Joshua 10:25 - Na Rongorongo Uto nina Jesus Christ

²⁵ Keri ke, Joshua te bosa vanira na habadira, “Kau bei mataghu me ke bei ruarua na ghanaghanamiu. Kau tughuru ngasi, na pukuna Lord ke gonighi na lei lutu ini tadira na ghada levunimate.”

Joshua 10:25 Iomraidhean Croise

Buka Linge 63:9

A gaira tara padalaghi ni haurakeagu kara luvu parihai. Kara ponulu horu tana lalo sara ni pari.

Buka Linge 77:11

Inau tu righi olighi na lei totobo to gonighi mai tua ghe Lord. Inau tu ghanaghanai na lei butuli te haeharegha idania.

Rome 8:37

Sakai vamua na lei totobo raini ke kaleghita, ta lagavulea tua na pukuna Christ te hangaghita mete dolovighita.

2 Corinthians 1:10

Ma gaia te vavolaghai tana lei sosodo te maemategha. Mai loghoa na ghanaghana mava ge ke vavolaghai haia.

Ephesus 6:10

Mana bosa sosoko ghua iga, kau varava ngasi itatana Lord me ke lagaa nimiu taluutuni nia nina maana te sule.

Joshua 1:6

“Ko tughuru ngasi haia, mo ko bei mataghu na pukuna ighoe ko hulira na vure ini gekara haghevia na bona ni pari tu bahura nia tua rana kukuamiu idania ku vaheghau.

Joshua 1:9

Inau tu bosa vanigho, ko tughuru ngasi haia mo ko bei mataghu, mo ko bei ghanaghana ruarua, na pukuna ivei tua ko vaa, inau, nimiu na God, ku kabu haia itamua.”

Joshua 10:8

Ma Yahweh te bosa vania Joshua, “Kau bei mataghunia gea. Mi nau ku idevighau gekau lagavulera, me taho siki sakai tadira ke lagavuleghau.”