Mǎkè 1:8 - Nyesoaa Kuo Win Jajle

⁸ Ě pe a ně dlǒ, kɛɛ Nɔ̀ miě a Ngmà Je Ne Sùsu ja poba.”

Mǎkè 1:8 Iomraidhean Croise

Matiɔ̌n 3:11

Mǒà mǒ pe a ně dlǒ sosǒ ɛ̈ di ɛɛ numa a mǐ aa wlè bo bitǐ. Kɛɛ ɛ kɔn Chì Kpa Ämo Ɔ̈ neǒ mǒo demǒ Ɔ̈ diěe Ɔ̈ kɔn tè kunʼu chɔɔ ì sìnʼǒ mǒo mǒ. Ě seǒ je blɛɛ lee chɛ̀ bo di Ɔɔ nyɔkòɛbě blě. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Mǎkè 1:7

È Nyesoaa win Jɔ̀ɔ̌n boɛa uu je nìà ɔ je, “Nyu Tɔ̀ɔ Ɔ̈ kɔn tè kunʼu chɔɔ ï sìnʼǒ něe tè mǒ Nɔ̀ neǒǒ demǒ Ɔ̈ diě. Ě seǒ je blɛɛ lee chɛ̀ keǒ boǒ di bo chlì keǒ Ɔ jemǒ boǒ di Ɔɔ nyɔkòɛbě dbǐ kɛne wlà.

Mǎkè 1:9

Tà ɛ peěaa wě gbei kɛn, Jùsu sɔnaě Nǎsòwɛ̌ dǐa mǒ klě Jàlalǐi wakǎ kɛn Ɔ̌ muaě Jɔ̀ɔ̌n mɔ̀, Jɔ̀ɔ̌n poa Ɔ ně dlǒ klě Jɔ̀ɔ̌dɛn mɔ̀.

Lǔkù 3:16

È kě Jɔ̀ɔ̌n dɛ̌a u je ɔ je, “Mǒà Ě pe a ně dlǒ sosǒ, kɛɛ Nyu tɔ̀ɔ neǒǒ demǒ Ɔ̈ diěe Ɔ̈ kɔn tè kmaa chɔɔ ì sìnʼǒ mǒo mǒ, Ě seǒ je blɛɛ lee chɛ̀ boǒ di Ɔɔ nyɔkòɛbě dbǐ kɛne wlà. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Jɔ̀ɔ̌n 1:26

Ɔ tùa u kɛ̀ɛn ɔ je, “Ě pe nyopò ně dlǒ sosǒ, kɛɛ ɛ kɔn Nyuu do Ɔ̈ nyna nɔ amoo slè bo Ɔ̈ kɔn tè a see ji,

Jɔ̀ɔ̌n 1:33

Ě seea Lɔ jboba mu, ɛ̀ sìnʼǒ Nyesoaà dbo mǒo keǒ bo poo nyopò ně dlǒ Nɔ̀ tmɔɔ̌a mǒ ɛ̈ moo, ‘Nyuǒ mìi jěba Ngmà Je Ne Sùsu miě ja tèeba Nɔ̀ moo Nyu Ɔ̈ miěe nyopò Ngmà Je Ne Sùsu ja poba.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:5

Ně dlǒ po Jɔ̀ɔ̌n pea nyopò ně dlǒ, kɛɛ mòngmɛ chnɛ̀ jlǒ wě bǐ sìn, Ně Gbeǐ miě a Ngmà Je Ne Sùsu ja poba.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:45

Jùwɛ nyoo dɛà moo kàan tè po nyo ü nanaa Pitɛ̌ de ü sɔna lěe Japà dǐa mǒ i kɛɛnʼa u le wlò keǒ Nyesoa Bɔ dia Ɔɔ Nyee Dɛ kuodakwɛ̌ nye ke Ɛ̈ moo Ngmà Je Ne Sùsu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:17

‘Klě demǒ bɔɔ̌ chnɛ̀ jlǒ wě wlòmo Ě miǎ Ně Sùsu kɛn bo tɛba Ɛ miǎě tùonyopo wùɛ ja be, è Bɛ̌ beǎě u ja aa jbɛjujlu klee nynejujlu miǎ wan sàba keǒ Ně tè mɔ̀, è aa nyengmè miǎ slèe jěba plě aa nyekpaklě miǎ jajii jaba.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:4

È uu wùɛ nùǒ Ngmà Je Ne Sùsu jǐa je ǔ tùngmaea dɔ̌ɔdɔ̌ win popoɛ ï Ngmà Je Ne Sùsu nua nuu u wɔ̀laěe popoɛ.

1 Kwnɛtiɛ̌ 12:13

Tà ä poaa ně dlǒ, baǎje bò mooa Jùwɛ nyu ɔ̀ɔ̌ kuadakɔ̌ nyu ɔ̀ɔ̌ kèi ɔ̀ɔ̌ bò se kpo bo ne, Ɛmo Sùsuu doǒ Nɛ̀ poǒ äa wùɛ tàa do ä wǒ je fǒo do. È Nyesoa nye äa wùɛ Sùsuu doǒ Bɛ beě ä ja.