Joshua 3:16 - Na Rongorongo Uto nina Jesus Christ

¹⁶ me beto tua na beti. Na levuna na beti te tave horu te va ghoghoro kolu vamua te sakai na bona te sagau ngangata me dutuvia na komu i Adam lilighina i Zarethan. Ma sakai na levuna na beti te tave horu saravia na tahi Mate te mamaha. Ma gaira udolu tara sogha halavua na beti te dutuvia Jericho.

Joshua 3:16 Iomraidhean Croise

Vuivuni 14:3

Ra lima na vunaghi haba raini tara liokolu mara lavira didira na malaghai, mara savukolu tana boboko i Siddim, (na bona eni tara holoa nia “na boboko ni Tahi Mate” itaeni).

Buka Linge 114:3

na tahi te righira ge vilivoka, ge ra mina sogha halavu! Ighoe na beti Jordan, ge o tave pulohi.

Buka Linge 114:5

Na hava te negho ighoe na Tahi Sisi ge o tave keha tana halautumu? ge o tave keha, ighoe na beti Jordan?

Buka Linge 29:10

Ma Lord te sopou vuvungana na maraghata, Ma Lord ke sopou vaghaa na vunaghi haba. [gaia na vunaghi haba te vunaghi pungisi ke va me va.]

Buka Linge 33:7

E Kobe voka na tahi me talua na vovokana me vongotia na horara oka nia na horuna.

Buka Linge 66:6

Agaia te nia na horara sisi ge samavoka, mana halautu ighobuna te mamaha: ma nina na vure tara sakusaku tua halavu levu ni pari mamaha. Mai ma ka togotogo itatana ahei agaira na tinoni ia eni.

Buka Linge 74:15

Ighoe to gonighi na lei vuravura mana lei beti toghotogho, me va mamahai na lei beti tavetave.

Buka Linge 77:19

Ighoe to liu pota na tahi, mo sogha halavua na tahi oka mana marevomu te mua righia tua ahei.

Buka Linge 78:13

Ma gaia te vokasia na tahi me hola halavura. Mana tahi te tughuru dato vagha na voko i lilighidira i levu mi levu.

Buka Rughuhoru 14:21

Ma Moses te hau datoa na limana vuvungana na tahi. Ma Yahweh te liliua na boro ni horara nia na ara sule, ge mamaha na borona na horara.

Buka Rughuhoru 14:22

Kakeri vaho ge ra sakutua halavu tana pari mamaha na vure ni Israel/Jew, mana buabualalo ni tahi te vagha na voko levu mi levu na bona tara liu halavu iga.

Buka Rughuhoru 14:29

Hauva na vure ni Israel/Jew tara sakutua halavu tana pari mamaha, mana buabualalo ni tahi te vagha na voko levu mi levu.

Buka Rughuhoru 15:8

Sakai na hola ghuri vamua ighoe, me tuvavoka na tahi; Rua na levu vagha na peo vatu, mana borona ipari te vunga dato mai me mamaha.

Joshua 12:3

Ma Sihon te haba pungisia ghua na boboko Jordan mi bokona na kolokama ni beti i Galilee, ma va saravia na tahi Mate paleva longana maia na komu Beth–Jeshimoth i uluna, maia na ghotu Pisgah.

Joshua 15:2

Na ririti ilau te vuni tana logu tana Tahi Mate.

Joshua 16:7

e vuni Janoah me ririu sapa ghalagha i Ataroth mi Naarah, me sara va i Jericho me va soko ta Tina Jordan.

Joshua 3:13

Na lei manesukaghi kara hola na Bokisi ni Vetena ni Baubahu Tabu nina Yahweh te vunaghi pungisia na maramana talighu. Tana bona na tuadira ke tibelia mua na beti, na tavena na beti ke beto, mana beti te tave horu ke beto me ke va ghoghoro kolu vamua sakai na bona.”

Joshua 4:22

Keri gekau bosa tughu vanira te vagha eni, ‘Iani rana Israel tara sogha halavua na beti tina Jordan tana bona te mamaha.

Joshua 5:1

Tana bona na lei vunaghi haba ni Amor paleva bokona Jordan kolua nia na lei vunaghi haba ni Canaan tara komu dutuvia na tahi Mediterranean, tara rongovia ivei te nea Yahweh ge mamaha na beti tina Jordan mara sogha halavu na vure ni Israel. Tara mataghu ngangata, mana ghanaghanadira te labe tana vuvungadia rana Israel.