Atɔ Lɛsunahɛ 7:4 - Bulu Ntam Pɔpwɛ mʋ́a Israel Ɩlʋ

⁴ Ɩnʋ bɛkla aha amʋʋ bapʋ Bulu atɔ hɩɛ amʋ́ nsʋ amʋ fɛ́ɛ́. Amʋ́ ɔdʋdʋɔ bʋgyi aha mpɩm lafakʋlɛ adʋana-na (144,000). Amʋ́ fɛ́ɛ́ botsu Israel abusuan duanyɔ amʋtɔ.

Atɔ Lɛsunahɛ 7:4 Iomraidhean Croise

Mateo 19:28

Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Brɛá Bulu ɔbwɛ ɔyɩ pɔpwɛ amʋ, mɩ, Nyankpʋsa-Mʋ-Bi anfɩ netsia mɩ numnyam owie obia amʋsʋ a, mlɩ aha anfɩ mlɩbuo mɩ anfɩ ɛ mlétsia awie mbia duanyɔsʋ, gyi Israel abusuan duanyɔ amʋ asʋn.

Luka 14:22

Ɩmɔwa ɔpá osumpʋ amʋ lɛba bɛbla mʋ ɔbɛɛ, ‘Mɩ wie, nayɔ sumbi amʋ, tamɛ otsiakpa ɩtra da.>

Luka 22:30

Mɛnɩ mlétsia mɩ ɔpʋnʋasɩ, gyi atɔ, nun nta mɩ iwie ogyikpa ɩnʋ. Mlétsia awie mbiasʋ, gyi Israel abusuan duanyɔ amʋ asʋn.”

Gyumagyihɛ 26:7

Anɩ abusuan duanyɔ amʋ fɛ́ɛ́ bɔpʋ ansɩ dɩnka ntam anfɩsʋá ɩbɛ́ba mʋ́tɔ ha amʋ́. Mʋ́ sʋ bʋdɛ Bulu sum ekekegyiɛkɛ nɩ. Nanain, ntam anfɩ sʋ Yudafɔ bʋdɛ asʋn kla dɩnka mɩsʋ nɩ.

Romafɔ 9:27

Bulu ɔnɔsʋ ɔtɔɩpʋ Yesaia lɔkplʋn bla Israelfɔ ɔbɛɛ, “Nɩ Israelfɔ bɛklɛɩ fɛ ɔpʋ ɔnɔ ɩsɩ kʋraa a, amʋ́tɔ aha kpalobi pɛ nɔ́hɔ nkpa.

Yakobo 1:1

Mɩ Yakoboá ngyi Bulu mʋa anɩ Wie Yesu Kristo osumbi dɛ ɔwʋlʋ anfɩ wanlɩn sɩsɩ mlɩ Bulu aha ánɩ́ mlɩladasaɩn wa ɔyɩtɔ fɛ́ɛ́. Ndɛ mlɩ itsia ha.

Atɔ Lɛsunahɛ 14:1

Ɩnʋ nɛlawun Okufabi amʋ lɩɩ Sionbʋsʋ. Aha mpɩm lafakʋlɛ adʋana-na (144,000) bʋlɩɩ mʋ wa. Okufabi amʋ mʋa mʋ Sɩ ɩda dɩn amʋ́ ɔsʋkpɩ.

Atɔ Lɛsunahɛ 14:3

Bʋdɛ ɩlʋ pɔpwɛ kʋ wa owie obia amʋ, akɩankpapʋ ana amʋ pʋ́ ahandɛ adʋanyɔ-na amʋ ansɩtɔ. Ɔhaa má ɩnʋá ɔbɛ́talɩ suan ɩlʋ amʋ ɔsʋlʋ anfɩsʋ, nkɛtɩ aha mpɩm lafakʋlɛ adʋana-na (144,000) amʋʋ Bulu lahɔ amʋ́ nkpa tsu ɔsʋlʋsʋ amʋ nkʋlɛ pɛ.

Atɔ Lɛsunahɛ 7:5

Bɛhɩɛ aha mpɩm duanyɔ (12,000) nsʋ abusuan amʋ kugyikʋtɔ. Abusuan amʋ ada gyi, Yuda, Ruben, Gad, Asa, Naftali, Manase, Simeon, Lewi, Isakɩar, Sebulon, Yosef pʋ́ Benyamin.

Atɔ Lɛsunahɛ 9:16

Bɛbla mɩá ɩsa akɔpʋ amʋ ɔdʋdʋɔ bɔ́bwɛ blɩba lafanyɔ (200,000,000), bʋdɩn mpɔnkɔsʋ.