Luke 5:1 - Na Rongorongo Uto nina Jesus Christ

¹ Sakai na bongi Jesus te tughuru ililighina na kolokama Galilee, mana vuresubo tara kokoluvia mara burusia, te liodira ge kara rongovia na bosana God.

Luke 5:1 Iomraidhean Croise

Matthew 11:12

Vuivuni tana bona John te tughunitatea vanira nina rongorongo, me saravia na bongi taeni, na kinakabuna God te rughu potaa na vahola, sakai vamua na lei malaghai tara suravia, mara tabotabo ge kara lagavulea.

Matthew 14:34

Ma gaira tara sara tua levuna na kolokama tana bubulo i Gennesaret.

Mark 3:9

Na pukuna tara subo ngangata na vure, Jesus te bosa vanira nina vaovarongo ge kara gonidilaa vania na tiola ni Jew, ge kara bei dukuli ngangataa gea na vure subo.

Mark 4:1

Ma Jesus te ghoi vuivuni ni tarai lilighina na kolokama ni beti i Galilee. Na vure subo tara talighutia, ge haehaghe tana tiola ni Jew te sobo tana beti, me sopou i lokana. Mana vure subo tara ghahara parilonga.

Mark 5:24

Ma Jesus te nia udukolu. Mana vure subo tara saritaonia, mara dukulia.

Mark 6:53

Ma gaira tara halavu i levu tua, mara va sara tana komu i Gennesaret, mara pinitia na tiola ni Jew.

Luke 12:1

Tana bona vaghana keri na togha ni vure tara kokolu mai mara sopa veidudukuli. Ma Jesus te diki bosa vanira nina vaovarongo, “Kau righitaonighau ta didira nilabu pegopego na lei Pharisee te vaghaa na yeast. Tara mua nei na hava tara nighi tarai.

Luke 5:2

Ma gaia te righira erua na tiola, tara longai tana parilonga. Balu na mane taotagho tara oli ni gehelau mara va apoi didira na vugho.

Luke 8:22

Mi ta sakai na bongi Jesus te bosa vanira nina vaovarongo, “Gatu ghita ma ka halavu i levu ni kolokama.” Keri ge ra haehaghe tana tiola ni Jew mara tona halavu i levudari.

Luke 8:23

Mi tana bona tara kale halavu Jesus te maturu. Hau pile vasoo, me mai na ghuri sule lokana na kolokama ge kalera, me haghe mai na beti lokana na tiola mara dutu ni luvu.

Luke 8:33

Keri ge ra rughuhoru lokana na mane, mara vaa rughuhaghe lokadira na bolo. Mana volivoli udolu tara sama sughi horu tana sosoghola mara sosogha horu lokana na kolokama ni beti mara lulumi.

Luke 8:45

Ge huahuati Jesus, “?Ahei te tabeu?” Agaira udolu tara hughu, ma Peter te bosa vania, “Maghutu, ighoe to righia tua na vuresubo te duduku me kakata talighutigho. ?E ghua ge o huahuati vaghaa keri?”

John 1:40

Ma sakai tadira te rongovia John me taonia Jesus ke, Andrew, na tahina Simon Peter.

John 6:1

Mi murina eni, Jesus te sogha halavu tana kolokama ni beti i Galilee, tara holoa nia ghua Tiberius.

Rana Hebrew 13:7

Kau ghanaghana olira gaira tara hulighau, arahei tara diki taraighau nia na rongorongona God. Kau ghanaghana olighi na lei totobo uto tana voladira, ma kau ghanaghana kodo itatana Lord vaghara gaira.

Joshua 12:3

Ma Sihon te haba pungisia ghua na boboko Jordan mi bokona na kolokama ni beti i Galilee, ma va saravia na tahi Mate paleva longana maia na komu Beth–Jeshimoth i uluna, maia na ghotu Pisgah.

Joshua 13:27

Mi tana boboko, Beth-haram, Beth-nimrah, Succoth. Zaphon, kolua nia na kinakabuna udolu Sihon na vanaghihali ni Heshbon. Na beti tina Jordan na ririti boko, me tona longa me va sara tana kolo i Galilee.