Luke 2:9 - Na Rongorongo Uto nina Jesus Christ

⁹ Ma nina angel Lord te tate vanira mana rarangana Lord te hinari talighutira, me sule ngangata na mataghu te nera.

Luke 2:9 Iomraidhean Croise

Buka Rughuhoru 16:10

Mi tana bona Aaron te bosa vanira mua na vure, mara rei va mua tana bona mamaha ka, ra righi datoa nina rongoragha Yahweh te marara mai lokana na ghobaghuli/parako.

Buka Rughuhoru 16:7

Mi ropo kau righia nina rongoragha mana lada Yahweh, na pukuna te rongovia tua nimiu bosa ni hughuhughu, tau diua na bosana Yahweh, mua iroghai tau diughai.”

Matthew 1:20

Mete nea na ghanaghana te vagha eni, nina angel a Lord God te tate vania tana maturubole me bosa vania, “Joseph, vaivarina na Vunaghi haba David, ko bei ghanaghana ruarua. Ko tauna Mary na pukuna na meomeo itatana te nia liu mai tana Tarunga Tabu.

Luke 1:28

Na angel te mai tatana me ghaghua, “Na mabo itamua. A Lord itamua, me vautogho haba va!”

Luke 2:8

Mi tana bongi keri, gaira rana righitaoni sheep, tara dai mara righitaonira didira na sheep lilighina Bethlehem.

Luke 24:4

Gaira tara tughuru igaa, te nia bule na uludira na totobo tara righia. Hauva so, mara righira erua na mane toro tughuru i lilighidira, toro nighi pupulu na tivi marabu.

John 12:41

Isaiah te bosa te vagha eni na pukuna God te ladavaghinia nina rongoragha Jesus.

Gehegehedira 12:7

Ma nina angel a Lord te tughuru lilighina, mana marara te vonughia na voki udolu, mana angel te tabea na garona Peter, me alihia, me bosa vania, “Ko mina tapatughuru!” Mana talihalo te pidi keha, me tumu horu tana limana.

Gehegehedira 27:23

Na pukuna i bongi nulavi, nina na angel God tu holohabaa te mai tagua

Gehegehedira 5:19

Mi tana bongi vaghana anina angel a Lord te mai hangavia na mataulana na vale pipiti, me huli horura ge ghaghua vanira,

2 Corinthians 3:18

Mi ghita na vure subo ta taluutuni, God te hola kehaa itatada oli na midi ni tivi keri, mi taeni ighita ta vagha na tiro te vitilaghi olia na rongoraghana Lord. Mi tana bona na Tarunga Tabu te lutu kolughita ke, ge ke tughughita mana pile mana pile ma ka vagha gaia, ma ka vitilaghi olia na rongoraghana te sule au va.

2 Corinthians 4:6

Mi tana bona God te gonia na maramana, te bosaa, “Mai na marara ke hinaria na pungi.” Mi taeni, God te nea nina marara ge hinaria na tobada, keri ge ke vaheghita na manahana nina rongoragha God ta righi kalea tana matana mana ihuna Jesus Christ.

1 Timothy 3:16

E utuni ngangata, a kiri nina tarai ni holohoru te mava me haba. Christ te livu mai tana huli ni tinoni, mana Tarunga Tabu te talutatea gaia te maemane, mana lei angel tara vaevanea, Ma rana taluutuni tara ladavaghinia tana lei kema, Me subo na vure tara taluutunia gaia tana maramana udolu, Me lavidatoa va i kokou.

Rana Hebrew 12:21

Moses heghena te righia na lei totobo raeni ge bosa, “Inau tu mataghu mu tatata.”

Na Livu 18:1

Imurina soko raini, inau tu righia ghua a sakai na angel te horu mai kokou. Gaia te loghoa na maana te sule, ma nina rongoragha te maramahia na maramana udolu.

Na Livu 20:11

Mi nau tu righia na malei sopou ni vunaghi haba te pupura me sule, mu righia ghua gaia te sopou i vuvungana. Na maramana mana parako toro tona keha, me taho siki sakai ke ghoi righira.