Joshua 8:29 - Na Rongorongo Uto nina Jesus Christ

²⁹ Ma Joshua te tari sasaraua na vunaghi haba ni Ai tana ghai, me sasarau iga ritini na nulavi. Tana huu ni aho vaho ge bosa vanira na vure ni Israel mara hola horua na hulina mara sonia va tana peo mataula haghe ni komu. Ra soni pilu vatuna na hulina mara ghanai so na vatu ini ritini mai taeni.

Joshua 8:29 Iomraidhean Croise

Buka Esther 7:10

Keri ge ara tari sasaraua Haman tana luana iga, ge mate. Mi murina keri, na vunaghi haba te mua rutu.

Buka Linge 107:40

Ma Yahweh te nia sika na vinahogho tara vahaghitailira, ge ra ole sebala tana bona mamaha, e taho iga na lei halautu.

Buka Linge 110:5

Ma Lord ke tughuru tana lima madolomu, [Yahweh] me ke labu horura te subo ni vunaghi ta nina bongi ni rutu.

John 19:31

Na dani eni ke, na dani ni gonidilaa, iropo ghana ke kale iga na Sabbath te tabu ngangata na pukuna te kale tana Gougonu ni Lovovule. Na pukuna keri, na lei habadira rana Jew tara mua liona ge na hulidira rahei tara patokia ke sasarau tana lei ghaivavala. Keri ke gaira tara nongia Pilate ge rana malaghai kara va gotighi na tuadira tara patokira ge kara mina mate. Vaho ge na hulidira kara huihorura tana ghaivavala.

Gehegehedira 12:23

Na pukuna te mua talumavaa God, ma nina angel a Lord te labua Herod, na pei tara ghania na hulina ge mate.

Joshua 10:30

Ma Yahweh te ghoi nia hevei so vanira na komu maia na vunaghi haba. Ra dokora, me taho hei ke ghana olia tana komu. Joshua te ghoi matea so na vunaghi haba ni Libnah te nea iga na mateana na vunaghi haba ni Jericho.

Joshua 10:33

Na vunaghi haba Horam tana komu i Gezer tara mai hangara na vurena Lachish, hauva Joshua kolura nia nina lei malaghai tara mate sokora.

Joshua 12:9

Joshua ma nina malaghai tara lagavulera tua na lei vunaghi haba tana lei komu te vagha i Jericho, Ai te dutuvia Bethel,

Joshua 7:26

Ra vatorighighi na lei ovu ni vatu vuvungana Achan, mara ghanai so ritini mai taeni. Keri te vagha gara holoa nia na Boboko ni Achor, me sara so taeni. Me soko nina rutu Yahweh vanira na vure ni Israel ta nina hahi Achan.

Joshua 8:23

Na vunaghi haba ni Ai vamua gera hola volaa, mara hola vania va Joshua.