Joshua 4:7 - Na Rongorongo Uto nina Jesus Christ

⁷ Keri ge kau bosa tughu vanira te vagha eni, ‘Na lei vatu raini tai ghanaghana olia iga na beti tina Jordan te mua tave tana bona tara hola halavua na Bokisi ni Vetena ni Baubahu Tabu nina Yahweh.’ Na vatu ini kara tughuru iga didira na vatei ghanaghana oli rana Israel.”

Joshua 4:7 Iomraidhean Croise

Buka Linge 111:4

Ma ahei ke nia ponolio nina lutu te haeharegha? Dida na Lord te lio dolo maia te veiarovi.

Buka Rughuhoru 12:14

Ma kau ghanaghana olia na bongi eni ke va me va. Tughu niulu kau ghanaghana olia te vagha na bongina Yahweh.

Buka Rughuhoru 28:12

Talu ngasilighi na vatu raini tana valana na ephod ke vaghaa na vatu ni vatei ghanaghanaoli vanira na vure ni Israel. Ma Aaron ke holai na aha raini va tana matana Yahweh, na vatei ghanaghanaoli te mua tughu.

Buka Rughuhoru 30:16

Ko nia lutu na rongo eni tana lei lutuna/righitaoniana tana Vaevale tapole tabu. Gaia ke na ghanaghanaoliana vanighau, [ighau] rana Israel, tana matagu, ge kau pelu olira vanira na voladira.”

1 Corinthians 11:24

Mi murina te holoutoa God, ge ngitia me ghaghua, “Aeni na huligu tu vaheghau. Kau gonia te vagha eni nia na vatei ghanaghana oliagu.”

Joshua 4:6

Na vatu ini ka gonia na vatei ghanaghana oliana na beti te beto me mua tave. Tana lei bongi ke mai, ma ge kara huatighau rana dalemiu, ‘Na hava na ghanaghana iga na lei vatu raini?’