Luke 11:9 - Na Rongorongo Uto nina Jesus Christ

⁹ Ma keri ge u bosa vanighau, kau nongia God, ge kau lavia. Kau kenea ge kau topoa, ma kau kidikidi ge God ke hangavia vanighau na mataula.

Luke 11:9 Iomraidhean Croise

Buka Linge 118:5

Ta nigua na vahaghitaili [hau/nau] tu kokoeliulivuti vania Lord, Ma Lord te bosa tughu me volau inau.

Buka Linge 27:4

Sakai na totobo ku nongia va itatana Lord, na totobo tu kene ngangataa, ke na kabu tana valena Lord tana lei bongi ni volagu. Ku nighi togotogo na lei totobo te uto mu ku kokoeliulivuti ta nina vale tabu.

Buka Linge 27:8

Na tobagu te rongovigho tua to bosa, “Mai mo ko kokoe vaniu.” mana tobagu te bosatughu, “Lord inau tu mai.”

Buka Linge 34:10

Sughua na dalei liona tara laga tara vitolo ma rahei tara varava ngasi tatana kara mua kenea na hava ke uto vanira.

Buka Linge 34:4

Inau tu kokoeliulivuti me rongoviu Lord me lavi horuu ta nigua na mataghu.

Buka Linge 50:15

Ko ghanaghanau tana bona ko haghagho tana gunaguna mi nau ku vavolagho, mi ghoe ko va heu na talumava.

Daniel 9:3

Mi nau tu kokoeliulivuti varavaghi vania Yahweh, nigua na God, mu nongia na hahanga, mu maturutoo ni vanga, mu nia pupulu na tivi ni dikalio, keri ge u sopou kolu ravu.

Matthew 21:22

Ke vagha kau taluutunia God ke, mi ghau kau lavighi na lei totobo soko kau nongighi tana kokoeliulivuti.”

Matthew 21:31

?Ahei tadira te goni taonia na hava tamadira te liona?” Gaira na vure tara bosa tughu, “Na kamanagho.” Ma Jesus te bosa vanira, “E utuni inau tu bosa vanighau, ‘Rana hahi tara vaghara na lei vahikolu rongo mana lei rebi kara haghe tughughau tana kinakabuna God.

Matthew 6:29

Mi nau tu bosa vanighau gatu, Solomon na Vunaghi haba te loghoi na lologho sule, hauva ma nina lei tivi tara mua ghaugharugha vulea sakai tadira na haga ni ghai.

Mark 11:24

Mana pukuna keri ge ku bosa vanighau, ahei ke nongia siki totobo nia na kokoeliulivuti me ke puku ni taluutuni, God ke nea na hava te nongia itatana.

Mark 13:37

Mana hava tu bosaa vanighau itaeni, inau tu bosaa vanighau udolu. Kau vatoghaa!”

Luke 11:10

Ma vanira rahei tara nongia, God ke vahera. Ma rahei tara kenea, kara topoa, ma vanira rahei tara kidikidi, God ke hangavia vanira.

John 14:13

Mi nau ku nea na hava tua kau nongia tana ahagu, keri ge na Dale te ladavaghinia na Mama.

John 15:16

Au mua viliu ighau, mi nau tu vilighau, mu vetenaghau ge kau tona ma kau vangagha uto, na vata ni vavanga ia ke ghaha haia. Mana Tamagu ke vaheghau na hava tua kau nongia tana ahagu.

John 15:7

Ke vagha kau kabu vaukolu itagua, ma nigua na lei bosa ke ghaha itamiu, kau nongia siki totobo kau liona ke, ma God ke vaheghau.

John 4:10

Ma Jesus te bosa tughu vania, “Ge toko ghilalaa nina sonihalavu God, mo ko ghilala ahei te nongigho na inu, keri ge ko nongiu ge ku vahegho na beti maurihali.”

Rome 2:7

Ma gaia God ke hera na vola kasila, vanira rahei tara lutu uto maemane mara kene taonighi na lada mana rongoragha, mana malei haba, mana vola maurihali.

2 Corinthians 6:2

Na pukuna God te bosaa tana gegere tabu, Tana puku ni bona ni aho, Inau tu rongovighau, Mi tana bongi ni vavolamiu, Inau tu hangaghau. E utuni sughua, God te gonidilaa ge ke hangaghau. Itaeni tua na bongi God te gonidilaa ge ke vavolaghau.

Rana Hebrew 11:6

God ke nira togotogo vamua rahei tara taluutuni kakaia, na pukuna siki sakai ke liona na mai tatana ke, me ke taluutunia mughua gaia God i tatada, me ke vahera na taba vanira rahei tara lavilaga na mai tatana.

Rana Hebrew 4:16

Keri ge ka mai mughua ta dida na God, ma ka bei mataghu na pukuna te arovighita. Igaa ka lavia nina veiarovi, ma ka topoa iga na sonihalavu te hangaghita tana bona vahola.

James 1:5

Ma ge ke liomiu na ghanaghana manaha ke, nongia God, ma gaia ke nia togotogo na vaheamiu. Mana pukuna God te liodolo, gaia ke mua nea siki sakai te nongia ge ke nia maa.

James 5:15

Ma didira na kokoeliulivuti tara nei ta didira na taluutuni, ke vaa ghaotaa na tinoni vahaghi, ma Lord ke nea ge ke uto. Ma ge ke tangohahi ke, God ke talukehai vania na paluna.

1 John 3:22

Ma God ke vaheghita na lei totobo ta nongighi tatana, na pukuna ta taonighi nina lei vetena ma gehetia na hava te liona God.

Na Livu 2:24

‘Mi nau ghua tu loghoa na rongorongo vanighau ighau i Thyatira, tau mua taonia na tarai sorisori eni tara holoa nia nina utuni lalo Satan. Inau ku mua bosaa vanighau siki totobo itamua te vahola ge kau taonia.