Joshua 11:15 - Na Rongorongo Uto nina Jesus Christ

¹⁵ God te bosai tua na lei kokokoe ini vania Moses nina tinoni lutu idania, ma Moses te bosai Joshua geke gonighi. Keri ke Joshua te taoni utoi na lei bosa Yahweh te arevaghi vania Moses.

Joshua 11:15 Iomraidhean Croise

Matthew 23:23

“God ke tangotoroghau, ighau rana manetarai ni vetena nina Moses mana Pharisee, rana kiko! Ighau tau hea God na hangavuluni ta nimiu na lei lologho sule, me va sara ghua ta nimiu na lei lologho pile kikighi. Hauvaa mau nighi murilio na taoniani na lei puku ni vetena, haba va, na dete maemane, na veiarovi, mana taluutuni. E uto tua tau hea God na hangavuluni nimiu na lei lologho, hauva ka, ma kau bei sanighi ghua na lei puku ni vetena.

Luke 11:42

“Ighau rana Pharisee, God ke toroghau! Ighau tau hea God a sakai na pareghoni lei totobo tau holai mai tana leghai, hea olia God na pile, hauvaa mau nia murilio na utuni mana doloviana God. E uto tau hea olia God na pareghoni, hauva ma kau bei nighi murilio na lei puku ni totobo.

Gehegehedira 20:20

Ighau tau ghilalau inau, tu mua tabe olia siki nigua ghanaghana te manana na vatei hangamiu te vaghaa tu ladavaghinia mu nia tarai tana matana na vure subo, mi tana lei valemiu.

Gehegehedira 20:27

Inau tu tughunitatea vanighau tua na lei ghanaghana soko God te liomiu nia.

Joshua 1:7

Ko tughuru ngasi haia, mo ko bei mataghu. Ko taonighi haia na lei vetena te vahegho nigua na tinoni ni lutu Moses, mo ko bei sania gea siki peleni na lei vetena kiri, ge ivei tua ko va mana hava tua ko gonia ke tatavahale vanigho.

Joshua 11:12

Joshua ma nina malaghai tara holai na lei komu maia na lei vunaghi haba. Ma Joshua te bosa vanira nina malaghai gekara labumate sokora, te vagha Moses nina tinoni ni lutu Yahweh te bosaa.

Joshua 11:14

Mana vure ni Israel tara labumate sokora rana vure ilokani, mara holai heghedira didira na lei totobo uto kolui nia didira na maumanu.

Joshua 11:16

Joshua ma nina malaghai tara holai tua na lei pari vuivuni boko me sara ulu. Mara holai na lei komu tana ghotu, maia na lei komu tana lei boboko i betitina Jordan, na bona mamaha tara holoa nia Negev, na boboko i Goshen, mi tana lei nanata ni Israel