Mǎkè 9:7 - Nyesoaa Kuo Win Jajle

⁷ È nukpǎ nɛ̀ wǒa tàmo ɛ̈ chlìa u dlǒ, è Nyesoaa Win sɔnaě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, a po Ɔɔ win nɔkǔ jebo!”

Mǎkè 9:7 Iomraidhean Croise

Matiɔ̌n 27:43

Ɔ kpae Nyesoa wlò plě Ɔ̌ je Ɔ̌ moo Nyesoaa Jǔ. Bɛ̌ nu Nyesoa Bɔ̌ ke Ɔ jlɛ̌, è Bɔ gblà Lɔ!”

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Matiɔ̌n 3:17

Klě tǐi doo tǐǒ wlòmo Nyesoaa Win sɔnaě jɔkɛn mǒ, kě I dɛ̌a I je, “Ně Jǔ Ě noɛɛ nee mǒ Nɔ̀à. Ně plɔ bloo Ɔ kɛn chɔɔ.”

Mǎkè 1:11

È Nyesoaa Win sɔnaě jɔkɛn mǒ kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Mǎkè 9:6

È tè kɔn tè Pitɛ̌ dɛ̌a bòo nɛ̀ moo uu wùɛǒ kètekee bea u bo wan, è Pitɛ̌ sea dɛ bɔ boɔaa ji.

Mǎkè 9:8

È tà u dǔaa jǐ je měne klě jǐ kapǒ kǎ wlòmo ù sea kɛ̀ nyu wùɛ jě de, ɛ̀ sìnʼaǒ Jùsuu do Ɔ̈ klee uu sɔ̌n neaǒo.

Lǔkù 3:22

È Ngmà Je Ne Sùsu sɔnaě jɔkɛn mǒ Ɛ̈ nea lěe plabaee tǔn wlòmo Nɛ̀ tèea lě Ɔ ja, è Nyesoaa Win sɔnaě jɔkɛn mǒ, kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Jɔ̀ɔ̌n 1:34

Ě jě ɛle ɛ̌ kpa tùɔn, nɛ̀ kɔn tè Ě tmɛɛ̌ amo ɛ̈ moo Jùsu Nɔ̀ moo Nyesoaa Jǔ.”

Jɔ̀ɔ̌n 1:49

È kě Nataniɔ̌ dɛ̌a Ɔ je ɔ je, “Tee Nyu, Mòà Mò moo Nyesoaa Jǔ plě Mò moo Ǐsòwɛ̌ kwɛɛn Klɔ̀ba!”

Jɔ̀ɔ̌n 12:28

Tèǒ nì kɔn tè Ně Gbeǐ boaǎ Nè chɛ̀ɛ nynɛ̌ɛ tè jǐ!” È Win sɔnaě jɔkɛn mǒ kě I dɛ̌a I je, “Ě boaǎ ɛɛ tè jǐ li ɛ̌ wɛ̀ mɔ̀le plě Ě mi ɛɛ tè jǐ boaǎba de.”

Jɔ̀ɔ̌n 19:7

È Jùwɛ nyo jɛɛa win de ǔ tùia Pàlɛ̌te kɛ̀ɛn u je, “Ä kɔn tetě, è dɛ ɛmo tetěǒ ɛ nynaa kɛn bo nɛ̀à ä nɛ de, Ɔ kɔn Bɔ kǒ. Mɛ̌oǒ joo nɛ̀ moo Ɔ dɛɛ Ɔɔ chɛ̀ Nyesoaa Jǔ.”

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 5:18

Dɛǒ nɛ̀ nia Jùwɛ nyo wùɛ ǔ jlɛ̌ bu dbǎla Ɔ. Ɛ se Bɔ wlǎla Nyesoaa de fɛ waěe tetěe do, kɛɛ Ɔ dɛɛa Ɔɔ chɛ̀ Nyesoaa Jǔ ke. È klě ɛmo dɛǒ wlòmo Ɔ ni Ɔɔ chɛ̀ Ɔ klee Nyesoa Ǔ boɛɛ kɛn mǒ.

Jɔ̀ɔ̌n 5:37

È Ně Gbeǐà dbo Mǒo Ɔɔ chɛ̀ Ɔ moo Sàse keǒǒ mɔ̀. A sěɛlǎ Ɔɔ win wɛ̌n plě a sěɛlǎ Ɔɔ jigbà jě.

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Jɔ̀ɔ̌n 9:35

Tà Jùsu wɔ̌na nii ɛ̈ moo u sàlaě ɔmo jbɛjuǒ Nyesoa koǔ bo, Ɔ̀ pɔ̀nʼa ɔ le Ɔ̌ jěa lɔ Ɔ̌ gbàla ɔ wan Ɔ je, “Po kɛ Jbɛjuu Jǔu tè kàan tè le?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:9

Tà Jùsu wɔ̀laa tèǒ boɔboɔ mɔ̀, u kea Ɔ kɛne tɛn Nyesoa dǔa Ɔ jemǒ Ɔ̌ kpala Ɔ jɔkɛn, Ɔ mua mu nukpǎ wɛɛ̌a Lɔ ù jǐ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:37

Ɔɔ doǒ nɔ̀ tmɔɔ̌a Ǐsòwɛ̌ kwɛɛn ke ɛ̈ moo, ‘Nyesoa miǎě a Wnɔsàɔ slè sàba Nɔ̀ Ɔ miǎ dboba wòje keà ně ka nee je.’ (Deut 18.15)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Wlǔmɔ 1:4

Kɛɛ klě Ɔɔ sùsu mǒ ɛ tee ɛ sɛje ɛ̈ moo Nɔ̀ moo Nyesoaa Jǔ klě kpě kɛne tǔn wlòmo Ɔ̌ dǔa Ɔ jemǒ Ɔ̌ sàlaě Ɔ kǒla mǒ. Nɔ̀ moo Jùsu Tentǎn Jǔ Ɔ̈ moo äa Koɔn

Hiblǔ 2:1

Dɛǒ nɛ̀ kɔn tè ä kɔn bä po Nyesoaa winʼǒ u tee ämoo nɔkǔ jebo ɛ̈ di ɛɛ numa äǎ di Nyesoa mɔ̀ tmɔɔ no.

2 Pitɛ̌ 1:17

Tà Ɔ jěaa bo tùtuɛ klee tè jǐ boaboǎ ï sɔna lě Ɔɔ Gbeǐ Nyesoa mɔ̀ mǒ, ä nea kɛn tùɔn. Ä wɔ̌na Nyesoaa tè jǐ boǎ win, kě i dɛ̌a Jùsu je i je, “Ně Jǔ Ě noɛɛ mǒo Nɔ̀àò! Ně wlò bloo Ɔ kɛn chɔɔ!” (Mt 17.1-5, Mk 9.2-7, Lk 9.28-35)

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

Wlɛ̀velesɔ̌n 1:7

A tanà le, Tentǎn Jǔ miǎě nukpě kɛn diiba! Nyopò wùɛ miǎǒ Ɔ jleě mɔ̀ kpaba, jà nyopòo chɛ̀ǒ dbǎla Ɔɔ. Dakwɛ̌ wùɛà neɔɔ kmɔ̌ɔ mɔ̀ u mi Ɔɔ sònwɛ chìnma. Imo tèà nì moo kàan tè, kě bɛ ne.