Joshua 1:9 - Na Rongorongo Uto nina Jesus Christ

⁹ Inau tu bosa vanigho, ko tughuru ngasi haia mo ko bei mataghu, mo ko bei ghanaghana ruarua, na pukuna ivei tua ko vaa, inau, nimiu na God, ku kabu haia itamua.”

Joshua 1:9 Iomraidhean Croise

Vuivuni 28:15

Inau ku kabu kolugho mu ku pilupungisigho ivei tua ko va igaa. Inau, ta siki dani ku lavi oli tatavahalegho mai tana bona eni. Inau itamua talau polo ge ku soko na heamu na lei totobo tu nia baubahu na heamu.”

Vuivuni 39:2

A Yahweh te kabu kolua me vautoa ngangataa haia Joseph tana bona te lutu righitaoni tana valena na vunaghina.

Vuivuni 39:3

Potiphar te righi kalea me ghilalaa Yahweh te kabu kolua haia Joseph, me vahea na tangomana tana lei totobo soko te gonighi.

Buka Linge 46:7

A Lord puku ni maana te kabu ighobuda, Na God ni Israel gaia dida na pilupilu/vatu ngasi

Daniel 10:19

Ge ghaghua, “A God te dolovigho, ke bei negho gea siki totobo ge ko ghanaruarua pa ko mataghu.” Tana bona te bosai vaniu raeni, inau tu ghoi laga va ghua, ge u bosa, “Vunaghi, bosa vaniu mai na hava te liomu ko kokoea vaniu. Ighoe to neu ge u ghoi uto oli.”

Gehegehedira 4:19

Ma Peter ma John toro bosa tughu vanira, “Ighau heghemiu kau vilia. ?Ivei va te uto tana matana God, na taoniamiu ighau pana taoniana God?

Joshua 1:10

Joshua te kokokoe laga vanira na lei mane nagho ni Israel te vagha eni,

Joshua 1:17

Kai taonigho te vagha tai nea iga na taoniana Moses. Ma Yahweh, nimua na God, ke kabu kolugho te vagha te nea vania Moses.

Joshua 1:18

Ma hei ke mua taonia na bosamu me ke mua taonia nimua na lei bosa ni arevaghi, kai matea. Keri ke, ko tughuru ngasi mo ko bei mataghu!”

Joshua 10:25

Keri ke, Joshua te bosa vanira na habadira, “Kau bei mataghu me ke bei ruarua na ghanaghanamiu. Kau tughuru ngasi, na pukuna Lord ke gonighi na lei lutu ini tadira na ghada levunimate.”

Joshua 10:8

Ma Yahweh te bosa vania Joshua, “Kau bei mataghunia gea. Mi nau ku idevighau gekau lagavulera, me taho siki sakai tadira ke lagavuleghau.”

Joshua 3:7

Ma Yahweh te bosa vania Joshua, “Tana dani eni inau ku vuivuni ni taludatoana na ahamu tana matadira na vure ni Israel. Ge kara ghilala inau haia itamua te vagha tu nea iga Moses.

Joshua 6:27

Keri ke, a Yahweh te kabu kolua Joshua, mana ahana te haba dato talighutia Canaan/na butonikomu.

Joshua 8:1

Ma Yahweh te bosa vania Joshua, “Ko bei mataghu mo ko bei ghanaghana ruarua! Ko hola udolura na lei nimua malaghai ni veitotoghoni, mo ko va veitotoghoni kolura na vurena Ai, na pukuna inau ku vahegho na vunaghi haba ni Ai, nina vure, na komuna mana parina.