuna tana bona ke oli mai.

Matthew 25:34

Mana vunaghi haba ke bosa vanira tana pala madolona, ‘Ighau rana vure te vautoghau a Tamagu, kau mai ma kau loghoa na lologhotughu tana kinakabuna a Tamagu te gonidilaa vanighau mai tua tana vuivunina na maramana.

Matthew 3:2

“Kau tughui na lei nilabumiu tara dika na pukuna nina kinakabu a God te dutu mai tua.”

Matthew 8:11

Mi nau tu bosa vanighau gatu, e subo na tinoni tara vagha na mane eni kara mai ulu mi boko ma kara kabukolu itadira Abraham, Isaac, ma Jacob, tana tabatu tana kinakabuna God.

Mark 10:14

Mi tana bona Jesus te ghilalaa te vaghaa keri, gaia te rutu vanira nina lei vaovarongo, me bosa vanira me ghaghua, “Kau lubatira na lei gari pile ma kara mai tagua, kau bei hovera gea, na pukuna rahei tara vaghara na lei gari raini ke, adidira tua na kinakabuna God.

Luke 11:28

Ma Jesus te bosa tughu me ghaghua, “E utuni! Ma God ke vautora utuni gaira tara rongovia na bosana God mara taonia.”

Luke 18:14

Ge bosa Jesus, “Inau tu bosa vanighau, na vahikolu rongo eni te maemane tana matana God tana bona te oli tana valena, me taho na Pharisee eni. Agaira tara talunaghora heghedira, God ke talumurira, ma gaira tara talumurira heghedira God ke talu sulera.”

Luke 22:29

Te vaghaa tamagu te heu tua na maana ge u huhuli, ku heghau na maana eni,

Luke 22:30

ge kau vanga ma kau inu koluu tana bela ni vanga ta nigua na kinakabu. Ge kau sopou tana lei malei sopou ni vunaghi haba, ma kau vunaghi pungisira ara hangavulu rua na kema ni Jew.”

Luke 4:18

“Nina Tarunga Tabu Lord te savungiu inau, na pukuna gaia te viliu ge ku tughunitatea na Rongorongo Uto vanira rana bona. Gaia te vetenau ge ku tughunitatea na lubatiadira tara kabu popongo; mana rorodo kara ghoi reireioli ghua, ma rana vahaghitaili kara sodoa na togholuvu.

John 20:29

Ma Jesus te bosa vania, “Ighoe to taluutuni, na pukuna to vaevaneu. God ke vautora vaa gaira rahei tara mua vaevaneu, mara taluutuni.”

James 1:10

Me utuni ke vagha na lei tinoni taluutuni tara lologho ke, kara nia togotogo na pukuna God te talutatera gaira kara mua vavolara heghedira, hauva God ke vavolara mughua. Inau tu bosa te vagha na pukuna rana lologho kara mate ta siki bongi vamua tana bona kara lutu ma kara sodorongo. Gaira tara vaghara na hahagana na buburu tara taghara vamua. Na hina ke sogha dato mai me ke rangasia na hahagana me ke karununu, mana reirei utona ke taghaa.

James 1:12

Ma God ke vautora na lei tinoni tara tughuru kakai tana bona na lei tabotabo ke kalera, na pukuna agaira tara laga vulei tua, ma kara loghoa didira na vola God te nia baubahu vanira tara dolovia.

James 2:5

Ghau rana hoghogu tana taluutuni, kau rongoviu mai! God te vilira rana bona tana maramana eni, ge kara loghoa na taluutuni te ngasi, ma kara baebasena na kinakabu te bahura nia tua gaira tara dolovia.

Na Livu 19:9

Mana angel te bosa vaniu me ghaghua, “Ko gerea te vagha eni, God ke vautora rahei te holora mai ta nina vangakolu na Dale Sheep.” Me ghoi bosa me ghaghua, “Na lei bosa utuni raini tara butu mai ta God.”

Na Livu 22:14

God ke vautora rahei tara apoi didira na tivi ge kara haghe ilokana na mataula haghe ni komu sule, ge kara ghania na vavangana na ghai ni vola.

Na Livu 3:17

Tau bosa, ‘Ighita ta lologho. Na lei totobo soko ta lioni ta loghoi. Ma mua liona ghua siki totobo!’ Hauva tau mua ghilala ighau te vesikamiu, tau bona, mau rorodo mau soesole ghua. E ulaghana rana vure kara arovighau.