Matthew 13:2 - Na Rongorongo Uto nina Jesus Christ

² Mana vure subo tara mai kokoluvia, vaho ge sapa tana tiola, ge sopou horu ilokana, tana bona na vure tara tughuru parilonga.

Matthew 13:2 Iomraidhean Croise

Vuivuni 49:10

Na lei alaala-alaala ni vunaghi haba ni Israel kara rughuhoru mai haia tana kemana Judah. Maira ghua na lei vaivarina kara loghoa na maana pungisia talau, koekobe na maiana ahei te [paepaleva igaa/loghoa utuni,] agaia keri, na lei kema soko kara taonia.

Matthew 15:30

Mana vure tara mai tatana, mara lavira mai rana labe, rana rorodo, rana kuhu, rana kubu, rana mui, mana lei vata ni vahaghi kehakeha ghua tadira na lei tinoni. Mara mai talura vania Jesus tana lilighini tuana, me vavolara soko.

Matthew 4:25

Mana vuresubo tara butu mai tana bubulo i Galilee, maia na bubulo i Decapolis, maia i Jerusalem, mana lei komu i Judea, mi paleva uluna na betitina Jordan, mara saritaonia.

Mark 4:1

Ma Jesus te ghoi vuivuni ni tarai lilighina na kolokama ni beti i Galilee. Na vure subo tara talighutia, ge haehaghe tana tiola ni Jew te sobo tana beti, me sopou i lokana. Mana vure subo tara ghahara parilonga.

Luke 5:3

Jesus te haehaghe ilokana sakai tadira na tiola, anina tiola Simon, me nongia ge ke du sapaa na tiola tana kolokama. Gaia te sopou horu tana tiola, ge taraira na vure subo i parilonga.