Matthew 18:3 - Na Rongorongo Uto nina Jesus Christ

³ me ghaghua, “E utuni na hava inau ku bosa vanighau, kau tughui mughua na nilabumiu vaghara na lei gari pile, ge kau tangomana na haghe tana kinakabuna God.

Matthew 18:3 Iomraidhean Croise

Buka Linge 131:2

Inau tu beto mu vaovarongo heghegu, te vagha na gari pile, te beto vaovarongo itatana na tinana. Eo, te vagha na gari pile, na tarungagu lokagu inau.

Matthew 13:15

Na pukuna te ngasi na tobadira, mara pitoi na kulidira mara maturuhighi na matadira, Vaho ge kara bei nighi reirei vakale gea na matadira, ma kara nighi rongo vakodo gea na kulidira, ma kara lavipangotiu nia gea na tobadira, ge kara liliu pulohi vaniu mai, mi nau ku vavolara.’

Matthew 18:2

Jesus te holoa mai na gari pile itatana, me tughuruvaghinia i naghodira,

Matthew 18:4

Ahei ke talumuria heghena te vagha na gari pile eni, ke haba vule vaa tana kinakabuna God.”

Matthew 19:14

Ma Jesus te bosa vanira, “Kau lubatira na lei gari pile kara mai tagua. Kau bei hovera na pukuna didira tua na kinakabuna God, na lei tinoni te vaghara na lei gari raini.”

Matthew 19:23

Ma Jesus te ghaghua vanira nina vaovarongo, “E utuni inau ku bosa vanighau, ‘E vahola ngangata vania na tinoni loghorongo ge ke vaa haghe tana kinakabuna God.’

Matthew 5:18

E utuni, na parako mana pari koro taghara, hauvaa me ke mua tagha siki pilena nina lei vetena Moses polo na hava tara bosatatei kara poso mai.

Matthew 5:20

Vaho ge inau tu bosa vanighau, ighau kau haghe tana kinakabuna God, ge ta kau puku ni taluutuni ma kau kabu maemane vulera na lei manetarai ni vetena nina Moses mana na lei Pharisee, ma kau taonia na hava God te liona.

Matthew 6:16

“Tana bona kau maturutoo ni vanga ke, kau bei vaghara gea rana kiko tara rei malili, mara talutatera heghedira tara maturutoo ni vanga, ge kara ghanaghana mavara na lei tinoni. E utuni, inau tu bosa vanighau gaira tara holai tua na tabadira.

Matthew 6:2

Tana bona kau hevei dolo vanira rana bona ke, kau bei lovua gea na tavuli, ma kau bei talunagho vaghara rana kiko tara nei tana lei vale kokoeliulivuti ni Jew, mi tana lei halautu ni komu ge na lei vure kara ladavaghinira. E utuni, inau tu bosa vanighau gatu, tara lavia tua na tabadira.

Matthew 6:5

“Tana bona kau kokoeliulivuti ke, kau bei vaghara gea rana kiko! Na pukuna tara liona na tughuru tate tana lei halautu bakesa mana vale kokoeliulivuti ni Jew, mara kokoeliulivuti, ge rana vure kara vaevanera. E utuni, inau tu bosa vanighau gatu, tara lavia tua na tabadira.

Mark 4:12

‘Na vure raini tara rongo vamua, ma kara mua rongo vakodo. Ma gaira kara reirei vamua, ma kara mua reirei vakale. Na pukuna kara nea te vaghaa ke, kara liliu pulohi ta God, me ke talukehai na paludira.’”

Luke 13:24

“Kau tabotabo na liu haghe tana kinakabuna God nia na mataula te ngingine, na pukuna e subo na tinoni tara tabotabo na liu haghe igaa, ma kara mua tangomana.

Luke 22:32

Mi nau tu kokoeliulivutigho tua Simon, ge ke bei labe gea nimua na taluutuni. Tana bona ko ghoi ririuoli mai tagua, ko patupatura lei hoghomu ge didira taluutuni ke ngasi.”

John 1:51

Ma Jesus te bosa vanira, “Inau tu bosa utuni vanighau, igeva kau vaevanea na kokou ke tavoka ma nina lei angel God kara dato ma kara horu i vuvungagu inau na Dale Tinoni.”

John 3:3

Ma Jesus te bosatughu vania, “Inau tu bosa utuni vanigho, e taho ahei ke haghevia na kinakabuna God, ke vahu vaolu mughua.”

John 3:5

Jesus te bosa tughu, “Inau tu bosa utuni vanigho, e taho ahei ke haghevia na Kinakabuna God, ke vahu vaolu mughua nia na beti mana Tarunga Tabu.

Gehegehedira 14:22

Tana lei komu raini rogaira toro bosa patupatura rana taluutuni, moro keikerira ge kara tughuru ngasi tana taluutuni nia na bosadira, “Me subo na vahola mana vahaghitaili ka rughupotai ge ka haghevia nina kinakabu God.”

Gehegehedira 28:27

Na pukuna te ngasi na tobadira, mara pitoi na kulidira mara maturuhighi na matadira, Vaho ge kara bei nighi reirei vakale gea na matadira, ma kara nighi rongo vakodo gea na kulidira, ma kara lavipangotiu nia gea na tobadira, ge kara liliu pulohi vaniu mai, mi nau ku vavolara.’”

Gehegehedira 3:19

Kau tughulio ma kau taluutunia God ge ke talukehai na lei palumiu. Kau nea te vaghaa eni,

1 Corinthians 14:20

Ighau rana taluutuni, kau bei vagha gea na ghanaghanadira na lei gari tana lei totobo raini. Na ghanaghanamiu ke vagha na tinoni te maghutu tua na ghanaghanana, hauva kau kabu marabu vaghara na lei meomeo tana lei totobo te dika.

1 Peter 2:2

Te vagha na meomeo tara vahua, te liona ngangata na susu ke, ighau kau liona ngangata na bosana God. Aeni te vagha na susu tarunga, ge kau nia totolo me ke vavolaghau.

2 Peter 1:11

Keri ke, God ke holopangoti togotogoghau ge kau rughuhaghe ta nina kinakabu te kasila dida Lord mana Vavolada a Jesus Christ.