Mǎkè 10:21 - Nyesoaa Kuo Win Jajle

²¹ È Jùsu tanaǒ ɔ mɔ̀le klě mǒ noɛɛ tǔn wlòmo, kě Ɔ dǎla ɔ je Ɔ je, “Dɛɛ doǒ siǒ sè ɛ ni, mu nè konkɔn noǎ wùɛǒ plo li mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, è bò diě mìǐ de na.”

Mǎkè 10:21 Iomraidhean Croise

Matiɔ̌n 16:24

È kě Jùsu dɛ̌a Ɔɔ mɔ̀ cheěn nyo je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Matiɔ̌n 19:21

È Jùsu tùa ɔ kɛ̀ɛn Ɔ je, “Bɛ̌ nu bò jlɛ̌ nè Nyesoa dɛ bɛ snǎě mɔ̀le kpǎkpǎ, mu nè konkɔn noǎ plo, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

Mǎkè 10:22

Jbɛjuǒ ɔ kɔna noǎ fòfoa, ii tè tà ɔ wɔ̌naa tèǒ Jùsu boɔlaa, ɔ̀ɔ wlò bea wɔ̀ɔn chɔɔ, è nɔ̀ǒ mua.

Mǎkè 8:34

È Ɔ dala nyopò fòfoa ü klee Ɔɔ mɔ̀ cheěn nyo neaǒo tàǒ, kě Ɔ dɛ̌a u je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Lǔkù 10:42

kɛɛ dɛɛ do ɛ̈ kɔn kèjle bɛ nu mòo nɛ̀à Mɛwlě sàǒ ɛ̈ moo mǒ slɛɛ̌ dɛ. Nyu wùɛ nɔ̀ se lɛ ɔ kwa sàba mu.”

Lǔkù 12:33

Tèǒ nì kɔn tè a plo aa konkɔn noǎ ii wlěǒ a mǐ i sònwɛ nyo nye. Klě ɛmo dɛǒ ɛɛ nunuɛ wlòmo a mi aa wlěe kètekwin numa i seǎ flo nu kpe. Imo wlěe mǒ tèe noǎǒ i mi kmɔ̌ siee noǎ mooma klě jɔkɛn, tàà bǐ neěe jlǐ nyo ně konwaě ii le plě bɔ̀gbe ně nymii ii jǐ le.

Lǔkù 16:9

Ě tmɛɛ̌ ane, a nu konkɔn noǎà nyopò tùu ninii noǎ kukwǐ mǒ a kme mɔ̀niapo je le ɛ̈ di ɛɛ numa bo tǐ bǐ diǎ lě tà imo noǎǒ i miǎa le wɛ̀ba, Nyesoa miǎ a jebo kme klě jɔkɛn.

Lǔkù 18:22

Tà Jùsu wɔ̌naa tèǒ ɔ boɔaa, Ɔ je, “Dɛɛ doǒ siǒ sè ɛ ni. Mu, nè konkɔn noǎ wùɛǒ plo li, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

Lǔkù 19:41

Tà Jùsu konwaěaa Jlǔsnɛ diě le Ɔ jěa lɛɛ, è Nɔ̀ǒ fìnʼa ɛɛ tè,

Lǔkù 9:23

È kě Jùsu dɛ̌a uu wùɛǒ je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è ɔ kɔn bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ chnɛ̀ jlǒ waě wùɛ mɔ̀ ɔ miǐ de na.

Jɔ̀ɔ̌n 12:26

Bɛ̌ nu nyu wùɛ bɔ̌ keě konkwa mɔ̀ nii ni, ɔ kɔn bɔ naǎ de ɛ̈ di ɛɛ numa tà Ě neěe ɔ miǎ lě ne. Ně Gbeǐ miǎǒ nyuǒ ɔ̈ nii Mǒo konkwa mɔ̀ tùtuɛ nyema.”

Jɔ̀ɔ̌n 16:33

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:45

U plea uu blǒ klee uu konkɔn noǎ ǔ pleea ii wlěǒ nyopò wùɛ měne wòje dɛǒ uu nyu sòɛaa.

2 Kwnɛtiɛ̌ 12:15

Tèǒ nì kɔn tè Ě mi ně konkɔn noǎ wùɛ ploba klě plɔɔ bloblɛ mǒ keǒ aa kàan dɛɛ tè mɔ̀, jà ně chɛ̀. Bɛ̌ nu bo noɛɛ kɛ a mǒ chɔɔ dɔ̌, è aa mǒ noɛnoɛ a kɔnʼɔ keǒǒ mɔ̀ ɛ mi mǒ chɛɛ̌nma le?

2 Timɛtě 3:12

Nyu wùɛ ɔ̈ sòɛɛ bɔ̈ nenee tè wlò popoɛ kmɔ̌ klě Tentǎn Jǔ Jùsu mǒ, ɔ mi tè mɔ̀ tèteɛ jěba ke.

Hiblǔ 10:34

A mɛ̌aǒ nyopòǒ u poo wùlo mɔ̀, è bɛ̌ nu bǔ kmea aa konkɔn noǎ, a sɛ̀aǒ u wun mɔ̀ aa plɔ blea. Mɛ̌oǒ joo nɛ̀ moo a ji ɛle ɛ̈ moo a kɔn noǎ ï nuu tɛɛ ï sìnʼǒ ii mǒ plě ï kɔn bi nee kmɔ̌ tǐ wùɛ mɔ̀.

Jìmǐse 2:10

Nyu wùɛ ɔ̈ mi ɛɛ mǒ tɛ̀nma keǒ bɔ tùǒo Nyesoaa teteǎ wùɛ bo, kɛɛ ɔ̈ miě ii dɛɛ do snǔ mɔ̀ sàba, è tè jɛɛa nɛ̀ neǒ ɔ kɛn keǒ bɔ sàě ii wùɛǒ snǔ mɔ̀.

Wlɛ̀velesɔ̌n 2:14

Kɛɛ Ě kɔn mòngmɛ noǎa ï moo kɔɔ̌ dɛ keǒ a jleě mǒ. A kɔn nyopòo tìe neě amoo slè ü blěǒo Belìanʼa teea mɔ̀ kwa ɔ̈ teeaa Belɛ̀ ke bɔ nuaa Ǐsòwɛ̌ kwɛɛn nunuɛ u mǐaa kpni kukwǐ nu keǒ bu dia digbaǐà u sàea nǔkpuǐ bɔ̀ je klee bu nea se wòn mɔ̀ɔ wɛ̀ kmɔ̌.

Wlɛ̀velesɔ̌n 2:20

Kɛɛ kɔɔ̌ dɛà nɛ̀ Ě kɔn keǒ a jleě mǒ, a sɔnʼǒ kpnii jǐlenymi nynɔǒ moo Jesèbɛ mɔ̀ mǒ ɔ̈ dɛɛ ɔɔ chɛ̀ Nyesoaa wnɔsàɔ ɔ̌ tee le ɔ̌ gbee Ně na wien po nyebajle klee nynejlu mǒ keǒ bu nu se wòn mɔ̀ɔ wɛ̀ noǎ klee bu di digbaǐà u sàe lee nǔkpuǐ bɔ̀ je.

Wlɛ̀velesɔ̌n 2:4

Kɛɛ kɔɔ̌ dɛ nɛ̀ Ě jěǒ a jleě mǒ, keǒ a nua Mǒo mǒ noɛɛa klekle, a see kɛ̀ Boǒ mǒ noɛɛa nu.