Joshua 3:3 - Na Rongorongo Uto nina Jesus Christ

³ Mara nighi hevei na lei bosa ni arevaghi ini vanira na vure, “Tana bona ko righira na lei manesukaghi ni/tana vaivarina Levi kara hola na Bokisi ni Vetena ni Baubahu Tabu nina Yahweh dida na God, kau saritaonira.

Joshua 3:3 Iomraidhean Croise

Matthew 16:24

Ma Jesus te bosa vanira nina vaovarongo, “Ahei ke liona na mai tagua ke nia ponolio heghena me ke holaa nina ghaivavala me ke saritaoniu.

Matthew 8:19

Me te mai itatana na manetarai ta nina vetena Moses me bosa vania, “Tarai, ivei tua ko vaa ke, mi nau ghua ku nigho udukolu haia.”

Joshua 3:4

Moto mua taonia mai mua na halautu eni siki bongi ke, gaira kara hulighita, ma kara tughunia vanighita na halautu ge ka taonia. Kau bei dutuvia gea na Bokisi ni Vetena ni Baubahu Tabu. Kau tabalili kehaghau te manana lima hangalatu na ghoto kau tumuri makau bei mai dutuvia na Bokisi ni Vetena ni Baubahu Tabu.”

Joshua 3:6

[Mi tana roropo keri,] Joshua te bosa vanira na lei manesukaghi me ghaghua, “Kau haudatoa na Bokisi ni Vetena ni Baubahu Tabu makau idevira na vurena.” Mara gonia te vagha Joshua te bosa.

Joshua 3:8

Ko nighi hevei na lei bosa ini vanira na lei manesukaghi tara holaa na Bokisi ni Vetena ni Baubahu Tabu, ‘Tana bona kau va saravia na kebaraana na beti tina Jordan, kau gonia sakai pe rua ra talutua, mo ko tughuru beto.’”

Joshua 4:10

Na lei manesukaghi tara hola na Bokisi ni Vetena ni Baubahu Tabu tara tughuru beto i ghobuna na beti tina koekobe ra goni kale sokoi na lei bosana Yahweh te vahea Joshua. Aeni te vagha na hava Moses te aravaghighi. Tana bona ia eni, na vure tara mina sakutua tana pari mamaha va na beti tina.

Joshua 6:6

Keri ke, Joshua te holo kolura na lei manesukaghi me bosa vanira te vagha eni, “Kau ghate datoa na Bokisi ni Vetena ni Baubahu Tabu, makau vilira ra vitu kara idevia, maka sopa tango sakai kala ni sheep mane.

Na Livu 14:4

Gaira tara marabu tana tarunga vaghara na lei tahula tara kabu maemane, mara saritaonia na Dale Sheep ivei tua te va iga. Gaia te huiolira na lei tinoni raini, itadira na lei tinoni tana maramana, te vaghaa na vanga hinava ni heveioli vania God maia na Dale Sheep.