Joshua 1:8 - Na Rongorongo Uto nina Jesus Christ

⁸ Ko siroa mo ko idumia haia na buka ni vetena, mo ko taraira na vure nia na bosa te ghanaa i lokana. Tana dani mana bongi ko ghanaghana taoni utoi na lei bosa ini, geko tangomana goni utoani na hava na vetena te bosaa. Ko gonia te vagha eni ke, na lei nimua nilabu ke tona tatavahale me ke uto.

Joshua 1:8 Iomraidhean Croise

Vuivuni 24:63

Mi ta sakai na nulavi, Isaac te sakusaku tua tana leghai ge ghanaghana. Mi tana bona keri, me righira vaa na lei camel tara mai.

Buka Linge 119:11

Na lei bosamu te kabu polo tana tobagu, ge ku bei kabalaghi savugho gea.

Buka Linge 119:15

Inau ku naunaui nimua na vetena, te tughunitatei na halautumu.

Buka Linge 119:97

Inau tu dolovia nimua na vetena. Mu kene ghanaghana haia tughu bongi.

Buka Linge 119:99

Eo, inau tu manaha vulera, gaira tara taraiu, na pukuna tu ghanaghana olighi haia nimua na bosa ni tarai.

Buka Linge 19:14

Ko lavipangotighi na lei bosa ni mangagu mana kokoeliulivuti vaovarongo ni tobagu, Ghe Lord, nigua na pilupilu mana huioli.

Buka Linge 40:10

Inau tu mua matapoloi nimua na veiarovi mana utuni tana vaukolu ni mavitu

Matthew 12:35

Na tinoni uto te loghoa na totobo uto ilokana na tobana, keri ge ke bosai na lei bosa uto. Me te vagha ghua eni, na tinoni dika te loghoa na totobo te dika ilokana na tobana, keri ge ke bosai na lei bosa dika.

Matthew 28:20

Ma kau taraira ge kara taonighi na lei totobo soko tu vetenaghau nia. Kau ghilala nia na utuni, inau ku nighau kabukolu haia, ritini tana sosokona na maramana.”

Matthew 7:21

“E mua lei tinoni udolu kara holou nia “Lord, Lord!” kara haghe tana kinakabuna God, ma rahei tara lutua vamua na hava te liona na Tamagu i kokou.

Matthew 7:24

“Ma hei siki sakai ke rongovighi na lei nigua na bosa ni tarai me ke taonighi, te vagha na tinoni manaha te kisua na valena i vuvunga ni vatu ngasi.

Luke 11:28

Ma Jesus te bosa tughu me ghaghua, “E utuni! Ma God ke vautora utuni gaira tara rongovia na bosana God mara taonia.”

John 13:17

Mi taeni tau manahana na utuni eni, ke vagha kau gehegehe taonia, God ke vautoghau!

John 14:21

“Ahei tua ke lavipangotighi nigua na lei vetena me ke taonighi ke, agaia keri te doloviu. Ma Tamagu ke dolovia ahei tua te doloviu. Mi nau ku dolovia ghua, mu ku tateu heghegu vania.”

Ephesus 4:29

Kau bei nia kokoe gea na kokoe dika. Kau nia kokoe vaso na hava te uto me ke hahanga, ma ge arahei tara rongovia nimiu na kokoe te hangara me patupatura.

Colosse 3:16

Kau pangotighi na bosana Christ ke ghaha kasilaa tana tobamiu, me ke nighau ge kau manaha. Ge kau nia lutu na manaha mughua na vatei taratarai mana bosa patupatu. Kau lingei na lei linge ni holouto, mana lei linge tabu vania God, ma nia na holouto tana tobamiu.

Joshua 1:7

Ko tughuru ngasi haia, mo ko bei mataghu. Ko taonighi haia na lei vetena te vahegho nigua na tinoni ni lutu Moses, mo ko bei sania gea siki peleni na lei vetena kiri, ge ivei tua ko va mana hava tua ko gonia ke tatavahale vanigho.

Joshua 8:34

Mi murina eni, Joshua te idumi tatea na lei bosa te gerei tana buka ni vetena te tughu nia na hava te uto God te nia hevei gekara taonia na vetena, mana lei dika ke kalera ge takara mua taonia.

Na Livu 22:14

God ke vautora rahei tara apoi didira na tivi ge kara haghe ilokana na mataula haghe ni komu sule, ge kara ghania na vavangana na ghai ni vola.