Mǎkè 8:11 - Nyesoaa Kuo Win Jajle

¹¹ Chnɛ̀ jlǒ waě tɛ̀ɛ mɔ̀ Fɛlesǐi wǎn diaě Jùsu mɔ̀ ǔ tùngmaea Ɔ wan le gbògba ǔ tɛ̀naě Ɔ měne. È kě u dɛ̌a Ɔ je u je, “Te ä jboo dɛ je ɛ̈ tee ɛɛ ɛ̈ moo sɔ̀nʼě mǒ Nyesoa mɔ̀.”

Mǎkè 8:11 Iomraidhean Croise

Matiɔ̌n 12:38

È Fɛlesǐi wǎn klee teteǎ tee nyoo tìe nù tmɛɛ̌a Jùsu u je, “Tee Nyuǒ, ä jlɛ̌ Bò te ä jboo dɛ je ä mǐ ɛ ji ɛ̈ moo sɔ̀nʼě mǒ Nyesoa mɔ̀.”

Matiɔ̌n 19:3

Chnɛ̀ jlǒ waě tɛ̀ɛ mɔ̀ Fɛlesǐi wǎnʼa tìe nù diaě Ɔ mɔ̀ ü diaě Ɔ měne tɛ̀nma ǔ gbàla Ɔ wan u je, “Ɛ moo kɛ tetě keǒ nyu bɔ bɔ̌ ɔɔ nynɔ bɛ̌ nu bɛ̌ kɔn tè kɔn tè le?”

Matiɔ̌n 21:23

Ɛmo waěe doǒ mɔ̀ tà Jùsu muaa de klě Nyesoaa kǎ fòɛ bo Ɔ muaa teeba, è Nyesoaa kpatòapoo fòe klee Jùwɛ nyoo bòlibo nù dia lě Ɔ mɔ̀ ü gbɛ̀a Ɔ wan u je, “Mɔ kɔɔ̌n kɛ kpě wlòmo nìiěe noǎà plě mɔ nyeě kɛ Mò kpě do taeǒ?”

Matiɔ̌n 22:15

È Fɛlesǐi wǎn poa ɛ ble keǒ u mǐa Jùsu kme keǒ Ɔɔ boɔboɔ win kɛn.

Matiɔ̌n 22:18

Kɛɛ Jùsu jia dɛ kukǔ tae u sìɛnʼaa dlǒ mɔ̀le ne, nɛ̀ kɔn tè Ɔ gbàla u wan Ɔ je, “Mɛ kɔɔ̌n tè a tɛ̀ɛ̌n kɛě Mǒ měne amo ä jěè kɛn ä daà kàan chènyɔ Nyesoa nyoà?

Matiɔ̌n 22:23

Chnɛ̀ jlǒ waěe doǒ mɔ̀ Jùwɛ nyoo nyopò tùu ü dɛɛ Sadesǐi wǎn ü see kokǒ nyoo jeměne dǔ tè kàan tè po nù diaě Jùsu mɔ̀

Mǎkè 12:15

Kɛɛ Ɔ jia ɛle ɛ̈ moo u neaě kplakplǒ wlòmo, ii tè kě Ɔ dɛ̌a u je Ɔ je, “Mɛ kɔɔ̌n tè a tɛ̀ɛ̌n kɛě Mǒ měne? A jaǎ wlejoɛ̌ɛǒ ɛ̈ a sɛ̀ɛ dlǒ wlě mǒ Bo jě ɛ.”

Mǎkè 2:16

Tà teteǎ tee nyoo tìe ü moo Fɛlesǐi wǎn u jěa uu klee Jùsu u diiaǒo dɛ tàa do, ù gbàla Jùsuu mɔ̀ cheěn nyo wan u je, “Mɛ kɔɔ̌n tè aa Tee Nyuà Ɔ klee nyopò kukwǐ taeà u dii liǐ kɛǒ dɛ tàa do?”

Mǎkè 9:16

È Ɔ gbàla u wan Ɔ je, “Mi a chɛtlǐi liǐ kɛ mǒ?”

Lǔkù 10:25

Ɛ kɔna tǐ tìi tà teteǎ tee nyu tɔ̀ɔ diaě Jùsu měne tɛ̀nma, kě ɔ nia Ɔ wan gbògba ɔ je, “Tee Nyu, mɛ bo nuǔ kɛ Ě mǐi kmɔ̌ siee fònfno kɔn?”

Lǔkù 11:16

Uu tìe tùu tɛ̀naě Ɔ měne ǔ gbɛ̀a Lɔ wan Bɔ tea u jboo dɛ je ɛ mǐa ɛ tee le ɛ̈ moo Ɔ sɔnaě mǒ Nyesoa mɔ̀.

Jɔ̀ɔ̌n 4:48

È Jùsu tùa ɔ kɛ̀ɛn Ɔ je, “A slě wɔ̀ a mǒ Ně tè kàan tè po ɛ̈ moo Ě sɔnʼě mǒ Nyesoa mɔ̀ ɛ̀ sìnʼǒ bǎ jě wlòlekaen dɛ klee je te dɛ plě.”

Jɔ̀ɔ̌n 6:30

Ii tè u gbɛ̀a Ɔ wan u je, “Bä jě wlòlekaen dɛ tae mì kɛɛ numa ɛ̈ bä jěe ä mǐ Nèe tè kàan tè po? Mɛ mìǐ kɛ numa?

Jɔ̀ɔ̌n 7:48

Dɛ̌ɛ̀ Fɛlesǐi wǎn klee Jùwɛ nyoo nyefòapo tùu ü neěe u se Ɔɔ tè kàan tè poò?

Jɔ̀ɔ̌n 8:6

U boɛa ɛmo dɛǒ keǒ bu tɛ̀na Jùsu mǒ ɛ̈ di ɛɛ numa u mǐa dɛ kɔn ɛ̈ kɔn tè bu wǒa Lɔɔ le. Kɛɛ Jùsu chlìa bo keǒ blǒ mɔ̀ Ɔ̌ nia chìjoɛɛ Ɔ̌ chlěa klě pǔpu slè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:9

È kě Pitɛ̌ dɛ̌a ɔ je ɔ je, “Mɛ kɔɔ̌n tè aa sɔ̌n wùɛ a chlàǎ kɛ li keǒ ba tɛ̀n lěe Koɔn Nyesoaa Sùsu měne? Tanàle, jbɛjluà ü tù nèe jbe bo nùǒ neě wànwie, è u miì kpaba ke.”

1 Kwnɛtiɛ̌ 10:9

Ä se kɔn bä tɛ̀nʼě Koɔnʼɔ wlò dbadbǎ měne wòje keǒ uu tìe nuaa, ii tè smea dedbǎea uu le.