Luke 2:51 - Na Rongorongo Uto nina Jesus Christ

⁵¹ Ma Jesus te oli kolura i Nazareth, te rongovi bosadira sughua. Mary, tinana, te talugonighi tana tobana na lei totobo raini te kale.

Luke 2:51 Iomraidhean Croise

Vuivuni 37:11

Mana pukuna keri na lei hoghona tara rutu ngangata vania Joseph, hauva na tamana Jacob te ghanaghana haia sono na hava na ghanaghana ilokana na maturubole.

Buka Linge 119:11

Na lei bosamu te kabu polo tana tobagu, ge ku bei kabalaghi savugho gea.

Daniel 7:28

Agaia eni na sosokona na maturubole. Mi nau, Daniel, tu mataghunia ngangata mu kanoragha, mana matagu mana ihugu te pura. Hauva, mu talugonighi so tana liogu na lei totobo raeni.

Matthew 12:46

Mi tana bona Jesus te kokoe vanira na vure, a tinana ma rana lei hoghona tara sara mai. Mara tughuru pari bebete, tara liona na kokoe vaniana.

Matthew 3:15

Ma Jesus te bosa tughu vania, “Ko nea tua itaeni, te ulaghada iroghita na kaekageani na hava te liona God.” Vaho ge a John te vulitabua Jesus.

Mark 1:9

Me mua daro ni bona murina, Jesus te butu mai i Nazareth tana bubulo i Galilee, me vulitabu itatana John tana betitina Jordan.

Mark 6:3

?E mua gaia na mane kisu vale, na dalena Mary, ma tughadira James ma Joseph, ma Judas ma Simon? ?Me mua gaira na lei vaivinena tara ghahara iani tatada?” Ma gaira tara mua lavipangotia.

Luke 18:37

Mara bosa vania, “Jesus ni Nazareth te mai tona haliu.”

Luke 2:19

Ma Mary te talugonighi tana tobana na lei kokoe raini, me tona haliu so na ghanaghanaani.

Luke 2:39

Ma Joseph ma Mary toro nei sokoi tua na lei totobo te manana nina vetena Lord God, ge ro oli Nazareth na komudira tana bubulo i Galilee.

Luke 4:16

Ma Jesus te tona i Nazareth, te sule ghalagha igaa. Me haghe tana vale kokoeliulivuti ni Jew, ta sakai na Sabbath, te vaghaa te nea haia tua, me tughuru dato ge idumia na gegere tabu.

Luke 4:23

Ma Jesus te bosa vanira, “Ighau tau liona ge kau bosa vaniu na bosa manaha eni te ghaghua, ‘Mane kisu, ko diki vavolagho heghemu,’ na ghanaghana igaa ke, ‘ge ighoe na Christ ke, ko gonighi ghua iani tana komuda na lei butuli to nei Capernaum tai rongovighi!’

Ephesus 5:21

Kau talumurighau haia itamiu sopa heghemiu, na pukuna ighau tau nia kikinima Christ.

1 Peter 2:21

God te hologhau ge kau vahaghitaili te vagha keri, na pukuna Christ te vahaghitaili vanighau, me tatea na nilabu ge kau taonia.