Matthew 3:10 - Na Rongorongo Uto nina Jesus Christ

¹⁰ Itaeni God te gonidila ge ke detera rahei tara mua tughulio tana lei paludira, te vaghaa na mane te dutu ni tokaani na lei ghai. Mana lei ghai tara mua loghoi na lei vavanga tara uto ke tokai me ke kere taghalaghinighi tana lake.

Matthew 3:10 Iomraidhean Croise

Buka Linge 1:3

Gaira te vaghara na lei ghai tara subai lilighini na lei beti, ma gaira tara vangagha tughu niulu, te mua ghoi taho tua. Mana rauraudira te mua ghoi dudu ghua, mana hava tara gonighi vamua ilokani, te maemane tona haliu.

Buka Linge 140:10

Ko havukaghinia na gougovu ni lake bera tana uludira, po ko sonighi tana lake pi tana lokana na gilu valo, iga kara mua tangomana na rughuhoru keha.

Buka Linge 92:12

Rana uto tara katukatu vaghara na lei ghai cedar ni Lebanon.

Daniel 4:14

Na angel te ghaeghahe, ‘Kau toka horua na ghai, ma kau pusighi na lei otona! Kau kahi keha na lei raurauna, ma kau soni sebalai na lei vavanga! Kau ghurura lei maumanu tana sara ni ungaungana mana lei manu tana lei otona.

Malachi 4:1

Ma Yahweh puku ni maana te ghaghua, “Na bongi ni dete te sara mai, ma gaira udolu rana tinoni talunagho mana vure dika kara kerera tana lake vaghara na buburu mamaha. Mi tana dani vaghana tua keri, [kara] ghani taghalaghinira, me taho siki totobo itadira ke ghanaolia.

Matthew 21:19

Ma gaia te righia na ghai, tara holoa nia na fig lilighi ni halautu, me vaa lilighina, me vaevanea te taho iga siki vavanga, mana raurau vamua. Ma gaia te bosa vania na ghai, “Vuivuni taeni ighoe ko mua loghoa siki vavanga!” Mi tana bona keri na fig te sasagha tua.

Matthew 7:19

Mana ghai te mua uto na vangana kara toka horua ma kara sonia tana lake.

Luke 23:31

?Ge na lei totobo te vaghai raini ke ba kale vaniu inau, na tinoni maemane ke, mi vei kea vanira rana tangohahi?”

Luke 3:9

Itaeni God te gonidilaa ge ke detera rahei tara mua tughulio te vaghaa na mane te dutu tokani na lei ghai nia na posu. Raini tara mua loghoa na vavanga te uto, ke toka horui me ke soni haghei tana lake!”

John 15:2

Agaia te pusi kehai na lei aloalo tara mua vangagha, me kuri talugoni na aloalo tara vangagha, ge kara vangagha au vule va.

John 15:6

Ahei tua ke mua kabu vaukolu itagua, gaia te vagha na aloalo tara koso kehaa, me sasagha ge mate. Mana vure kara vahikolui ma kara kerei me ke ghani taghalaghinighi na lake.

Rana Hebrew 12:25

Kau tangasi, kau rongovia na bosana God te kokoe vanighau. Na vure ni Israel kara mua samapolo tana bona tara mua liona na rongoviana na bosana Moses, gaia na tinoni holabosa ni maramana eni ke, me haba vaa ghua na dikana na vahaghitaili ke kaleghita, ke vagha ka mua rongovia na bosana God, te kokoe mai kokou.

Rana Hebrew 6:8

Hauva, mana balu vure tara vaghaa na leghai te mua uto na pukuna te totolo mai ga na karukaili mana kabakaba. Na tinoni te loghoa na leghai te mua nia togotogo, me kerea ge ghani taghalaghinia na lake.