Joshua 7:21 - Na Rongorongo Uto nina Jesus Christ

²¹ Inau tu righia sughua na tivi te uto na reireina tana matagu tara pelu haghea mai Babylon. Erua hangalatu na mavani ni/na silver, kolua nia na midi ni gold, e lima hangavulu na mavani. Gu righi gharu sughua, gu holai mu ghelivaghi nighi loka ni pari tana vale tapolegu. Na rongo na silver tu ghelivaghini horuvulei va.”

Joshua 7:21 Iomraidhean Croise

Vuivuni 10:10

Nimrod te vuivunia na vunaghi pungisiana tana butonikomu Shinar, kolura na komu sule i Babel, Erech, Accad, mi Calneh.

Vuivuni 3:6

Mi tana bona na vaivine te righia na reireina na vavanga te ghaugharugha, me manilu ge ke ghania ke, ma gaia te nia gharu ge ke manaha, kakeri tea ge ghanighi balu na vavanga. Me vahea na balu vavanga a tauna te kabukolua, ma gaia ghua te vanga.

Vuivuni 34:27

Vaho ge rana lei dalena Jacob udolu tara haghevia na komu mara lavighi na lei totobo iga, na pukua na vaivinedira tara metoa iga.

Vuivuni 6:2

na lei dalena na mane God tara vaevanera na lei vaivine matakage tana lei vata ni tinoni raini. Mara liona na taulaghi itadira, ge ra lavira rahei tara liona.

Buka Linge 119:37

Ko riu keha na matagu tana lei totobo toposo, ge nia na bosamu ke vaheu na vola.

Buka Rughuhoru 20:17

“Kau bei nia vevehe na valena na ghamiu na komukolu, tauna, pa nina tinoni lutu/ghairau na mane pana vaivine, pa nina maumanu, pana hava tua te loghoa/lologho.”

Luke 12:15

Keri ge bosa vanira udolu, “Kau matareireia, ma kau pilupungisighau tana lei lio ni lologho au, na pukuna na vola te utuni, te mua va puku mai tana lei totobo tau loghoi ani maramana.”

Luke 12:2

Na hava tua na tinoni ke saropoloa tana volana, God ke tivuhi tatea, mana hava tara matapoloi God ke talutatei ma kara ghilalai.

Ephesus 5:3

Sania na tangotangodika, mana kaukabu meto mana gharu ighobumiu. Na lei tangohahi raini ke, tara mua ulaghadira nina vure God.

Ephesus 5:5

Kau ghilala utoa e taho siki tinoni ke tangotangodika, pe ke kabu meto, pe ke gharu ke loghoa na malana ta nina kinakabu a Christ maia God. Na tinoni te gharu ke, te vagha na tinoni te holohabaa na titinoni god, na pukuna te holohabai vamua na lei totobo ni maramana.

Colosse 3:5

Na pukuna keri ke, ge kau va matei itamiu na lei ghanaghana mana gehegehe dika ni maramana te kabu polo tana lokamiu - ge kau bei nighi pipo gea na ngelengele, na gharu ni tangotangodika, na liuliogha ni ghanaghana dika, mana vevehe te vagha na holohabaana na titinoni.

Rana Hebrew 13:5

Tangasi, kau bei dolovia na rongo, ma kau nia togo vasoo na pile kikia tau loghoa, na pukuna God te bosa te vagha eni, “Inau ku mua ghoi luba sanigho tua. Inau ku mua ghoi sogha sanigho ghua.”

James 1:15

Mana lei ghanaghana dika raini tara hulighita vaa tana lei gehegehedika, mana lei gehegehedika tara hulighita vaa tana mate.

Joshua 7:20

Ma Achan te bosa tughu me ghaghua, “Inau sughua tu hahi tana matana Yahweh, na God ni Israel.

Joshua 7:22

Ma Joshua te vetenara na balu mane gekara va kene taonighi na hava te gitoi Achan. Ge ra sama va tana vale tapolena Achan mara sodoi na lei totobo te gitoi, kolui nia na silver te gheli horui vulera na balu.

2 Peter 2:15

Ara tona haliu sania na halautu te maemane, mara taonia na halautuna Balaam dalena Beor. Agaia te liona ngangata na tabana ta nina gehegehe hahi.