Joshua 6:23 - Na Rongorongo Uto nina Jesus Christ

²³ Lei mane vaolu tara haghe mara hola horua mai Rahab, na tamana mana tinana, na lei vaivinena kolua balu nina binaboli tara ghana kolua. Ra hola tonara va lilighina na bona tara maturu iga na Israel.

Joshua 6:23 Iomraidhean Croise

Vuivuni 12:2

Inau ku nera ge kara sepa na lei vaivarimu, ge kara liliu ni kema sule. Inau ku vautogho mu ku nea na ahamu ge ke rongoragha, keri ge ku vautora subo na vure itamua na pukuna ighoe.

Vuivuni 18:24

?Ke ba lima hangavulu na vure uto kara ghahara tana komu keri ke, mo ghanaghana ge ko durake udolua so na komu? ?Ivei tea, ko mua arovia na komu keri, ge ko vaa vavolara ra lima hangavulu na vure uto?

Vuivuni 19:29

Mi tana bona God te durakei tua na lei komu kiri tana boboko te ghahaa igaa Lot, gaia te ghanaghanaa Abraham, me talana Lot ge ke sama polo tana vahaghitaili te kalea.

Gehegehedira 10:28

Me ghaghua vanira, “Ighau tau ghilalaa heghemiu tua, ilokani nimami na vetena na tinoni ni Jew tara mua lubatia ge kara kabukolu tadira rana mua Jew pa kara lolola kolu itadira. Hauva ma God te talutatea vaniu tua ge ku bei tovongo vatu metona gea siki sakai.

Gehegehedira 27:24

me ghaghua, ‘Paul, ko bei mataghu! Ighoe ko tatavahale tua mo ko tughuru i naghona na vunaghi haba ni Rome. Na pukuna ighoe, God ke vavolara na voladira gaira udolu tara ghahara ilokana na vaka.’

1 Corinthians 5:12

E mua lutugu ge ku detera gaira i pari bebetena na holohoru, na pukuna God ke detera. Mana lutumiu sughua ighau, na deteadira gaira tara palugha ilokana nimiu holohoru, na pukuna ighau rana taluutuni kau gonighi mughua na hava na Gegere tabu te bosai, “Tivakehara rahei tara tangohahi ighobumiu!”

Ephesus 2:12

Tana bona vaghani rakeri, ighau tau mua ghilalaa Christ. Mau mua Jew, nina taba ni vure God te vilira. Mau mua ghilalai mua na lei totobo uto te nighi baubahu God vanira. Au kabu sono tana maramana eni, me taho siki totobo kau pitudilaa va i nagho, mau mua ghilalaa God.

Rana Hebrew 11:31

Na pukuna na rebi Rahab te taluutunia God, te holopangotira erua na sigho ni Israel, keri ge mua mate kolura na vure ni komuna tara diua nina vetena God.

Rana Hebrew 11:7

Na pukuna Noah te taluutunia God, gaia te taonia tana bona God te diki bosatatei vania na lei totobo kara mai i naghona ge ra kale, tana bona te taho siki sakai ke righighi mua. Gaia te talumavaa God, keri ge gonia na vaka ge kara vola ilokana, gaia Noah kolura tauna mana lei dalena, tana bona te saopoa na beti na maramana. Mana pukuna gaia te taluutunia na bosana God, Noah te talutatea ge rana vure tara ghahara tana bongi kiri tara dika. Mana pukuna nina taluutuni te maemane tana matana God.

Joshua 2:13

ge kau volau maira tamagu ma tinagu, na lei vaivinegu maira na hoghogu kolura nia didira binaboli. Mi tana bona kau mai haurakea Jericho ke, kau mua mateghai!”

Joshua 2:16

Ge bosa vanira te vagha eni, “Koro sama polo va tana lei ghotu mokoro polo iga ilokana tolu na bongi koekobe kara oli maia rahei tara keneghau, vaho ge koro tona.

Joshua 2:18

Mo ko goni taonia te vagha eni, tana bona kai mai haghevia nimiu na bona ni pari eni ke, ko hola na alo sisi (rope) mo ko sasarau horua tana kunapa/matakene to lubati horughai ga. Holora mai na tamamu, tinamu, vaivinegu maia rana binaboli tamua, ma kara ghana tana vale eni koluu.