Luke 2:11 - Na Rongorongo Uto nina Jesus Christ

¹¹ Tana bongi eni tana komuna David na vunaghi haba, tara vahua na Vavola ge ke vavolaghau. Gaia na Christ a Lord.

Luke 2:11 Iomraidhean Croise

Vuivuni 3:15

Te vuivuni taeni, inau ku neghau, ighoe mana vaivine, koro kanahaghi. Mana vaivarimu ighoe mana vaivarina gaia ghua kara kanahaghi. Na vaivarina gaia ke turi horua na ulumu, mi ghoe ko ghalatia na guruvatuna na tuana.

Vuivuni 49:10

Na lei alaala-alaala ni vunaghi haba ni Israel kara rughuhoru mai haia tana kemana Judah. Maira ghua na lei vaivarina kara loghoa na maana pungisia talau, koekobe na maiana ahei te [paepaleva igaa/loghoa utuni,] agaia keri, na lei kema soko kara taonia.

Buka Linge 2:2

Na lei vunaghi haba ni maramana tara gonidila ni veitotoghoni: mana lei tinoni huhuli kara tughuru kaukolu nia didira na lei ghanaghana popolo kara vahaghitailira nia a Lord, ma kara tughuru pungisia nia nina tinoni te siusiua.

Matthew 1:16

Jacob tamana Joseph, mana tauna Mary te vahua Jesus tara holoa nia na Christ.

Matthew 1:21

Agaia ke vahua na meomeo mane, mo ko vatua nia Jesus, na pukuna gaia ke vavolara na lei tinoni tana lei paludira.”

Matthew 16:16

Ma Simon Peter te bosa tughu, “Ighoe na Christ Dalena God te vola.”

Matthew 16:20

Ma Jesus te hove pungisira nina vaovarongo, ge kara bei tughunitatea vania siki sakai agaia na Messiah.

Luke 1:43

?E ghua vaho ge ke kale vaniu na ghanaghana eni, ge agaia tinana nigua na Lord te mai kaou?

Luke 1:69

Gaia te vetenaa vanighita mai na vavola te maana, na vaivarina na vunaghi haba David, nina tinoni lutu.

Luke 2:26

Na Tarunga Tabu te bahua nia, ge ke mua mate, polo ke righia na Christ a Lord te bahua ge ke nia vetena mai.

Luke 2:4

Joseph ghua te tona, te vaa rughuhoru mai tana komu i Nazareth ilokana na bubulo i Galilee me vaa i Bethlehem ilokana Judea na komuna David na vunaghi haba. Joseph te tona igaa na pukuna gaia te sivuragha tana kemana David.

John 1:41

Me mua hau vaso murina me sodoa hoghona Simon ge bosa vania, “Iroghai toro sodoa tua na Messiah.” (Na ghanaghana ilokana na bosa eni - Christ.)

John 1:45

Philip te sodoa Nathaniel me bosa vania, “Ighai tai sodoa tua na tinoni Moses te gerea tana buka ni vetena, mana lei prophet tara gerea ta didira na gegere. Agaia Jesus dalena Joseph ni Nazareth.”

John 11:27

Ma Martha te ghaghua vania, “Eo Lord! Inau tu taluutunigho ighoe na Messiah, Dalena God! Ighoe agaia God te baubahu ge ke mai tana maramana.”

John 20:31

Hauvaa raini tara gere horui ge kau taluutunia, agaia Jesus na Messiah, a Dalena God. Ma ge kau taluutunia gaia, ighau kau loghoa na vola kasila nia na ahana.

John 4:25

Na vaivine te bosa vania, “U ghilala na Messiah ke mai, tara holoa nia Christ. Mana bona ke mai, agaia ke taraighai nia na lei totobo soko.”

John 4:42

ma gaira tara bosa vania na vaivine, “Itaeni ai taluutunia tua, na mua pukuna na hava to bosa vanighai, mana pukuna tai rongovia heghemami, mai ghilala sughua tua agaia na Vavolana na maramana.”

John 6:69

Ighai tai taluutuni, mi ghai tai ghilalaa ghua, ighoe na Tinoni Tabu to butu mai ta God.”

John 7:41

Na balu tara ghaghua, “Agaia na Messiah!” Mana kehana tara ghaghua, “Na Messiah ke mua rughuhoru mai i Galilee!

Gehegehedira 10:36

Ighau tau varongohia nimiu na rongorongo eni te nia vetena mai vanira na vure Jew, na tughunitateana na Rongorongo Uto ni mabo nina Jesus Christ te vunaghini na lei totobo soko.

Gehegehedira 13:23

Aeni Jesus na kukuana David, God te tatelavaghinia vanira na vure ni Israel na Vavola te vaghaa te nia baubahu tua.

Gehegehedira 17:3

me toghighi vanira agaia na Christ te vahaghitaili, me volaoli tana mate. Me ghaghua, “Eni gaia na Christ tu bosatatea vanighau, agaia a Jesus.”

Gehegehedira 2:36

“Ghau na vure udolu ni Israel, kau ghilala utoa tua Jesus eni agaia tau patokia, ma God te nea ge ke Lord me Messiah!”

Gehegehedira 5:31

Ma God te talu ghalaghaa me sopou tana pala madolona, ma dida na vunaghi haba mana vavola ke nera na vure ni Israel kara sanighi didira na lei gehegehe dika me ke talukehai na lei paludira.

1 Corinthians 15:47

Adam, na vuivuni ni tinoni, God te gonia tana pughu ni pari ni maramana, hauva Christ eruani na tinoni, te butu mai i kokou.

Philippi 2:11

Mana lei vure soko kara tughunitatea gaia Jesus Christ a Lord. Aeni te lada itatana ge ra holohabaa God Tamada.

Philippi 3:8

Mete mua gaighi vamua na lei totobo kiri, inau tu nighi ghaghua na lei totobo padi te soko haliu tua te vaghai na lololo. Mi nau tu sani soko haliui ge u ghilala utuni a Jesus Christ nigua na Lord. Mu holopangotia a Christ,

Colosse 2:6

Te vagha ighau tau lavipangotia tua Jesus Christ te vagha na vunaghimiu, e maemane ge kau tona haliu na taoniana.

1 John 4:14

Ighai tai vaevanea na Dalena God nia na matamami, mai tughunitatea vanira na lei tinoni, God Tamada te nia vetena na Dalena ge ke vavolaa na maramana.

1 John 5:1

Arahei kara taluutunia Jesus agaia na Christ ke, gaira rana dalena God. Ma rahei kara dolovia na Mama ke, kara dolovira ghua rana lei dalena udolu.