Mǎkè 8:6 - Nyesoaa Kuo Win Jajle

⁶ È Ɔ tmɔɔ̌a diblɛ̌ǒ bu nea ble keǒ blǒ mɔ̀ Ɔ̌ dǔa flɔ̌ɔ kwlee nyiɛtaǒ mǒ Ɔ̌ pea Ɔɔ Gbeǐ tàto Ɔ̌ klǎla i wan le Ɔ̌ nyea i Ɔɔ mɔ̀ cheěn nyo bu plooa i diblɛ̌ǒ měne, è nìǒ u plooa diblɛ̌ wùɛǒ měne.

Mǎkè 8:6 Iomraidhean Croise

Matiɔ̌n 26:26

Tà u keaa dɛ di, Jùsu dǔa flɔ̌ɔ tìe mǒ Ɔ̌ poa ɛ ngmna mɔ̀ Ɔ̌ klǎla ɛ wan le Ɔ̌ nyea nɛ Ɔ̀ɔ mɔ̀ cheěn nyo Ɔ je, “A dǔ ɛ mǒ a di ɛ, dɛà nɛ̀ moo Ně fǒ.”

Mǎkè 8:20

È Ɔ gbàla u wan de Ɔ je, “È plɛǎ tìen tae jiǐa kɛ lě tà jbɛjluu taslěwɛɛ hɛ̀n diaa flɔ̌ɔ kwlee nyiɛtaǒ Ě klǎlaa wan le?” Ù tùa Lɔ kɛ̀ɛn u je, “Plɛǎa nyiɛta.”

Mǎkè 8:5

È Ɔ gbàla u wan Ɔ je, “È flɔ̌ɔ kwle tìen tae a blěeě kɛ?” È u tùa Ɔ kɛ̀ɛn u je, “Ii nyiɛtaà ä blě.”

Mǎkè 8:7

È u kɔna mòngmɛ smì klɔkwlě ke, Ɔ dǔa i mǒ Ɔ̌ poa i ngmna mɔ̀ Ɔ̌ tmɔɔ̌a Ɔɔ mɔ̀ cheěn nyo bu plooa i ù měne ke.

Lǔkù 12:37

Bɛ̌ nu uu chì kpa ämo bɔ̌ di de bɔ̌ jɛɛě u jǐ mɔ̀ tùtuɛ wlòmo, ɛ mi kàan dɛ numa keǒ u mɔ̀, è kàan tè nìà Ě tmɛɛ̌ amo, ɔɔ plɔ mi bloba chɔɔ ɔ mǐ ɔɔ chɛ̀ na wien po nyebajlee dale měne po, ɔ mǐ u nu u mǐ ble ne ɔ miǒ u didi dɛ jemǒ kpa u mǐ dɛ di.

Lǔkù 24:30

Tà u klee Ɔ muaǒo di fuo kɛn, Ɔ dǔa flɔ̌ɔ tìe mǒ Ɔ̌ poa ɛ ngmna mɔ̀ Ɔ̌ bɛ̌a ɛ je le Ɔ̌ nyea nɛ nu.

Jɔ̀ɔ̌n 2:5

È kě Ɔɔ naǎ dɛ̌a nyebajleǒ niaa blěpa nyoo konkwa je ɔ je, “Dɛ wùɛ Bɔ̌ tmɔɔ̌ amo a nu ɛ.”

Jɔ̀ɔ̌n 6:23

È blǎgbèa tìi sɔna diěǒ moo Tabawlìa mǒ nì bea kpǒ je keǒ tàǒ Jùsu peeaě Nyesoa tàto keǒ flɔ̌ɔ mɔ̀ Ɔ̌ nyea nɛɛ nyopò ǔ dia lɛɛ.

Wlǔmɔ 14:6

Nyuǒ sàǒo chnɛ̀ jlǒ waěe do ɔ̈ tù ɛɛ ngmà je, ɔ ni ɛ keǒ Koɔn mɔ̀. È ke ɛ toon jleě mǒ bo nyuǒ dii dɛ wùɛ ɔ̌ pee Nyesoa tàto, ɔ ni ɛ keǒ Koɔn mɔ̀. È ke ɛ toon jleě mǒ bo nyuǒ ɔɔ̌ dii dɛ wùɛ ɔ̌ pee Koɔn tàto ke, ɔ ni ɛ keǒ Nyesoa mɔ̀.

Klasɔ̌n 3:17

È dɛ wùɛ a mii numa klee a mii boɔba, ba nuuě ɛ Koɔn Jùsuu nynɛ̌ wlòmo a mǐ Nyesoa tàto pe Ɔ̈ moo aa Gbeǐ keǒ dɛ Ɔ nuu keǒ a mɔ̀ ɛ̈ Ɔ nuuě Jùsu Tentǎn Jǔ mǒ.