Mǎkè 12:1 - Nyesoaa Kuo Win Jajle

¹ È Jùsu tùngmaeaě u mɔ̀ boɔboɔ klě dǎtèkpe wlòmo Ɔ je, “Ɛ kɔna jbɛju tɔ̀ɔ ɔ̈ nuaa chè fòɛ ɔ̈ dɔ̌la ɛɛ nano kɛn. Ɔ sàla chèǒ seɛ̌ɛ ngmì je ɔ̌ blǔa bǐtìe klě seɔ̌ wlòmo ɛ̈ kɔn wan u mia lěe nano jɔ̌ǒ pnɔɔ̌ma plě ɔ̌ poa ja tmɔ koǔ keǒ chèǒ ɛɛ jǐ mɔ̀ tùtuɛ mɔ̀ ɔ̌ dǔa chèǒ mǒ ɔ̌ nyea ɛ jlě nu nyopò tùu u mǐa ɛ konkwa dlǒ mɔ̀ kpa dɛ bɛ̈ sɔnaě ɛ wlòmo u miǎ ɔ blěe nenɛ ɔ kɔnaǒo ɔ̀ nye, è nɔ̀ǒ muaě blǒ tɛ̀ɛ kɛn tǐnma.

Mǎkè 12:1 Iomraidhean Croise

Matiɔ̌n 13:3

Klě Ɔ pooaě kɛn Ɔ̌ boɛa u noǎ fòfoa je klě dǎtèkpe wlòmo, kě Ɔ dɛ̌a u je Ɔ je, “Ɛ kɔna jlǒ nu nyu tɔ̀ɔ nɔ̀ mua dodɔ̌ jɔ̌ gblàba klě chè mǒ.

Matiɔ̌n 21:28

È kě Jùsu dɛ̌a kpatòapoo fòe klee bòliboǒ je de Ɔ je, “Mɛ aa dlǒ le sìɛnsiɛn wɔ̀le je bɛ sàǎ kɛ kwlǎ mǒ keǒ dɛà kɛn? Ɛ kɔna jbɛju tɔ̀ɔ ɔ̈ kɔnaa jbɛjujluu sɔ̌n. Chnɛ̀ jlǒ waě tɛ̀ɛ mɔ̀ ɔ mua lě nyane jǔǒ mɔ̀, kě ɔ dɛ̌a ɔ je ɔ je, ‘Ně jǔ, dǔ jemǒ, muě chè mǒ mì konkwa nu kekɛɛà.’

Matiɔ̌n 21:33

Jùsu kpɛɛa Ɔɔ win nya Ɔ je, “A po dǎtèkpa tɛ̀ɛà nɔkǔ jebo. Ɛ kɔna jbɛju tɔ̀ɔ ɔ̈ nuaa chè fòɛ plě ɔ̈ dɔ̌a ɛɛ nano kɛn. Ɔ sàla chèǒ seɛ̌ɛ ngmì je ɔ̌ blǔa bǐtìe klě seɔ̌ wlòmo ɛ̈ kɔn wan u mia lěe nano jɔ̌ǒ pnɔɔ̌ma plě ɔ̌ poa ja tmɔ koǔ keǒ chèǒ ɛɛ jǐ mɔ̀ tùtuɛ mɔ̀ ɔ̌ dǔa chèǒ mǒ ɔ̌ nyea ɛ jlě nu nyopò tùu u mǐa ɛ konkwa dlǒ mɔ̀ kpa dɛ bɛ̈ sɔnaě ɛ wlòmo u mǐa ɔ blěe nenɛ ɔ kɔnaǒo ɔ̀ nye, è nɔ̀ǒ muaě blǒ tɛ̀ɛ kɛn tǐnma.

Matiɔ̌n 21:34

Tà nano chɛ̌n tǐ nyniaǒo, ɔ dboa ɔɔ nyebajle klě u mɔ̀ ɛ̈ di ɛɛ numa ɔ blěe wakǎ ɔ kɔnaa klě u mɔ̀ u mia lɛ ɔ̀ nye.

Matiɔ̌n 25:14

È dɛ tɛ̀ɛ Jùsu boɛa uu je nɛ̀à Ɔ je, “Tǐǒ jleě Jbɛjuu Jǔà Ɔ miǎa de diba, Nyesoaa win kwa konkɔn kɔn bɛ wǒǎ je jbɛju tɔ̀ɔ ɔ̈ wɛ̀aa mɔ̀le bɔ̈ muaa tmɔtmɔ dakpǎ mǒ ɔ̈ dala ɔɔ na wien po nyebajle ɔ̈ plooa u ɔɔ wlěe tìe měne u mǐa i konkwa nunu.

Mǎkè 11:33

Ii tè u tùa Lɔ kɛ̀ɛn u je, “Ä se ɛ ji.” È Ɔ tùa u kɛ̀ɛn Ɔ je, “Ně chɛ̀à Ě se a wlòmo sèsaeba mu nyu tae nye Mǒo kpěà Ě nii noǎ wùɛà.”

Mǎkè 13:34

Ně de didiɛ miǎ je wǒba keà nyu mii tmɔtmɔ dakpǎ mǒ ɔ duǐ ɔɔ koǔ mǒ ɔ peě ɛ ɔ̀ɔ nyebajle kwete mǒ, u nyuu do bɔ̌ neǒ ɔ kɔn ɔ blěe konkwa ɔ nii plě ɔ̌ tmɛɛ̌ nyuǒ neǒo wànwie bɔ tù jǐ mɔ̀.

Mǎkè 3:23

Ii tè Jùsu dala u Ɔ̌ poa u dǎtèkpe je Ɔ je, “È ke Setɛ̀n ɔ̈ moo kǔ ɔ wɔ̀le je bɔ nuǔ kɛǒ Setɛ̀n plomǒ popoɛ?

Mǎkè 4:2

Ɔ nia dǎtèkpe Ɔ̌ sèsɛɛa noǎ fòfoa kɛne. Klě Ɔɔ teea wlòmo kě Ɔ dɛ̌a u je Ɔ je,

Lǔkù 15:13

Tà mòngmɛ chnɛ̀ jlǒ wě sìnʼaa, è jǔ chěnchaěǒ ɔ ploa ɔɔ konkɔn noǎ wùɛ ɔ̌ dǔa wlěǒ mǒ ɔ̌ mua tmɔtmɔ dakpǎ mǒ klě ɔ nymiiaě wlěǒ jǐ le, ɔ seaě ɛ mɔ̀ kɔn.

Lǔkù 19:12

Ii tè kě Ɔ dɛ̌a Ɔ je, “Ɛ kɔna selǐju tɔ̀ɔ ɔ̈ wɛ̀aa mɔ̀ bɔ muaa tmɔtmɔ dakpǎ mǒ u mǐa ɔ klɔ̀ba dɛ mǒ po plě ɔ mǐa de di.

Lǔkù 22:9

Ii tè u gbàla Ɔ wan u je, “È tà tae jlɛ̀ bä wɔ̀ɔ loǒ kɛ ɛmo didi dɛǒ mɔ̀le?”

Lǔkù 8:10

È kě Ɔ dɛ̌a u je Ɔ je, “Nyesoa nu ɛ ɛ̌ wɔ̀le ɛ keǒ ba jbo Ɔɔ win kwa konkɔnʼà ɛɛ tè le ɛ̈ wɛ̌ pnɔɔ je, kɛɛ umoǒ nù Ě pe dǎtèkpeà je. Dɛǒ nɛ̀ nu ɛ bǔ ke le tɛn, uǔ jě le plě bǔ po nɔkǔ bo uǔ jbo tè le wòje keǒ Nyesoaa win dɛ̌ɛ. (Is 6.9-10)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:38

Tà najiǒpòi boɔlaě ɔɔ mɔ̀ klě togbeeǒ moo Sanàe dlǒ, ɔ nyea ɔ win bɔ tmɔɔ̌a ämoo ke bä nuu kmɔ̌ neneɛ. Tǐǒ jleě ɔ neaě kpatekpǎ blǒ kɛn ɔ klee Ǐsòwɛ̌ kwɛɛn tàkpɔ̌ ü moo äa gbeǐpò.