Matthew 4:11 - Na Rongorongo Uto nina Jesus Christ

¹¹ Ma Satan te tona sania Jesus, mana lei angel tara mai patupatua.

Matthew 4:11 Iomraidhean Croise

Matthew 26:53

Au mua ghilalaa, ku tangomana na nongiana na hahanga ta Tamagu, mana viti me ke nira vetena vaniu mai ke au vulea ra hangavulu rua na ovu ni angel malaghai.

Matthew 4:6

Me bosa vania, “Ge to ko dalena God ke, ko sosogha horu, na pukuna na gegere tabu te bosaa, ‘God ke nira vetena nina angel, ge kara sakurigho tana limadira, ma hughua na marevomu ke mua kalea siki vatu.’”

Mark 1:13

Me kabu igaa e vati hangavulu na bongi, ma Satan te mai tabotaboa Jesus. Na lei maumanu asi kolua igaa, mana lei angel tara mai righitaonia gaia.

Luke 22:43

Mana angel ni kokou te tate vania, ge mai me patupatua.

Luke 22:53

Inau tu kabukolughau haia so tughu bongi lokana na Valetabu, mi ghau tau mua tabotabo ge kau tabeu! Ma eni gaia nimiu na bona ni aho ni lutu na bona God te lubatia Satan ke nei na hava te liona te huhuli ga na maana ni pungi.”

Luke 4:13

Ma Satan te tabotabo sokoa tua Jesus nighi na lei totobo raini, ge rughuhoru sania Jesus pile bona, me pitua na bona uto te maheboa iga ge ke ghoi tabotaboa.

John 14:30

Inau ku mua tangomana na kokoe daro ni bona vanighau, na pukuna Satan, na vunaghina na maramana eni, te mai, hauva, agaia te mua logho maana pungisiu.

1 Timothy 3:16

E utuni ngangata, a kiri nina tarai ni holohoru te mava me haba. Christ te livu mai tana huli ni tinoni, mana Tarunga Tabu te talutatea gaia te maemane, mana lei angel tara vaevanea, Ma rana taluutuni tara ladavaghinia tana lei kema, Me subo na vure tara taluutunia gaia tana maramana udolu, Me lavidatoa va i kokou.

Rana Hebrew 1:14

Mana lei angel ke, gaira rana tarunga tara lutu vania God. Gaia te nira vetena mai ge kara hangara rahei kara lavia na vola kasila.

Rana Hebrew 1:6

Mi naghona ge God te nia vetena mai nina kamanagho tana maramana, ge bosa, “Ighau udolu nigua lei angel kau holohabaa.”