Joshua 6:17 - Na Rongorongo Uto nina Jesus Christ

¹⁷ Na komu sule eni mana lei totobo soko ilokana haurake ma kara pisu, na vatei hevei oli vania Yahweh. Ma Rahab na rebi, maia rahei tana valena vamua kara vola, na pukuna te vavolara rua na tinoni toro mai polo ni vaevane.

Joshua 6:17 Iomraidhean Croise

Vuivuni 12:3

Inau ku vautora rahei tara vautogho mu ku varangara rahei tara varangagho. Mi tamua ighoe ku vautora na lei kema udolu ilokana na maramana.”

Matthew 25:40

“Mana vunaghi haba ke bosa tughu vanira, ‘E utuni inau tu bosa vanighau, tana bona tau nei vania siki sakai na toposoo itadira rana taluutuni ke, me vagha tau nei vaniu tua inau.’

1 Corinthians 16:22

Ma ge siki sakai ke mua dolovia Lord ke, mana tinoni keri God ke detea me ke vahaghitailia. Nimami na Lord ko mai!

1 Corinthians 2:7

Hauvaa inau tu ladavaghinia na hava God te bosadilaa nia na manaha. Idania te mua talutatea nina bosa vanira rana vure. I naghona ge gonia na maramana, God te ghanaghanaa ge ke vautoghita taonia nina padalaghi.

Galatia 3:10

Hauvaa ma rahei tara varava tana vetena ge kara vaa maemane tana matana God, tara kabu i sarana nina bosa ni vavaranga, na pukuna na gegere tabu te ghaghua, “Nina vavaranga God itadira udolu rahei tara mua talumavai mara mua taonighi na lei bosa ni keikeri raeni tara gerei ta nina buka ni vetena God.”

Galatia 3:12

Tana bona siki sakai te taonia na vetena, e keha ngangata siki sakai te taluutunia God. Te vagha na gegere tabu te bosaa, “Ma ge ko liona na sodoana na vola nia na taoniana na vetena ke, mo ko taoni udolui mughua nina na lei ghanaghana ni keikeri.”

Rana Hebrew 11:31

Na pukuna na rebi Rahab te taluutunia God, te holopangotira erua na sigho ni Israel, keri ge mua mate kolura na vure ni komuna tara diua nina vetena God.

Rana Hebrew 6:10

God te gonia na hava te maemane haia. Ma gaia ke mua nia ponolio ivei tau nea na lutu laga vaniana, mi vei tau nea na tateana nimiu na dolo vaniana, tana hangadira na lei tinoni taluutuni, te vaghaa tau nea so itaeni.

James 2:25

E vaghaa ghua na rebi a Rahab idania. Gaia te maemane tana matana God ta nina gehegehe uto, na pukuna gaia te holopangotira erua na mane ni Israel toro sighovira rana levunimate, me polora ilokana na valena, me hangara ge ro sogha polo vanira rana levunimate, mo taonia na halautu keha.

Joshua 2:1

Ma Joshua mana vure ni Israel tara savukolu i Acacia, ge nira vetena erua na tinoni [sigho] gekoro va vaevane popolo paleva launa na beti tina Jordan me haba va talighutia na komu sule Jericho. Moro rughuhoru moro mai sara i Jericho, tana valena sakai na rebi na ahana Rahab. Moto kabu itatana tana bongi keri.

Joshua 2:22

Me rua na tinoni ini toro tona moro va polo tana ghotu e tolu na bongi. Ma nina malaghai na vunaghi haba tara tona haliu so na keneadira tara lei bona e tolu na bongi, mara mua tangomana gekara kene sodora, vaho gara ghoi oli tana komu sule i Jericho.

Joshua 7:1

Ma vure ni Israel tara mua kabu taonia na vatei hevei oli vania Yahweh. Ma sakai na tinoni na ahana Achan te gitoi na lei totobo keri, ge rutu ngangata Yahweh vanira na vure ni Israel. Achan na dalena Carmi, tana vinavahuhuna Zabdi mana vikena Zerah na kemana Judah.