Atɔ Lɛsunahɛ 7:9 - Bulu Ntam Pɔpwɛ mʋ́a Israel Ɩlʋ

⁹ Ɩnɩ ɔma a, nowun ɔdɔm kʋá ɔhaa mɛ́ɛtalɩ kla amʋ́. Botsu ɔmágyiɔmá, abusuangyiabusuan, ɔsʋlʋsʋ aha ɔtsan-ɔtsan pʋ́ ɔblɩgyiɔblɩtɔ. Bʋlɩɩ owie obia amʋ pʋ́ Okufabi amʋ ansɩtɔ. Bɔwa liga fututuutu, bʋdɛ mbla.

Atɔ Lɛsunahɛ 7:9 Iomraidhean Croise

Israelfɔ Ɩlʋ 2:8

Kʋlɩ mɩ, nɔ́pʋ ɔsʋlʋsʋ ɔmá fɛ́ɛ́ ha fʋ; fégyi mʋ́sʋ yeyi ɔyɩ ɔka.

Israelfɔ Ɩlʋ 22:27

Nana Bulu, ɔyɩtɔ aha fɛ́ɛ́ bɛ́kaɩn fʋsʋ, damli kɩ fʋ. Abusuangyiabusuan bósum fʋ.

Israelfɔ Ɩlʋ 76:4

Oo Bulu, fɛhɩɛ wankɩ. Fʋbʋ numnyam dʋn ɩbʋá mbwɩ bʋbʋ mʋsʋ bregyibrɛ.

Israelfɔ Ɩlʋ 77:2

Ntodunka mɩ Wie mɩ ɔkplankɛ. Ntotsu ɩbɩ fʋa onye fɛ́ɛ́, ndɛ mpaɩ bɔ ha mʋ, tamɛ ɩklʋn mɛdɩ mɩ ɩwɩtɔ.

Israelfɔ Ɩlʋ 98:3

Ɔmɛtan mʋ ɔdwɛá ɩma ɔka pʋ́ ɔnɔkwalɩá ɔbʋ ha Israel woyisʋ. Aha bawun anɩ Bulu ɩsʋgyi yewie ɔyɩ ɔka.

Luka 12:1

Igyi alɩ, brɛá aha mpɩm-mpɩm bɛba befia ɩnʋ, bʋdɛ aba ayabiasɩ tsatsa a, Yesu legyankpa da mʋ akasɩpʋ amʋ ɔla ɔbɛɛ, “Mlɩkɩ wanklaan Farisifɔ bodobodotu-afasʋ, tsufɛ apinabwɛbi abwɛpʋ bʋgyi.

Luka 21:36

Ɩnɩ sʋ mlɩgyo, amlɩbɔ mpaɩ, mɛnɩ mlénya ɔwʋnlɩn talɩ tsʋn ofula amʋ fɛ́ɛ́tɔ bɛlɩɩ mɩ, Nyankpʋsa-Mʋ-Bi anfɩ ansɩtɔ.”

Yohane 12:13

Mʋ́ sʋ bɛka mbla, bɔpʋ ɔkpa beyefia mʋ. Bʋdɛ okitikiti bɛɛ, “Hosiana! Bulu oyula ɔha anfɩ ɔna anɩ Wie Bulu ɩdatɔ ɔba anfɩ! Bulu oyula Israel Owie amʋ!”

Romafɔ 11:25

Mɩ apio, asʋn ŋainhɛ kʋ bʋ ɩnʋá ndekleá mlɩbɩ, mɛnɩ mlɩmɛ́ɛkɩ mlɩ ɩwɩá mlɩlɛtɩn ansɩ dʋbɩ. Asʋn amʋ gyi, Yudafɔ amʋ akʋ bʋbʋ asʋtɔ-ɔnlɩn. Bɔ́wa asʋtɔ-ɔnlɩn alɩɩ bɔfʋn brɛá Bulu laha aha ánɩ́ bʋmegyi Yudafɔ fɛ́ɛ́ baba mʋ wa.

Efesofɔ 6:13

Mʋ́ sʋ mlɩdɩda Bulu akɔtɔ amʋ fɛ́ɛ́, mɛnɩ ɛkɛá lalahɛ kʋ ifwie mlɩtɔ a, mlɩmɛ́ɛsrɩ, mlɛ́talɩ lɩɩ mʋ́ ɔnɔ, tra nya ɔŋɛ wa ɔwʋnlɩn lɩɩ kinkiinkin.

Hebrifɔ 11:12

Ɩnɩ sʋ ɔmá kɛɩn ánɩ́ bʋma ɩklatɔ, bʋtsɔ fɛ ntsrakpabi ntɛ ɔpʋ ɔnɔ ɩsɩ bɛlɩn tsu Abraham ánɩ́ aladan tsʋn ɩkwɩɩsʋtɔ.

Hebrifɔ 12:22

Mlɩ mʋ́ a, Sionbʋ asɩ mlɩlaba. Bulu Ɔkɩankpapʋ amʋ wulu yile, igyi ɔsʋsʋ Yerusalem pʋ́ Bulu-abɔpʋ mpɩm-mpɩm ansɩ ogyikpa mlɩlaba.

Atɔ Lɛsunahɛ 11:15

Mʋʋ Bulu-ɔbɔpʋ osienɔsɩ lɔfʋlɩ mʋ ɔkpɛ. Ɩnʋ ɔmɛ akpɔnkpɔntɩ lɛlɩn tsu ɔsʋsʋ bɛɛ, “Sei a, ɔyɩtɔ iwiegyi lamli anɩ Wie Bulu mʋa Kristo, (ɔha amʋʋ Bulu lada mʋ ofuli amʋ) klɛ. Obégyi iwie brɛ fɛ́ɛ́!”

Atɔ Lɛsunahɛ 22:3

Togyitɔá Bulu lalwɩɩ mʋ́ méetsia wulu amʋtɔ. Mboun Bulu mʋa Okufabi amʋ owie obia obétsia ɩnʋ, mʋ asumpʋ bósum mʋ.

Atɔ Lɛsunahɛ 3:18

Mʋ́ sʋ ndɛtɔɩ kpla fʋ mbɛɛ, pʋ kɔba bɔhɔ sika pɛpɛá bafwɩ mʋ́ ogyatɔ mɩ wa. Mʋ́ ɔbɛ́ha fénya atɔ onutonuto nɩ. Ntra ndɛ fʋ bla mbɛɛ, fʋbɔhɔ atadɩɛ fututu, afʋpʋtin fʋ pɛlɩ mʋ́a fʋ yaya amʋ. Bɔhɔ afa da fʋ ansibisʋ, mɛnɩ fówun atɔ.

Atɔ Lɛsunahɛ 4:4

Owie-mbia adʋanyɔ-na itsie bomli owie obia amʋ. Ahandɛ adʋanyɔ-na bɔwa atadɩɛ fututu bʋtsie mbia amʋsʋ, bʋbun sika pɛpɛ ɩpa.

Atɔ Lɛsunahɛ 5:11

Nɛlakɩ, nonu Bulu-abɔpʋ tsɔtsɔɔtsɔ ɔmɛ. Bʋhɩɛ bʋtsɔá bʋma ɩklatɔ. Bobomli owie obia amʋ mʋ́a akɩankpapʋ amʋ pʋ́ ahandɛ adʋanyɔ-na amʋ.

Atɔ Lɛsunahɛ 5:9

Akɩankpapʋ ana amʋ pʋ́ ahandɛ adʋanyɔ-na amʋ bʋdɛ ɩlʋ pɔpwɛ wa bɛɛ, “Fʋlɔfʋn ánɩ́ fótsu ɔwʋlʋ amʋ, maɩn atɔ asienɔ amʋʋ bɔpʋtan mʋ́ ɔnɔ amʋ. Tsufɛ bɔpʋ fʋ ha igyi, fɔpʋ fʋ obugya hɔ aha ha Bulu. Fɔhɔ aha abusuangyiabusuan, ɔblɩgyiɔblɩ, ɔmágyiɔmá pʋ́ ɔsʋlʋsʋ aha ɔtsan-ɔtsan fɛ́ɛ́tɔ.

Atɔ Lɛsunahɛ 6:11

Mʋ́ ɔma a, bɛha amʋ́ fɛ́ɛ́ liga fututu, bɛbla amʋ́ bɛɛ, bʋtra tsia kpalobi. Bʋtsia yɔfʋn brɛá bamɔ amʋ́ aba asumpʋ ahogyipʋ amʋ ɛ, amʋ́ ɔdʋdʋɔ lafʋn asa.