Mǎkè 10:43 - Nyesoaa Kuo Win Jajle

⁴³ Kɛɛ aa ka ɛɛ̌ ne bò je. Aa nyu bɔ̈ jlɛ̌ ɔɔ tè bi kma chɔɔ klě Nyesoa jǐ kɛn, nɔ̀ kɔn bɔ moo mɔ̀le nae nyu keǒ nyopò tùu mɔ̀.

Mǎkè 10:43 Iomraidhean Croise

Mǎkè 10:42

È Jùsu dala Ɔɔ mɔ̀ cheěn nyoǒ Ɔ̌ poaǒ u tàa do Ɔ je, “Aa chɛ̀ a ji ɛle kuodakwɛ̌ɛ nyopòǒ ü kɔnʼɔ win kwa ke u ni uu nyopò le cheanchean ǔ sɛ̀ uu noǎ měne plě ǎ ji ke uu kòngmna nyefòapo ni uu teteǎ kɛn kpokpa ɛ mǐ ɛ tee le ɛ̈ moo u moo nyefòapo.

Mǎkè 10:44

È bɛ̌ nu aa nyu bɔ̌ jlɛ̌ bɔ neě ɔɔ bǐì dlǒ jleě, nɔ̀ kɔn bɔ̈ moo kèi keǒ a mɔ̀.

Mǎkè 9:35

È Jùsu Nɔ̀ǒ nea bo Ɔ̌ dala Ɔɔ mɔ̀ cheěn nyoo pù tùo sɔ̌nʼǒ, è kě Ɔ dɛ̌a u je Ɔ je, “Nyu wùɛ bɔ̈ jlɛ̌ ɔɔ tè bi kma chɔɔ dɔ̌, ɔmo nyuǒ nɔ̀ miě deměne bɔɔ̌ba plě nɔ̀ bɔ̈ moo na wien po nyebajlo keǒ nyu wùɛ mɔ̀.”

Lǔkù 14:11

Nyu wùɛ ɔ̈ mi ɔɔ chɛ̀ɛ tè kuɛnma chɔɔ nɔ̀ Nyesoa mi ja tìeba, è nyu wùɛ ɔ̈ mi ɔɔ chɛ̀ ja tìeba nɔ̀ kɔn tè mi kunma chɔɔ.”

Lǔkù 18:14

È Bo tmɔɔ̌ amo, dlǒ wlě tɛ̌n nyuǒ ɔ keaě koǔ bo mi ɔɔ tè pooa le wlò klě Nyesoa jǐ kɛn, kɛɛ Fɛlesǐi wǎnpòiǒ ɔɔ tè sea wlò le poo lo. Mɛ kɔɔ̌n tèǒ joo nɛ̀ moo nyu wùɛ ɔ̈ mi ɔɔ chɛ̀ɛ tè kuɛnma chɔɔ nɔ̀ Nyesoa mi ja tìeba, è nyu wùɛ ɔ̈ mi ɔɔ chɛ̀ ja tìeba nɔ̀ kɔn tè mi kunma chɔɔ.”

Lǔkù 22:26

Kɛɛ aa ka bɛɛ̌ ne bo je. Dɛɛ do ba nuu nɛ̀ moo nyu bɔ̌ jlɛ̌ ɔɔ tè bi kma chɔɔ klě a slè, bɔ tìe ɔɔ chɛ̀ ja wòje keà jǔ chěnchaě gbe. Nyu bɔ moo nyopò nae nyu klě a slè bɔ tìe ɔɔ chɛ̀ ja wòje na wien po nyebajlo.

Lǔkù 9:48

è kě Ɔ dɛ̌a u je Ɔ je, “Nyu wùɛ ɔ̈ mii jǔ gbeà kuun Mǒo wlò je jebo kmema wòje keà jǔà ɔɔ ka nee je, è Ně chɛ̀à ɔ kmeě jebo. È nyu wùɛ ɔ̈ mi Mǒo jebo kmema, è Nyuà dbo Mǒo Nɔ̀ǒ ɔ kmeě jebo. Klě a slè nyuà tìeǒ ɔɔ chɛ̀ ja nɔ̀ kɔn tè kma chɔɔ klě Nyesoa jǐ kɛn.”

Jɔ̀ɔ̌n 18:36

È kě Jùsu dɛ̌a ɔ je Ɔ je, “Ně deplě seɔ kmɔ̌ɔ wlòmo kɔn. Bɛ̌ nu Ně deplě bɛ̌ kɔnʼɔ nɔ kmɔ̌ɔ wlòmo, Ně mɔ̀ na nyo mii wɔ̀nma ɛ̈ di ɛɛ numa Jùwɛ nyo ně dii Mǒ kme, kɛɛ Ně deplě seɔ kmɔ̌ɔ wlòmo kɔn.”

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Kalesiɛ̌n 5:13

Ně bǐì Tentǎn Jǔu wǎn ane, Nyesoa dala ale a mǐa dbǐ mǒ wan, kɛɛ baǎ ni kpni kukwǐ a jlɛ̌ɛ keǒ tà a wanʼa dbǐ mǒ tè. Ba nonoɛɛ měne a miǒ mɔ̀le momǎe ne.