Joshua 16:7 - Na Rongorongo Uto nina Jesus Christ

⁷ e vuni Janoah me ririu sapa ghalagha i Ataroth mi Naarah, me sara va i Jericho me va soko ta Tina Jordan.

Joshua 16:7 Iomraidhean Croise

Joshua 16:6

Vaho ge tona va tana tahi ni Mediteranean, vaho ge tona galagha taonia na saravahale va i Micmethath, me ririu ghalagha i liligina Taanath-shiloh pala uluna Janoah.

Joshua 3:16

me beto tua na beti. Na levuna na beti te tave horu te va ghoghoro kolu vamua te sakai na bona te sagau ngangata me dutuvia na komu i Adam lilighina i Zarethan. Ma sakai na levuna na beti te tave horu saravia na tahi Mate te mamaha. Ma gaira udolu tara sogha halavua na beti te dutuvia Jericho.

Joshua 6:1

Na mataula haghe i Jercho tara vongoti ngasilia na pukuna na vure tara mataghu nira na vure ni Israel, mara mua lubatia hei ke horu me ke haghe.

Joshua 6:26

Tana bona ia eni, Joshua te nia hevei nini bosa vavaranga te vagha eni, “Nina vavaranga Yahweh ke kalea hei ke tabotabo ni gonioliana na komu Jericho. Ahei ke goniolia na bona tana na peona komu, nina kamanagho mane ke mate. Mi tana bona ke sokolaghinia na komu mana taludatoa na mataula haghe, nina kama muri ke mate.”