Joshua 2:12 - Na Rongorongo Uto nina Jesus Christ

¹² Inau tu liodolovighau mu hangaghau. Keri ke, koro nia papari/baubahu vaniu mai tana ahana Yahweh ge koro liodoloviu maira nigua na binaboli, te vagha tu nea iga na hangamiu. Koro gonia vaniu mai siki vaughilala tana nimiu bosa ni baubahu,

Joshua 2:12 Iomraidhean Croise

Vuivuni 21:23

Keri ke, ko papari vaniu mai tua itaeni tana matana God, ge ko mua ghoi pegou tua, kolura na lei dalegu mana vaivarigu. Inau tu kabu sasara tua itamua, mi ghoe ko baubahu mo ko kabu sasara itagua, mi tatana ghua na butonikomu eni to ghahagho igaa.”

Vuivuni 24:3

me liogu ko nia papari na ahana Yahweh, God ni kokou mi pari, mo ko bei vilia vania siki vaivine tadira na vure ni Canaan raini ke tauna dalegu Isaac.

Vuivuni 24:9

Keri ge nia papari nina ghairau Abraham ge ke nea taonia na hava Abraham te bosaa vania.

Vuivuni 40:14

Mu nongi ngangatagho, tana bona ke talu pulohigho a Pharaoh tana lutumu taonia nina dolo mana veiarovi i vuvungamu ke, ge o talutateu vania Pharaoh, mo ko nongia ge ke lubati horuu sania na vale pipiti eni.

Buka Esther 8:6

?Nia ivei ke ghaghua ge ku nia togotogo inau na vaevane-adira na lei kulagu na vure, maira nigua na binabolitana bona kara pahepahera, maia kara mate pisura?”.

Buka Rughuhoru 12:13

Na ghabu kau seburukaghinia tana ghaina na mataula ke tatea na vaughilala ni vavola. Tana bona inau ku righia na ghabu, inau ku lovovulegho. Mana maemate ni mate eni ke mua tabeghau tana bona ku labua na komu/butonikomu i Egypt.

Mark 14:44

Judas te diki vahera na kokokoe na vure subo, te ghaghua, “Ahei tua, kau righia ku nonginongia, agaia keri na tinoni. Kau lotia ma kau lavikehaa.”

Rome 1:31

Mara mua loghoa siki manaha te uto, ge ra mua kabu taonighi didira na baubahu, mara mua tatea na kabu dolo mana veiarovi.

1 Timothy 5:8

Ma hei ke mua righitaoni utoa nina na binaboli heghena ke, gaia te hughua na taluutuni vulera vaa na vure voo tara ghilala so na righitaoni utoadira didira binaboli.

James 2:13

Tana bona God ke detera rana vure, gaia ke mua arovira rahei tara mua arovira rana keha. Hauvaa, ma rahei tara arovira rana keha, kara mua lavia siki totoro itatana God.

Joshua 2:13

ge kau volau maira tamagu ma tinagu, na lei vaivinegu maira na hoghogu kolura nia didira binaboli. Mi tana bona kau mai haurakea Jericho ke, kau mua mateghai!”

Joshua 2:18

Mo ko goni taonia te vagha eni, tana bona kai mai haghevia nimiu na bona ni pari eni ke, ko hola na alo sisi (rope) mo ko sasarau horua tana kunapa/matakene to lubati horughai ga. Holora mai na tamamu, tinamu, vaivinegu maia rana binaboli tamua, ma kara ghana tana vale eni koluu.

Joshua 2:19

Ma ge siki sakai tamiu ke rughuhoru sania na vale me ke tona tara loloa ni komu, makai labu matea ke, ma nina hahi heghena tua, ma kai/mo koro mua lavia siki totoro ghoi. Ma ge siki sakai tamami ke labu matea siki sakai lokana na valemu, iroghai kai/koro lavia na totoro iga.

Joshua 6:22

Ma Joshua te bosa vanira rua na tinoni toro vaevane polopolo, koro righitaonia ronimiu na baubahu, mokoro tona tana valena na rebi mokoro hola horua mai, kolura nia nina binaboli.

Joshua 9:15

Ma Joshua te gere aha tana baubahu ni mabo, kolura na lei mane nagho ni Israel tara talamaghi mara holopangotia didira na baubahu.