Lǔkù 2:10 - Nyesoaa Kuo Win Jajle

¹⁰ Kɛɛ kě najiǒpòiǒ ɔ dɛ̌a u je ɔ je, “A bɔ̌ fano pepeɛ, a po nɔkǔ bo, Ě ja lě kàan tuposà ɛ̈ mii nyopò wùɛɛ plɔ blooba.

Lǔkù 2:10 Iomraidhean Croise

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Matiɔ̌n 14:27

Kɛɛ tǐi doo tǐ jleě kě Jùsu dɛ̌a u je Ɔ je, “A wàen kɛn bo, a bɔ̌ fano pepeɛ, Mǒà!”

Lǔkù 1:30

Kɛɛ kě najiǒpòiǒ ɔ dɛ̌a lɔ je ɔ je, “Mɛwlě, bɔ̌ fano pepeɛ, Nyesoaa plɔ bloo loò kɛn.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:32

Ä tmɛɛ̌ a kàan tuposà ɛ̈ Nyesoa peeaě äa gbeǐpò seela tǐ jleě.

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Lǔkù 8:1

Tà dɛǒ ɛ sìnʼaa, è Jùsu nɛa deě fòfoa klee klìgbe kɛn le Ɔ̌ boɛa Nyesoaa kàan winʼà ï kwɛɛǒo Nyesoaa win kwa konkɔn jleě mǒ bo. È Ɔɔ mɔ̀ cheěn nyoo pù tùo sɔ̌nʼǒ nù klee Ɔ̀ mua

Ifisiɛ̌n 3:8

Kàan tè kě ně tè se kma klě Nyesoaa nyopò wùɛ slè, Ɔ nyeě fɔ̌ keǒ bo tmɔɔ̌ kuodakwɛ̌ wlòlekaen noǎ ï sɔn lěe Tentǎn Jǔ mɔ̀ mǒ

Lǔkù 1:19

È najiǒpòiǒ ɔ̀ tùa ɔ kɛ̀ɛn ɔ je, “Mǒà mǒ moo Keblɛ̀, Ě nynaǒ Nyesoa jemǒ bo Ɔ̌ dbo mǒ keǒ kàan tuposàà bo po ɛɛ̀ je.

Lǔkù 1:13

Kɛɛ kě najiǒpòiǒ ɔ dɛ̌a ɔ je ɔ je, “Sɛkɛwlaeɔ̌, bɔ̌ fano pepeɛ, Nyesoa kme nè bàteaǒ bo je, nè nynɔ Lesebɛ̌ mi jbɛjuju kɔnma, è bò dae ɔɔ nynɛ̌ Jɔ̀ɔ̌n.

Mǎkè 1:15

kě Ɔ dɛ̌a Ɔ je, “Tǐ nyniǒ no, Nyesoa neɔ a slè Ɔ mǐ aa kmɔ̌ neneɛ win kwa kɔn. Tèǒ nì kɔn tè ba bitǐ aa wlè bo klee a po kàan tuposàà ɛɛ tè kàan tè.”

Wlǔmɔ 10:15

Bo Nyesoaa win boɔ nyo bǔ se kɛ dboo lo, è ke u wɔ̀le je bu nuǔ kɛ ɔɔ tuposàǒ kpokpa? Kě Nyesoaa win nu ɛ chlechlě ɛ̈ moo, “Nyopòà kpɛɛ Nyesoaa kàan tuposàà klě nyopò tùu mɔ̀ ɛ moo wlòlekaen dɛ.” (Is 52.7)

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Matiɔ̌n 28:5

È kě najiǒpòiǒ ɔ dɛ̌a nynoǒ je ɔ je, “A bɔ̌ fano pepeɛ. Ě ji ɛle a pɛ̀n le Jùsu Ɔ̈à u kɔlaǒo tu jleě,

Lǔkù 2:11

Kekɛɛà aa Gblàgbla Nyu Ɔ̈ moo Nyesoaa Tentǎn Jǔ Koɔn Ɔ kɔɔn no klě klɔ̀ba Dèběsee dǐa.