Mǎkè 13:10 - Nyesoaa Kuo Win Jajle

¹⁰ Nyane dɛ nɛ̀ moo Ně tuposà kɔn bɛ poo lo klě dakɔ̌ wùɛ mɔ̀.

Mǎkè 13:10 Iomraidhean Croise

Matiɔ̌n 12:41

Klě blilǐ tù chnɛ̀ jlǒ waě wlòmo nyopòǒ ü nea lěe Ninìfae dǐa u miǎ jemǒ dǔba u miǎ dɛ kukǔ nyoà tè jɛɛ le. Mɛ̌oǒ joo nɛ̀ moo tà Nyesoaa wnɔsàɔ Jònǎ boɔla u Nyesoaa win je u bitǐa uu wlè bo, kɛɛ Nyuà kɔn tè boǎa jǐ ï sìnʼǒo Jònǎ mǒ, Ɔ ke dɛ kukǔ nyoà Nyesoaa tè je boɛɛ chɛ̀ uǔ jlǎ bu bitǐ uu wlè ble.

Matiɔ̌n 24:14

Nyesoaa win kwa konkɔnʼɔ tuposà jajlo miǎ kmɔ̌ wùɛà dlǒ wɔ̀ba ɛ̈ di ɛɛ numa ɛ miǎ sàse tù keǒ nyopòà ü wɔ̌n nii mɔ̀ plě kmɔ̌à ɛɛ dlǒ chlɛ̀chlɛ tǐ miǎǒ nyni.

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Wlǔmɔ 1:8

È ke Ě jlɛ̌ boǒ nuu chněedɛ̌à wlò tùtuɛ nɛ̀ moo Ě pe ně Nyesoa tàto klě Jùsu Tentǎn Jǔ mǒ keǒ aa wùɛ mɔ̀. Mɛ̌oǒ joo nɛ̀ moo aa tè wlò popoɛà a kɔnʼɔ klě Tentǎn Jǔ Jùsu mǒ ɛɛ tè wɔ̀ kmɔ̌ wùɛà dlǒ lo.

Wlǔmɔ 10:18

Kɛɛ boǒ gbà a wan, Jùwɛ nyoà u se kɛ ɛmo tuposàǒ wɔ̌n le? I moo jiji tè u wɔ̌n ini. Kě Nyesoaa win dɛ̌ ɛ̈ moo, “Uu win wɔ̀ kmɔ̌ɔ nyopò wùɛ dlǒ, uu tuposàǒ ɛ nyniě kmɔ̌ɔ chlɛ̀ɛa mǒ no.” (Ps 19.4)

Wlǔmɔ 15:19

Ɔ nyeě kpě bo nu jboo dɛ klee wlòlekaen noǎ plě Ɔ̌ nyeě Nyesoaa Ngmà Je Ne Sùsuu kpě, Ě mǐ Ɔɔ kàan tuposàà po kpǎkpǎ ɛ̈ kwɛɛǒo Tentǎn Jǔ jleě mǒ bo klě tà wùɛ, sɔɔnʼě dě fòɛǒ moo Jlǔsnɛ mǒ bò muě dě fòɛǒ u dɛɛ Elewlìkɛn.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Klasɔ̌n 1:6

dia lɔ amoo mɔ̀ ɛ gbɛ̀tɛɛ kmɔ̌ wùɛà kɛn le ɛ̌ ni dɛɛ doǒ ɛ nuaa kělɔ a slè sɔɔnʼě chnɛ̀ jlǒ waěǒ kɔn wlòmo a wɔ̌naa Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ a mɔ̀ ɛɛ tè plě ǎ jboa ɛɛ le dɛ wlòo jlajlǎ dɛǒ sɛje ɛ monoo.

Wlɛ̀velesɔ̌n 14:6

È Ě jěa najiǒpòi tɔ̀ɔ ɔ̌ wɛnʼa klě jɔtùwle mǒ. Nyesoaa tuposà nɛ̀ ɔ kpɛa ɛ̈ kwɛɛǒo kmɔ̌ sie fònfnoo tè jleě mǒ bo keǒ bɔ tmɔɔ̌a i nyopò ü nea nɔɔ blǒɔ mɔ̀ klě dakwɛ̌ wùɛ mɔ̀ klee nyopò wùɛ peaa dɔ̌ɔdɔ̌ win klee tùonyopo wùɛ.