Joshua 9:4 - Na Rongorongo Uto nina Jesus Christ

⁴ gaira tara padapada gekara mai gonia na pego gekara bei matera gea. Gara nira vetena na balu itadira, gekara va padapada vania Joshua. Ra talui na luludadira ivuvungani didira na donkey na lei baeke haulaghi mana lei ghuighuli ni sheep na vatei dode wine tara tarosi mara goniutoi.

Joshua 9:4 Iomraidhean Croise

Vuivuni 34:13

Hauva ka, ma rana lei vavinena Dinah tara nira sika Shechem ma Hamor na pukuna na hava te gonia Shechem ta vavinedira, keri ge ra pegora.

Buka Linge 119:83

Inau tu pororodi vagha na madoke tana ahu ni lake, tu pitu lugu tua. Hauva Inau tu varava ngasi so ta nimua na vetena ge ku pangotighi.

Matthew 10:16

“Kau righia, inau ku vetena kehaghau te vaghara na lei sheep ighobudira na lei kau ghaghala. Ma kau manaha uto te vagha na poli, ma kau liodolo te vaghaa na bola.

Matthew 9:17

Taho siki sakai ke dodea na wine vaolu tana kada haulaghi, ke taposa gea me ke kaikavi sule na wine, me ke kokoba na kada. Ko dodea mughua na wine vaolu tana kada vaolu ke, ge rogaira udolu na wine mana kada koro ghaha mahebora.”

Mark 2:22

Mana tinoni ke mua tangomana na dodeana na wine vaolu tana kada haulaghi, na pukuna na wine vaolu ke posaa gea na kada haulaghi ma rogaira soko na kada mana wine koro luvuparihai. Na kada vaolu mana wine vaolu te uto va.”

Luke 16:8

“Mana mane loghorongo te holoutoa nina ghairau pegopala te manahana na neani na lei totobo raini! Na pukuna na vure ni maramana eni tara manahana ngangata ivei kara nea ge kara goni utoi didira lutu vulera na vure taluutuni ni maramana tara kabu tana marara.”

Joshua 9:12

Na berete ini tara papara tai divei tana bingiti tai sania mai na komumami, mi taeni ra mamaha mara modiri tua.

Joshua 9:13

Na lei ghuighuli ni sheep tai dodei nia na wine tara vaolu bona tai sania na komumami, mi taeni tau righighi ra haulaghi mara potapota tua. Ma sughua nimami na tivi, maia na hahara ni tuamami tara tarosi ta nimami va vinano mai.”

Joshua 9:3

Mi tana bona na vure ni Gibeon tara rongovia na hava te kalea i Jericho mi Ai,

Joshua 9:5

Ra nighi pupulu na tivi marosi, mara haharani na tuadira tara sukisuki kolui, maia na berete modiri me mamaha na ohodira.