Mǎkè 12:6 - Nyesoaa Kuo Win Jajle

⁶ È nyuu do ɔ̈ sia kɛ̀ǒo nɔ̀ mooa ɔɔ chɛ̀ɛ jbɛjuju ɔ̈ ɔ noɛɛaa mǒ chɔɔ, nɔ̀ klě demǒ bɔɔ̌ tǐ wlòmo ɔ dboa klě u mɔ̀. È kě ɔ dɛ̌a ɔ je, ‘Bɛ̌ nu bǔ jě ně jǔà u miǒ ɔ tùba.’

Mǎkè 12:6 Iomraidhean Croise

Matiɔ̌n 1:23

“A tanʼǒ leò, nyneju ɔ̈ see jbɛju tè ji ɔ miǎ kwlě mǒ nema, ɔ miǎ Jbɛjuju kɔn, u miǎ Ɔɔ nynɛ̌ Imanyùɛ daeba.” (Is 7.14) Imanyùɛ ɛ̈ sɛ̀nʼɛ nynɛ̌ Nyesoa Neeǒ Ä Mɔ̀. (Is 8.8)

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 17:5

Klě jǐ kapǒa wlòmo, win kɛ̀naě Pitɛ̌ wan bo, è nukpǎ ɛ̈ plɛ̌aa nɛ̀ chlìa u dlǒ. È Nyesoaa Win sonwɛa lě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, Ně wlò bloo Ɔ kɛn chɔɔ. A po Ɔɔ win nɔkǔ jebo!”

Matiɔ̌n 26:63

Kɛɛ Jùsu sea ɔ kɛ̀ɛn tù. Ii tè kě bodiɔǒ ɔ dɛ̌a ɔ je, “Klě Kmɔ̌ ne Nyesoaa nynɛ̌ wlòmo, tmɔɔ̌ ämo tàǒ nynaǒo bo Bò moo Nyesoaa Jǔ Ɔ̈ moo Ɔɔ Tentǎn Jǔ.”

Matiɔ̌n 3:17

Klě tǐi doo tǐǒ wlòmo Nyesoaa Win sɔnaě jɔkɛn mǒ, kě I dɛ̌a I je, “Ně Jǔ Ě noɛɛ nee mǒ Nɔ̀à. Ně plɔ bloo Ɔ kɛn chɔɔ.”

Mǎkè 1:11

È Nyesoaa Win sɔnaě jɔkɛn mǒ kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Mǎkè 12:5

È ɔ dboa ɔɔ bě tɔ̀ɔ, ɔmoǒ nɔ̀ u dbǎla. Ɔ dboa nyopò fòfoa de klě u mɔ̀, è u bea uu tìe ǔ dbǎla uu tìe.

Mǎkè 12:7

Kɛɛ tà jlě nu nyo jěaa jǔǒ, è kě u dɛ̌a klě uu chɛ̀ slè u je, ‘A jè jǔ miǎ noǎ wùɛà win kwa kɔnma nɔ̀ǒ diě, a diě bä dbǎ lɔ ɛ̈ di ɛɛ numa noǎ wùɛà ä mǐ i je chlì ä mǐ i kɔn.’

Mǎkè 9:7

È nukpǎ nɛ̀ wǒa tàmo ɛ̈ chlìa u dlǒ, è Nyesoaa Win sɔnaě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, a po Ɔɔ win nɔkǔ jebo!”

Lǔkù 3:22

È Ngmà Je Ne Sùsu sɔnaě jɔkɛn mǒ Ɛ̈ nea lěe plabaee tǔn wlòmo Nɛ̀ tèea lě Ɔ ja, è Nyesoaa Win sɔnaě jɔkɛn mǒ, kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Lǔkù 9:35

È Nyesoaa win sɔnaě nukpǎǒ wlòmo, kě I dɛ̌a I je, “Ně Jǔ Ně wlò sàǒo Nɔ̀à, a po Ɔɔ win nɔkǔ jebo!”

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:34

Ě jě ɛle ɛ̌ kpa tùɔn, nɛ̀ kɔn tè Ě tmɛɛ̌ amo ɛ̈ moo Jùsu Nɔ̀ moo Nyesoaa Jǔ.”

Jɔ̀ɔ̌n 1:49

È kě Nataniɔ̌ dɛ̌a Ɔ je ɔ je, “Tee Nyu, Mòà Mò moo Nyesoaa Jǔ plě Mò moo Ǐsòwɛ̌ kwɛɛn Klɔ̀ba!”

Jɔ̀ɔ̌n 3:35

Nyesoa moo Gbeǐ Ɔ̌ noɛɛ Ɔɔ Jǔ mǒ, tèǒ nì kɔn tè Ɔ sàǒ noǎ wùɛ nì Ɔ poě Ɔ kwete mǒ.

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Hiblǔ 1:6

Tà Nyesoa wɛ̀aa mɔ̀ Bɔ dboa Ɔɔ Nyǐsajuǒ kělɔ kmɔ̌ɔ mɔ̀, kě Ɔ dǎla ke Ɔ je, “Ně najiǒpò wùɛ u kɔn bu sà Ɔɔ wɛ̀.” (Deut 32.43)

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.

3 Jɔ̀ɔ̌n 1:1

Mǒ Tentǎn Jǔu wǎnʼa bòlibopoià chlě chněedɛ̌à klě ně nenawai Kèɔse mɔ̀ ɔ̈ Ě noɛɛ nee mǒ chɔɔ.