Joshua 4:9 - Na Rongorongo Uto nina Jesus Christ

⁹ Ma Joshua ghua te kisua sakai na vatei ghanaghana oli nia hangavulu rua na vatu i ghobuna na beti tina Jordan tana bona tara tughuru iga na lei manesukaghi tara holaa na Bokisi ni Vetena ni Baubahu Tabu. Me ghana so ritini mai so itaeni na vatei ghanaghana oli eni.

Joshua 4:9 Iomraidhean Croise

Vuivuni 26:33

Ma Isaac te vatua na tuvu keri nia na aha, “Shibah.” Keri te vaghaa ge lavia na aha Beersheba na komu keri.

Vuivuni 28:18

Mi tana roropo ghana Jacob te mina me tapatughuru. Ma gaia te lavia na vatu te nia ulunga ge tughuruvaghini datoa te vaughilala nia na vatei ghanaghana oliana, keri ge lavia na kokolo ni olive me vulia nia.

Buka Rughuhoru 24:12

Ma Yahweh te bosa vania Moses, “Ko dato mai ani tagua tana ghotu. Ko kabu iani, mi nau ku vahegho rua na vatu peapea tu gere horui ga nigua na vetena tu gerehorui ga nigua na lei vetena mana bosa ni tarai ge ko taraira nia na vure ni Israel/Jew.”

Buka Rughuhoru 28:21

Na lei vatu raini kara talutatea sakai na kema tana kema ni Israel, mana ahana na kema keri kara tupia iga na vatei talu vaughilala kara taluutunia.

Matthew 27:8

I kakeri tea ge ara holoa nia na loa ni ghabu, me sara na bongi itaeni.

Matthew 28:15

Vaho ge agaira rana malaghai vatogha tara lavia na rongo, mara goni taonia na hava tara bosaa vanira. Na tutugudira te saopoa na Israel talighu mara ladavaghinia so ighobudira rana Jew na rongorongo eni ritini itaeni.

Joshua 24:26

Ma Joshua te gerei na totobo raini tana Buka ni Vetena nina God. Mete vaghaa na vatei ghanghana oli tana baubahu, gaia te pilia na vatu sule va tanasarana naghai tara vatua nia na oak, lilighina na Vuvale Tapole nina Lord.

Joshua 4:10

Na lei manesukaghi tara hola na Bokisi ni Vetena ni Baubahu Tabu tara tughuru beto i ghobuna na beti tina koekobe ra goni kale sokoi na lei bosana Yahweh te vahea Joshua. Aeni te vagha na hava Moses te aravaghighi. Tana bona ia eni, na vure tara mina sakutua tana pari mamaha va na beti tina.