Luke 8:10 - Na Rongorongo Uto nina Jesus Christ

¹⁰ Jesus te bosa tughu me ghaghua, “A God te neghau ighau nigua na lei vaovarongo, tau taluutuniu, ge kau ghilalai na lei ghanaghana te polo tana kinakabuna, ma vanira arahei tara mua taotaoniu tu kokoe vanira tana bosa vavaghaha, keri ge na hava na Gegere Tabu te bosaa ke kale, ‘Na vure raini tara rongo vamua, ma kara mua rongo vakodo. Ma gaira kara reirei vamua, ma kara mua reirei vakale.”

Luke 8:10 Iomraidhean Croise

Buka Linge 25:14

Na tamakulani kolua Lord te kabu dila vanira rahei tara mataghunia gaia. Gaia te tatea vanira nina baubahu te talu polo dilaa.

Matthew 11:25

Mi tana bona vaghana keri, Jesus te kokoeliulivuti, “Tamagu, to vunaghi pungisighi na kokou mana maramana, inau tu holoutogho to tatei vanira na vure tara mua manaha te vaghara na gari, na hava to poloi vanira tara manaha.

Matthew 16:17

Me ghaghua Jesus, “Simon dalena John, God te vautogho! Na utuni eni te mua pukulaghi mai tatana na tinoni, ma Tamagu i kokou te vahegho mai.

Mark 4:11

Jesus te bosatughu me ghaghua, “God te talana vanighau ge kau manahani na lei totobo tara kabu polo tana kinakabuna God. Mana bosa vavaghaha te vanira rahei tara mua ghahara i lokana na kinakabuna.

Mark 4:12

‘Na vure raini tara rongo vamua, ma kara mua rongo vakodo. Ma gaira kara reirei vamua, ma kara mua reirei vakale. Na pukuna kara nea te vaghaa ke, kara liliu pulohi ta God, me ke talukehai na paludira.’”

John 12:40

God te pungihighi na matadira, me ngasilighi na kutudira, keri ge na matadira ke mua vaevane mana tobadira ke mua ghilala, keri ge kara mua ririu mai tatana me ke volara.

Rome 16:25

God vamua te tangomana ge ke lagalagaghau tana taluutuni, te vaghaa te bosaa tua nina rongorongo Jesus Christ, anina padalaghi vanighau ighau rana mua Jew te kabu polo tana vuivunina mai tua.

1 Corinthians 12:11

Ma gaia vamua na Tarunga Tabu te tuvalighi na lei sonihalavu raini, ma gaia heghena vamua te ghanaghana ivei na sonihalavu ia ke vahea sopa sakai tinoni.

Colosse 2:2

Tu ghanaghana ge ku bosa patupatughau haia ge kau nia liokolu haia nimiu na dolo. Na pukuna eni ighau kau loghoa na manaha soo nia nina ghanaghana polo a God, aeni a Christ heghena.

1 Timothy 3:16

E utuni ngangata, a kiri nina tarai ni holohoru te mava me haba. Christ te livu mai tana huli ni tinoni, mana Tarunga Tabu te talutatea gaia te maemane, mana lei angel tara vaevanea, Ma rana taluutuni tara ladavaghinia tana lei kema, Me subo na vure tara taluutunia gaia tana maramana udolu, Me lavidatoa va i kokou.