Joshua 8:14 - Na Rongorongo Uto nina Jesus Christ

¹⁴ Tana bona na vunaghi haba ni Ai te righira Joshua ma nina lei malaghai tara mai, e mua pitu tua. Tana labota, e rughuhoru kolura nina lei malagha mara tona via gatu na boboko Jordan, ma kara veitotoghoni kolura na Israel tara ghaghua so iga te padi. Hauva me mua ghilala gaia kara kisumatedira mai muri.

Joshua 8:14 Iomraidhean Croise

Daniel 4:31

Mi tana bona te bosai na lei bosa raini, mana manga te kokoe mai kokou, “Aghe na vunaghi haba Nebuchadnezzar, na rongorongo aeni ke te vanigho! Ighoe ko mua vunaghi pungisia na kinakabu eni taeni.

Matthew 24:39

Mara mua ghilalaa na hava te kale, ma vaho tua te mai ghoro kehara na lualua. I kakeri ghua ke ghaghua iga na maiana na Dale Tinoni.

Matthew 24:50

Mana vunaghina na tinoni lutu ke sara oli mai tana dani mana bona ni bongi te mua ghilalaa.

Joshua 8:13

Ra talura subona na malaghai ulu/longa datona na komu, mara talura na balu makara koli polo paleva bokona na komu. Ma Joshua te maturu heghena tana boboko tana bongi eni.

Joshua 8:15

Joshua ma nina malaghai tara pegora, mara vuivuni ni sama oli mai tana bona mamaha gekara ghanaghana tara matagu gara sama oli, hauva mara pegora vamua.

Joshua 8:16

Na vunaghi haba ni Ai te holora na lei mane udolu ni komu ge kara ghuru taonira Joshua ma nina malaghai ni Israel. Mi tana bona tara ghuru taonira, ra sagauvi ngangata tua na komudira.

Joshua 8:5

Inau kolura nia na balu malaghai kai mai naghona na peona na komu. Tana bona na lei malaghai ni Ai kara mai ma kara gonidila ge kara veitotogoni ke, ighai tai ririu mai sama sanira te vagha na bona te padi.

2 Peter 2:3

Mana pukuna gaira na vangapaitu, kara vuhai na lei didira tutugu sorisori ma ge kara holai nimiu na lologho. Ma God te detera tua idania me ke gonidilaa na toroadira.