Atɔ Lɛsunahɛ 9:4 - Bulu Ntam Pɔpwɛ mʋ́a Israel Ɩlʋ

⁴ Bɛbla atsantsankʋ amʋ bɛɛ, bʋmápʋ ɔnɔ da ɩfa ntɛ nyi kʋkʋ, dʋn aha amʋʋ Bulu nsʋhɩɛtɔ mɛdɩn amʋ́ ɔsʋkpɩ amʋ.

Atɔ Lɛsunahɛ 9:4 Iomraidhean Croise

Israelfɔ Ɩlʋ 76:10

Lɛlɛ, nyankpʋsa ɔblɔ tɔwa fʋ numnyam, fʋtɔpʋ ɔblɔ amʋ trahɛ dɩda.

Mateo 24:24

Tsufɛ aha ánɩ́ bɛɛ amʋ́gyi Kristo amʋ pʋ́ aha ánɩ́ bɔ́wa afunu bɛɛ, Bulu ɔnɔsʋ atɔɩpʋ bʋgyi tsɔtsɔɔtsɔ bɛ́ba ɔyɩtɔ. Bɔ́bwɛ ofula pʋ́ osuna akpɔnkpɔntɩ pʋmlɛ aha. Nɩ bɛ́talɩ kʋraa a, bɛ́mlɛ aha amʋʋ Bulu lalɛ amʋ ɛ.

Efesofɔ 4:30

Mlɩmábwɛ tɔá ɩbɛ́han Ɔŋɛ Wankɩhɛ amʋ. Tsufɛ mʋ́ Bulu lɔpʋhɩɛ mlɩ nsʋ, pʋsuna ánɩ́ mʋbʋ mlɩ, mɔ́hɔ mlɩ nkpa ɛkɛ amʋ nɩ.

Atɔ Lɛsunahɛ 14:1

Ɩnʋ nɛlawun Okufabi amʋ lɩɩ Sionbʋsʋ. Aha mpɩm lafakʋlɛ adʋana-na (144,000) bʋlɩɩ mʋ wa. Okufabi amʋ mʋa mʋ Sɩ ɩda dɩn amʋ́ ɔsʋkpɩ.

Atɔ Lɛsunahɛ 6:6

Ɩnʋ nonu ɔmɛ kʋ lɛdalɩ tsu mbwɩ amʋʋ bʋtsie nkpa ana amʋtɔ ɔbɛɛ, “Ayo olonka kʋlɛ ntɛ ɩmɔ olonka asa ɩbɔ́bwɛ ɛkɛwʋlɛ ɩkɔka. Tamɛ máyinta nfɔ mʋ́a waɩn-nyi mʋ́.”

Atɔ Lɛsunahɛ 7:1

Ɩnɩ ɔma a, nowun Bulu-abɔpʋ ana, bʋlɩɩ ɔyɩ afʋnka ana amʋ fɛ́ɛ́sʋ. Bʋdɛ afu afʋnka ana amʋtɔ kinkiinkin, mɛnɩ ɩmɛ́ɛtra tsʋn ɔsʋlʋsʋ, ɔpʋsʋ ntɛ oyi kʋkʋ.

Atɔ Lɛsunahɛ 8:7

Bulu-ɔbɔpʋ gyankpapʋ lɔfʋlɩ mʋ ɔkpɛ. Mʋʋ botsu atsufolibi mʋ́a ogya ánɩ́ obugya lɛfra mʋ́, tswɩ mʋ́ wʋlɩ ɔsʋlʋsʋ. Nɩ beye ɔsʋlʋtɔ asa a, mʋ́tɔ iku-kʋlɛ mʋ́a mʋ́sʋ nyi pʋ́ mʋ́sʋ ɩfa fɛ́ɛ́ lɔhɔ plɩplɩplɩplɩ.