Matthew 2:11 - Na Rongorongo Uto nina Jesus Christ

¹¹ Gaira tara haghe tana vale mara righia na meomeo kolua Mary na tinana. Ma gaira tara tualaghi tuturu mara holohabaa. Ma gaira tara nighi hevei vania didira na dolo te dato na mateni - na gold, ghaiuruuru tara holoa nia frankincense, mana beti uruuru tara holoa nia na myrrh.

Matthew 2:11 Iomraidhean Croise

Vuivuni 43:11

Ma tamadira Jacob te bosa vanira, “Ge ka mua tangomana tua na tughuru pungisiana ke, kau gonia vamua te vaghaa eni. Kau hogho nighi ta nimiu na kirisa na lei totobo tara utoutoa lee ilokana na butonikomu i Canaan. Ma kau holai vania na mane huhuli vaghai a nimiu na dolo vaniana, na balm, na kokolo ni midua, na lei vata ni vanga uruurua, a myrrh, na lei ghadogha mana ngali.

Buka Linge 2:12

Ko va hea dalena God na puku ni maana, na pukuna ke bei rutu gea; me ke havukaghinigho gea ighobudira tara tangohahi; na pukuna nina rutu ke tangomana ge ke vagha na pagana na vavuna na lake na pile bona vamua. Mi vei vaho te vagha na togotogo vaghana; ke vanira ara hei tara kenea na righitaoni itatana.

Buka Linge 45:8

Nimua na pupulu te, to uruuru iga na myrrh, aloes, mana cassia. Mi tana bonana na vunaghi tara vaghuvaghua nia na lei totobo pura, Ighoe tara nia lingelinge vanigho nia na lei harp.

Buka Linge 72:10

Na lei vunaghi haba ni paleva bokona Tarshish maira na lei koukomu kara vahea didira na lei kokoe ni talumava mana holouto. na lei vunaghi haba ni paleva uluna Sheba, ma Sheba kara vahea didira na lei hevei lee tana dolo.

Buka Linge 72:15

Na vunaghi haba ke daro na volana! Ge ma ka vahea na Gold ni Sheba. Na lei vure kara kokoeliulivutia haia ma kara vautoa agaia tana dani udolu.

Buka Linge 95:6

Ighita ka nia kikinima ka holohabaa, taulaghi tuturu vania te gonighita.

Buka Rughuhoru 30:23

“Ko lavi kolui na lei ghaiuruuru raini ra lima hangalatu na shekel na kokolo ni myrrh, me rua hangalatu lima hangavulu na shekel na cinnamon te manilu na uruna, me rua hangalatu lima hangavulu na shekel na tovu,

Buka Rughuhoru 30:34

Ma Yahweh te bosa vania Moses, “Ko lavikolui na lei uruuru te manilu raini, ke sakai na kaekage vasoo, stacte, onycha, galbanum, mana puku ni frankincense.

Malachi 1:11

Rana vure tana vuivunina na maramana me va sara tana sosokona tara talumavau. Ivei tua tara ghahara ke, kara kere ghaiuruuru vaniu, ma kara taludatoi na lei sukaghi tu holopangotighi. Eo, ma gaira udolu tara talumavau.

Matthew 1:18

Aeni te ghaghua iga na vahuana Jesus Christ. Mary, tara anea vania Joseph ge ke tauna. Inaghona ge ro taulaghi, Mary te bohe, te nia liu mai tana Tarunga Tabu.

Matthew 12:46

Mi tana bona Jesus te kokoe vanira na vure, a tinana ma rana lei hoghona tara sara mai. Mara tughuru pari bebete, tara liona na kokoe vaniana.

Matthew 14:33

Ma gaira nina lei vaovarongo tara ghahara loka ni tiola mara holohabaa Jesus, mara ghaghua, “E utuni sughua, ighoe na puku ni Dalena God!”

Matthew 2:10

Tana bona tara righia na veitughu te beto iga, ma gaira tara togotogo mara rivurivu.

Matthew 2:2

Mara huatira na vure, “?Ivei tara vahua na meomeo ge ke vunaghi pungisira rana Jew? Ighai tai righia na veitughuna te dato mai i Ulu, keri ge ighai tai mai ge kai tualaghi tuturu ma kai holohabaa.”

Luke 2:16

Ma gaira tara mina tona, mara kene topora Mary ma Joseph, mana meomeo ghua, te koli tana malei vanga ni buluka.

Luke 2:38

Tana bona keri ghua, Anna te mai vanira Joseph ma Mary, me holohabaa God, ge nia kokoe Jesus vanira arahei soko tara pitua God ke mai huiolira me ke vavolara nina vure ni Israel.

John 19:39

Ma Nicodemus, na mane te diki vaa righia tua Jesus tana bongi, te tona kolua Joseph. Gaia te lavighi mai te manana e tolu hangavulu tolu na mavani na ghaiuruuru tara gonighi nia erua na ghai, na ahadira na myrrh mana aloes.

Na Livu 19:10

Ma vaho ge u tualaghi tuturu ge ku holohabaa, hauva ge bosa vaniu te vagha eni, “Taho! Ko bei holohabau gea, na pukuna inau nina tinoni lutu God tu vaghagho ighoe vamua, maia na lei hoghomu tana taluutuni, tara taonighi na lei tarai te utuni Jesus te bosatatei. Keri ge ko holohabaa God vamua na pukuna na bosana te maana me utuni te hangara na lei prophet. Na pukuna Jesus te bosatatea na utuni eni, te maanangira na lei tinoni ge kara tughunitatea na bosana God.”

Na Livu 5:8

Tana bona te lavia na buka lologhu, gaira ra vati na totobo vola me rua hangavulu vati na mane nagho tara poghotao tana matana na Dale Sheep. Sopa sakai tadira te tabea na ghalevu, ma gaira tara tabei ghua na popo gold te vonughighi na ghaiuruuru, te vagha didira na kokoeliulivuti nina vure God!