Joshua 1:7 - Na Rongorongo Uto nina Jesus Christ

⁷ Ko tughuru ngasi haia, mo ko bei mataghu. Ko taonighi haia na lei vetena te vahegho nigua na tinoni ni lutu Moses, mo ko bei sania gea siki peleni na lei vetena kiri, ge ivei tua ko va mana hava tua ko gonia ke tatavahale vanigho.

Joshua 1:7 Iomraidhean Croise

Buka Linge 80:19

Ko lavipangotighai ge Lord God Puku ni maana. Ko righighai nia mai nimua na vei arovi ge kai vola.

Daniel 10:19

Ge ghaghua, “A God te dolovigho, ke bei negho gea siki totobo ge ko ghanaruarua pa ko mataghu.” Tana bona te bosai vaniu raeni, inau tu ghoi laga va ghua, ge u bosa, “Vunaghi, bosa vaniu mai na hava te liomu ko kokoea vaniu. Ighoe to neu ge u ghoi uto oli.”

Joshua 1:1

Mi murina Moses nina tinoni ni lutu God te mate tua. A Yahweh te bosa vania Joshua dalena Nun, nina tinoni hahanga ni lutu Moses, me ghaghua,

Joshua 1:8

Ko siroa mo ko idumia haia na buka ni vetena, mo ko taraira na vure nia na bosa te ghanaa i lokana. Tana dani mana bongi ko ghanaghana taoni utoi na lei bosa ini, geko tangomana goni utoani na hava na vetena te bosaa. Ko gonia te vagha eni ke, na lei nimua nilabu ke tona tatavahale me ke uto.

Joshua 1:9

Inau tu bosa vanigho, ko tughuru ngasi haia mo ko bei mataghu, mo ko bei ghanaghana ruarua, na pukuna ivei tua ko vaa, inau, nimiu na God, ku kabu haia itamua.”

Joshua 11:15

God te bosai tua na lei kokokoe ini vania Moses nina tinoni lutu idania, ma Moses te bosai Joshua geke gonighi. Keri ke Joshua te taoni utoi na lei bosa Yahweh te arevaghi vania Moses.

Joshua 23:6

Keri ke makau laga! Makau righitaoni ngangatai na lei totobo te bosai ta nina buka ni vetena Moses, makaubei lolola kolura gea a siki vata nitotobo.