Joshua 3:17 - Na Rongorongo Uto nina Jesus Christ

¹⁷ Mana bona tara sogha halavu, na lei manesukaghi tara tughuru tana bona te mamaha i ghobuna na beti tina me va saravia gaira soko tara sogha halavu paleva levu.

Joshua 3:17 Iomraidhean Croise

Buka Linge 66:6

Agaia te nia na horara sisi ge samavoka, mana halautu ighobuna te mamaha: ma nina na vure tara sakusaku tua halavu levu ni pari mamaha. Mai ma ka togotogo itatana ahei agaira na tinoni ia eni.

Buka Rughuhoru 14:21

Ma Moses te hau datoa na limana vuvungana na tahi. Ma Yahweh te liliua na boro ni horara nia na ara sule, ge mamaha na borona na horara.

Buka Rughuhoru 14:22

Kakeri vaho ge ra sakutua halavu tana pari mamaha na vure ni Israel/Jew, mana buabualalo ni tahi te vagha na voko levu mi levu na bona tara liu halavu iga.

Buka Rughuhoru 14:29

Hauva na vure ni Israel/Jew tara sakutua halavu tana pari mamaha, mana buabualalo ni tahi te vagha na voko levu mi levu.

Rana Hebrew 11:29

Na pukuna na vure ni Israel tara taluutunia God, ara tangomana na sakutua halavu ilokana na Horara Sisi, vaghaa tara sakutua tana parilee vamua. Hauva tana bona rana malaghai ni Egypt tara sogha halavu vaghara ghua, gaira udolu tara luvu mara mate.

Joshua 4:1

Na lei vure soko tara sogha halavu tatavale na beti, ma Yahweh te bosa vania Joshua te vagha eni,

Joshua 4:10

Na lei manesukaghi tara hola na Bokisi ni Vetena ni Baubahu Tabu tara tughuru beto i ghobuna na beti tina koekobe ra goni kale sokoi na lei bosana Yahweh te vahea Joshua. Aeni te vagha na hava Moses te aravaghighi. Tana bona ia eni, na vure tara mina sakutua tana pari mamaha va na beti tina.

Joshua 4:11

Mi tana bona gaira udolu tara sara ilevuna na beti tina vaho gera sakutua halavu, rana manesukaghi tara hola nina Bokisi ni Vetena ni Baubahu Tabu Yahweh.

Joshua 4:22

Keri gekau bosa tughu vanira te vagha eni, ‘Iani rana Israel tara sogha halavua na beti tina Jordan tana bona te mamaha.

Joshua 4:3

mo ko bosa vanira, ge kara holai hangavulu rua na vatu ivei tara tughuru iga na lei manesukaghi ghobuna na beti tina Jordan, ma kara holai ma kara ovuovu kolui tana bona kau kabu iga tana bongi taeni.”

Joshua 5:1

Tana bona na lei vunaghi haba ni Amor paleva bokona Jordan kolua nia na lei vunaghi haba ni Canaan tara komu dutuvia na tahi Mediterranean, tara rongovia ivei te nea Yahweh ge mamaha na beti tina Jordan mara sogha halavu na vure ni Israel. Tara mataghu ngangata, mana ghanaghanadira te labe tana vuvungadia rana Israel.