Matthew 1:1 - Na Rongorongo Uto nina Jesus Christ

¹ Raini na lei tinoni tana vavatana Jesus Christ na vaivarina na Vunaghi haba David gaia na kemana Abraham.

Matthew 1:1 Iomraidhean Croise

Vuivuni 12:3

Inau ku vautora rahei tara vautogho mu ku varangara rahei tara varangagho. Mi tamua ighoe ku vautora na lei kema udolu ilokana na maramana.”

Vuivuni 2:4

Aeni te ghaghua iga na goniana na kokou mana pari. Mi tana bona God, tara holoa nia Yahweh, te gonia na kokou mana pari,

Vuivuni 22:18

Mi tadira na lei vaivarimu ku vautora na lei kema ni maramana talighu, na pukuna to varongohia na bosagu.”

Vuivuni 5:1

Aeni na vavatana mana vinavahuhuna Adam. Tana bona God te gonia na tinoni, gaia te goni taonira tana marena.

Buka Linge 132:11

Gaia Lord te papari vania David, ge ke mua laviolia nina bosa baubahu. Inau ku talua a sakai tadira, na vavatamu tana malei sopoumu.

Buka Linge 89:3

Ighoe a Lord, to bosa, “Inau tu baubahu kolua David, a nigua tinoni ni lutu tu vilia, mu papari vania te vaghaa eni,

Buka Linge 89:36

Na vinavahuhuna ke kabu kasila, ma nina malei sopou ni haba ke sopou ngasi vaghaa na aho i kokou.

Zechariah 12:8

Mi tana bona vagana keri a Lord ke pilui pungisira ra hei tara ghahara i Jerusalem, sugua rane bugu au vule, ta didira na ovu kara ghoi laga au vule vaga David. Ma rana vaivarina David kara ghidevira. vaga nina angel Lord, me God hegena.

Matthew 1:18

Aeni te ghaghua iga na vahuana Jesus Christ. Mary, tara anea vania Joseph ge ke tauna. Inaghona ge ro taulaghi, Mary te bohe, te nia liu mai tana Tarunga Tabu.

Matthew 1:2

Abraham tamana Isaac, ma Isaac tamana Jacob. Jacob tamadira Judah mana lei hoghona.

Matthew 15:22

Mana vaivine ni bubulo i Canaan te mua Jew, te ghaha iga te mai tatana, ge ngangaraha, “Vaivarina David, ko aroviu! Na tidalo dika te pongoa na dalegu na tahula me vahaghitaili.”

Matthew 3:16

Mi murina Jesus te vulitabu soko, ge tughuru dato tana beti, me righia na parako te hahangavi, mana Tarunga Tabu te horu mai vuvungana te vagha na bola.

Matthew 9:27

Ma Jesus te sakutua sania na bona keri, me rua na rorodo toro tumuria moro ghaeghahe vania, “Vaivarina David, ko arovighai!”

Luke 1:33

Ma gaia ke vunaghi pungisira na vure ni Israel, ke mua soko nina kinakabu.”

John 7:42

Na pukuna na gegere tabu te bosa ke, na Messiah ke vaivarina na vunaghi haba David, ma gaia ke sivuragha i Bethlehem, na komuna David.”

Gehegehedira 2:30

Agaia na prophet, me ghilalaa na hava te bahua nia God, ma God te nia papari, ge a siki sakai mughua tana kemana David ke vunaghi vaghaa David.

Rome 1:3

Aeni na tutuguna na dalena God dida na Lord Jesus Christ. Gaia na tinoni, tara vahua tana vaivarina David.

Rome 4:13

Idania, God te nia baubahu ge ke vahea Abraham mana lei vaivarina na maramana udolu. Na mua pukuna Abraham te taonia na vetena, mana pukuna Abraham te taluutunia ma God te dete maemanea.

Rome 9:5

Rana kukuadira nina lei puku ni vure haba God, a Christ heghena ghua tara bahua tana kema ni Jew. Ma Christ gaia God, te vunaghi pungisighi na lei totobo soko, me kaekagena na holouto kasila! Amen.

Galatia 3:16

Idania God te vahea na baubahu Abraham mana vaivarina, mana vaivarina eni ke, a Christ. Ma kau ghilala utoa, te mua bosaa na baubahu eni, vanira rana vaivarina, te vagha gaira tara subo. Hauvaa mana baubahu eni te vania vamua na vaivarina.

1 Timothy 2:5

Ma sakai vamua na God maia sakai te pala i ghobu te talukolua na tinoni va ta God, mana tinoni keri a Jesus Christ.

2 Timothy 2:8

Ko ghanaghana olia haia Jesus Christ, gaia na tinoni te sivuragha mai tana kemana David na vunaghi haba, ma gaia te tughuruoli tana mate. Aeni na Rongorongo Uto tu nia tarai.

Na Livu 22:16

Inau Jesus, tu nia vetena nigua na angel ge ke gatu tughunitatei na lei totobo raini vanighau ighau rana taluutuni lokani na lei holohoru soko. Inau tu sivuragha mai tana kemana na vunaghi haba David. Mi nau ghua na ghama ni labota.”