Joshua 8:2 - Na Rongorongo Uto nina Jesus Christ

² Kau haurakea Ai te vagha tau nea iga na haurakeana Jericho ma nina vunaghi haba. Mi taeni ka, kau holai nimiu oli heghemiu na lei totobo lologho, maia na lei buluka. Mo ko talura na balu malaghai gekara koli polo murina na komu.”

Joshua 8:2 Iomraidhean Croise

Buka Linge 39:6

Na tinoni te ole vamua te vagha na nunu lee, me mangolia heghena nia na lutu laga: me baore aua nina sodo rongo, me mua ghilalai ahei ke loghoi.

Joshua 10:1

Adonizedek, na vunaghi haba ni Jerusalem te rongovia Joshua te lagavulera me matera na vurena Ai me matera na vunaghi haba ni komu iga, te vagha gaia te gonia vania Jericho mana nina vunaghi haba. Ma Adonizedek te pukura ghua rana vure ni Gibeon tara mabo kolura rana Israel mara nera gekara didira na seka.

Joshua 10:28

Tana dani vaghana so keri, Joshua e haurake udolui na komu sule Makkedah, e mate sokoa kolua nia na vunaghi haba. Taho siki sakai ke vola tana komu. E matea na vunaghi haba ni Makkedah te vagha te nea na mateana na vunaghi haba ni Jericho.

Joshua 11:14

Mana vure ni Israel tara labumate sokora rana vure ilokani, mara holai heghedira didira na lei totobo uto kolui nia didira na maumanu.

Joshua 6:21

Taho siki totobo ke kabu oli kara mua haurakea, - na mane, vaivine, vure vaolu mana haulaghi didira buluka, sheep, mana donkey, - na lei totobo soko tua.

Joshua 8:12

Mi tana bongi ia tua keri Joshua te nira vetena lima na toga ni malaghai gekara va koli polo tana paleva bokona, i ghobuna Bethel mi Ai.

Joshua 8:14

Tana bona na vunaghi haba ni Ai te righira Joshua ma nina lei malaghai tara mai, e mua pitu tua. Tana labota, e rughuhoru kolura nina lei malagha mara tona via gatu na boboko Jordan, ma kara veitotoghoni kolura na Israel tara ghaghua so iga te padi. Hauva me mua ghilala gaia kara kisumatedira mai muri.

Joshua 8:19

Me hau vaso na pile, Joshua te nia hevei nina talu vaughilala, mana lei malaghai tara kabu polo, tara tughuru dato mara sama haghe ilokana na komu mara mina tua mara hola tughua, gera tungia lakena.

Joshua 8:24

Mi tana bona na lei malaghai ni Israel tara labumate sokora na le tinoni pari bebetena na komu, ra olivia na komu mara taghalaghini sokora ilokana.

Joshua 8:3

Vaho ge rughuhoru Joshua mana lei malagai ni Israel gekara va labura na vurena i Ai. Ma Joshua te vilira tolu hangavulu na toghi ni malaghai geke nira vetena tana bongi, nia na lei bosa ni arevaghi ini,

Joshua 8:7

Tana bona ia tua keri, kau tughuru dato sakai sonikolu mai ivei tau sopa polo iga. Makau haghevia na komu makau hola iga na maana. Yahweh, dida/nimiu na God, ke nia hevei nina maana ge kau lagavulea.

Joshua 8:8

Tana bona kau lagavulea tua ke, kau kerea nia na lake, [me ke tao na ravuna tana pari] te vagha Yahweh te bosaa. Aeni gaighi na lei bosa papara kau taonighi.”

Joshua 8:9

Keri ke Joshua te nira vetena. Ra rughuhoru mara va koli polo ighobuna Bethel mi paleva bokona Ai. Ma Joshua te kabu oli kolura na vure tana bona tara kabu iga tana bongi keri.

Joshua 9:3

Mi tana bona na vure ni Gibeon tara rongovia na hava te kalea i Jericho mi Ai,