Yuda 1:3 - Bulu Ntam Pɔpwɛ mʋ́a Israel Ɩlʋ

³ Apio adwɛpʋ, tɛkɩ nahɩɛ bwɛ agywɩɩn ánɩ́ nɔ́wanlɩn mlɩ ɔwʋlʋ tsu nkpa amʋʋ Bulu lahɔ mɩa mlɩnyɔ amʋ ɩwɩ. Tamɛ ilehian ánɩ́ nɔ́wanlɩn kokoli mlɩ, amlɩprɩ hogyi amʋʋ Bulu lapʋha mʋ aha ɔtsawʋlɛ pɛ amʋ nwun.

Yuda 1:3 Iomraidhean Croise

Gyumagyihɛ 17:3

Ɔlɛlɛ Bulu asʋn amʋtɔ suna amʋ́, dɩnka ibwi mʋ́sʋ ɔbɛɛ, “Ilehian ánɩ́ Kristo, (ɔha amʋʋ Bulu lada mʋ ofuli amʋ), obówun ɩwɩɔsɩn wu, lakʋsʋ tsu afulitɔ.” Ɔlɔyɔ mʋ asʋn amʋsʋ ɔbɛɛ, “Yesu anfɩ ndɛ mʋ ɩwɩ asʋn blɩ anfɩ gyi Kristo amʋ nɩ.”

Gyumagyihɛ 18:28

Mʋa Yudafɔ amʋ begyi Bulu asʋn wanlɩnhɛ amʋ ɩwɩ nwɛn, ɔlɔtɔɩ lɛ asʋntɔ tumisʋ pʋgyi amʋ́sʋ. Ɔlɔpʋ Bulu asʋn wanlɩnhɛ amʋ suna amʋ́á Yesu gyi Kristo, (ɔha amʋʋ Bulu lada mʋ ofuli amʋ).

Gyumagyihɛ 20:27

Tsufɛ nabla mlɩ togyitɔá Bulu dekle ɔbɛɛ, mlɩbɩ.

Gyumagyihɛ 28:28

Paulo lɔmɔ mʋ asʋn ɔnɔ ɔbɛɛ, “Mʋ́ sʋ ndekleá mlɩbɩ ánɩ́ Bulu nkpahɔ asʋn amʋ lawie aha ánɩ́ bʋmegyi Yudafɔ ɛ wa dodo. Amʋ́ mʋ́ bɔ́hɔ asʋn amʋ.”

Gyumagyihɛ 4:12

Yesu anfɩ nkʋlɛ pɛ gyi ɔha ánɩ́ Bulu lɔpʋha anɩ ɔyɩ anfɩtɔ ɔbɛɛ, atsʋn mʋsʋ nya nkpa. Ɔhaa tra ɔma ɩnʋá ɔdʋn mʋ.”

Gyumagyihɛ 6:7

Ɩnɩ sʋ Bulu asʋn amʋ lɛklɛɩ, akasɩpʋ amʋ bomoni Yerusalem. Bulu igyi ahapʋ amʋ o tsɔtsɔɔtsɔ bɔhɔ Yesu asʋn amʋ.

Gyumagyihɛ 9:13

Mʋʋ Anania lɛbla anɩ Wie ɔbɛɛ, “Mɩ Wie, nanu oyin anfɩ ɩwɩ asʋn. Alɩá ɔdɛpʋ lalahɛ gyi fʋ aha ánɩ́ bʋbʋ Yerusalem.

Gyumagyihɛ 9:22

Tamɛ Saul lɛlanya tumi blɩ asʋn amʋ ɔwʋnlɩnsʋ ɔbɛɛ, lɛlɛ Yesu gyi Kristo, (ɔha amʋʋ Bulu lada mʋ ofuli amʋ). Alɩá ɔlɛhɩɛ lɛ asʋn amʋtɔ lɛha Yudafɔá bʋbʋ Damasko ɩnʋ bɔbwɛ basaa. Bʋmowun mʋ́á bótsu.

1 Korintofɔ 15:3

Tsufɛ asʋn ánɩ́ ɩhɩɛ dehian bɔpʋha mɩ nɔpʋba mlɩ igyi. Mʋ́gyi, Kristo lobowu anɩ lakpan sʋ, fɛ alɩá Bulu asʋn wanlɩnhɛ amʋ lɛblɩ.

Galatiafɔ 2:5

Tamɛ anɩmesi ɩwɩ ha amʋ́ kpalobi kʋraa, mɛnɩ ɔnɔkwalɩá ɩbʋ asʋn wanklaan amʋtɔ ɩmɛ́ɛtsɛ ha mlɩ.

Galatiafɔ 3:28

Mʋ́ sʋ Yudayin ntɛ Grikiyin tra ɔma ɩnʋ. Ɔkpábi ntɛ ɔdɩhɩɛ, ɔtsɩ ntɛ oyin tra ɔma ɩnʋ. Tsufɛ mlɩ fɛ́ɛ́ mlɩlabwɛ kʋlɛ mlɩa Kristo Yesunyɔ ɩkʋlɛbwɛtɔ.

Galatiafɔ 6:11

Mlɩkɩ atɔ wanlɩnhɛ akpɔnkpɔntɩá napʋ mɩ onuto ɩbɩ wanlɩn sɩsɩ mlɩ!

Efesofɔ 1:1

Mɩ Pauloá Bulu apɛ sʋ nabwɛ Kristo Yesu sumbi ɔyɔpʋ, dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩlahɔ Kristo Yesu gyi, mlɩa mʋnyɔ mlɩlabwɛ kʋlɛ, mlɩbʋ Efeso wulutɔ. Ndɛ mlɩ itsia ha.

Filipifɔ 1:1

Mɩ Paulo pʋ́ anɩ pio Timoteoá anɩgyi Kristo Yesu asumpʋ dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩbʋ Filipi wulutɔ, mlɩa Yesu Kristo mlɩlabwɛ kʋlɛ. Mlɩa mlɩ ɔpasua ahandɛ pʋ́ amʋ́ abʋapʋ fɛ́ɛ́ anɩdɛ mʋ́ wanlɩn sɩsɩ.

Filipifɔ 1:27

Tɔá idehian sei gyi, mlɩha mlɩ tsiatɔ ɩkana Kristo asʋn wanklaan amʋ. Mʋmʋ nɩ nɛba mlɩ wa o, mmɛba o, nónuá mlɩlɩɩ kinkiinkin ɩkʋlɛbwɛtɔ; mlɩdɛ hogyi amʋʋ ɩbʋ asʋn wanklaan amʋtɔ amʋ ɛ nwun prɩ.

1 Tesalonikafɔ 2:2

Mlɩyin alɩá bɔwa anɩ amʋmʋyɔ, sʋpa anɩ Filipi wulutɔ asa anɩlɛba mlɩ wa. Mlɩyin ánɩ́ akʋ bʋmotsula, bɛhɩɛ kʋsʋ lɩɩ anɩsʋ; tamɛ anɩ Bulu lɔwa anɩ ɔwʋnlɩn, anɩlɛbla mlɩ asʋn wanklaan amʋ.

1 Timoteo 1:18

Mɩ bi Timoteo, atɔ amʋʋ Bulu lɛlɛ suna tsu fʋ ɩwɩ amʋ sʋ ndɛ mbla anfɩ wa ha fʋ. Pʋ asʋn anfɩ yɔ agyʋma, afʋpʋkɔ atosunahɛ wanklaan amʋ nwunsʋ.

1 Timoteo 6:12

Kɔ hogyi ɩkɔ wanklaan amʋ. Fʋ ɩbɩ bɛ́da nkpa amʋʋ ɩtamata, Bulu obékie anɩ mʋ́ ɔma amʋ. Nkpa anfɩ sʋ Bulu lɛtɩ fʋ nɩ. Mʋ́ sʋ fobwii ɔnɔ aha tsɔtsɔɔtsɔ ansɩtɔ, gyi fʋ hogyi ɩwɩ adansɩɛ nɩ.

2 Timoteo 1:13

Kɩta ɔnɔkwalɩ asʋn amʋʋ nosuna fʋ amʋtɔ. Yɔ mʋ́sʋ afʋhɔ Kristo gyi tsɩa. Dwɛ fʋ aba, tsufɛ fʋa Kristo Yesunyɔ mlɩlabwɛ kʋlɛ.

Tito 1:4

Ndɛ ɔwʋlʋ anfɩ wanlɩn sɩsɩ fʋ Tito, ánɩ́ fʋgyi mɩ bi onuto Kristo hogyi amʋtɔ. Anɩ Sɩ Bulu mʋa anɩ Ɔhɔpʋ Kristo Yesu bʋgyi fʋ bʋalɛ, abʋha fʋ iwilwii!

Hebrifɔ 13:22

Mɩ apio, ɩbʋ mʋ́tɔá ɔwʋlʋ kutuklu nawanlɩn sɩsɩ mlɩ. Tamɛ nobwii ɩpa, mlɩyaa asʋ amlɩnu mʋ́tɔ asʋn ánɩ́ ndɛpʋwa mlɩ ɔwʋnlɩn.

Hebrifɔ 6:9

Tamɛ apio adwɛpʋ, nɩ ndɛ ɩnɩ blɩ o a, opuni mɛdɛ mɩ tsii. Tsufɛ nyin ánɩ́ mlɩdɛ atɔ wanklaan bwɛ, idesuna ánɩ́ Bulu lahɔ mlɩ nkpa.

1 Petro 5:12

Silwano lɛtsa mɩ nɔwanlɩn ɔwʋlʋ kutuklu anfɩ sɩsɩ mlɩ. Nyin ánɩ́ opio Okristoyin ogyi, ɔbʋ ɔnɔkwalɩ. Ndekleá nɔ́wa mlɩ ɔwʋnlɩn, mɩ angyi adansɩɛ suna mlɩá asʋn anfɩ nabla mlɩ ɔwʋlʋ anfɩtɔ fɛ́ɛ́ idesuna ánɩ́ ɩnɩgyi Bulu awɩtɔlɛ onutonuto amʋ nɩ. Mlɩkɩta mʋ́tɔ kinkiinkin.

2 Petro 1:1

Mɩ Yesu Kristo osumbi pʋ́ mʋ sumbi ɔyɔpʋ Simon Petro dɛ ɔwʋlʋ anfɩ wanlɩn. Ndɛ mʋ́ wanlɩn sɩsɩ mlɩ fɛ́ɛ́á mlɩlanya hogyiá ɩbʋ labi fɛ anɩ klɛ, Bulu mʋa anɩ Ɔlɛpʋ Yesu Kristo yilebwɛ laha anɩlanya amʋ.

2 Petro 2:21

Nɩ bʋmetepi wun ɔkpa wanklaan amʋ kʋraa a, tɛkɩ ɩbʋ alɛ ha amʋ́ dʋn ánɩ́ bówun mʋ́ yinki ɔma, si mbla wankɩhɛ amʋʋ bɔpʋha amʋ́ amʋsʋ gyi.

Yuda 1:1

Mɩ Yesu Kristo osumbi Yuda, Yakobo mʋ pio dɛ ɔwʋlʋ anfɩ wanlɩn sɩsɩ aha ánɩ́ anɩ Sɩ Bulu lɛtɩ, ɔtɔdwɛ amʋ́, Yesu Kristo dɛ amʋ́sʋ kɩ.

Yuda 1:17

Tamɛ apio adwɛpʋ, mlɩkaɩn asʋn ánɩ́ anɩ Wie Yesu Kristo sumbi ayɔpʋ amʋ bɛbla mlɩsʋ.

Yuda 1:20

Tamɛ apio adwɛpʋ, mlɩ mʋ́ a, mlɩpwɛ mlɩ tsiatɔ dɩnka mlɩ hogyi wankɩhɛ amʋsʋ. Mlɩbɔ mpaɩ Ɔŋɛ Wankɩhɛ amʋ tumitɔ.

Atɔ Lɛsunahɛ 12:11

Bapʋ Okufabi amʋ obugya pʋ́ mʋ ɩwɩ adansɩɛ amʋʋ begyi amʋ gyi mʋsʋ. Bʋmɔdwɛ amʋ́ ɩwɩ dʋbɩdʋbɩ, sʋ bʋmenya amʋ́ lowu kʋraa ifu.

Atɔ Lɛsunahɛ 2:10

Máha ipian ánɩ́ ɩbɛ́ba fʋsʋ ɩwa fʋ ifu. Ndɛ fʋ bla, Ɔbʋnsam ɔbɛ́ha bɛ́kɩta mlɩtɔ akʋ tswɩ obu. Ɔbɔ́sɔ mlɩ kɩ. Bɛ́dɩnka fʋsʋ nkɛ du. Nɩ lowutɔ igyi o a, fʋ mʋ́ wa ɔnɔkwalɩ. Nɛ́ha fʋ ɩsʋgyi-ɩpa, igyi nkpa ánɩ́ ɩtamata.