Atɔ Lɛsunahɛ 7:2 - Bulu Ntam Pɔpwɛ mʋ́a Israel Ɩlʋ

² Ɩnʋ nowun ánɩ́ Bulu-ɔbɔpʋ bamba dɛdalɩ tsu owi ɔdalɩkpa. Ɔdɛ Bulu Ɔkɩankpapʋ atɔá ɔtɔpʋhɩɛ mʋ aha nsʋ. Mʋʋ ɔlɔsʋra okitikiti kʋklʋkʋʋ kpoli abɔpʋ ana amʋʋ Bulu lɛha amʋ́ tumi ɔbɛɛ, bʋbeyinta ɔsʋlʋ mʋ́a ɔpʋ amʋ.

Atɔ Lɛsunahɛ 7:2 Iomraidhean Croise

Mateo 16:16

Simon Petro lɛlɛ mʋ́ ɔnɔ ɔbɛɛ, “Fʋgyi Kristo, (ɔha amʋʋ Bulu lada mʋ ofuli amʋ) nɩ. Bulu Ɔkɩankpapʋ amʋ mʋ Bi.”

Mateo 26:63

Tamɛ Yesu mobwii ɔnɔ. Bulu igyi ɔhapʋ dɛhɛn amʋ lɛla bla Yesu ɔbɛɛ, “Nɛka Bulu Ɔkɩankpapʋ amʋ, nɩ fʋgyi Kristo, (ɔha amʋʋ Bulu lada mʋ ofuli), ogyi Bulu mʋ Bi amʋ a, bla anɩ.”

Yohane 6:27

Mlɩmáwun ipian atogyihɛá iteyinta sʋ. Mboun mlɩwun ipian mʋ́á ibétsia yɔ, ɩbɛ́ha nkpa ánɩ́ ɩtamata, ánɩ́ mɩ, Nyankpʋsa-Mʋ-Bi anfɩ nɛ́ha mlɩ sʋ. Tsufɛ mɩ, mɩ Sɩ Bulu lahɩɛ nsʋ ánɩ́ mbʋ ɔkpa ha mʋ́.”

2 Korintofɔ 1:22

Mʋ kɛn lɔpʋ Ɔŋɛ Wankɩhɛ amʋ wa anɩ klʋntɔ, pʋhɩɛ anɩ nsʋ; isuna ánɩ́ mʋbʋ anɩ. Ɔbɔ́bwɛ tɔá ɔlɛhɩɛ ha anɩ.

Efesofɔ 1:13

Alɩ ilegyi ha mlɩ ɛ nɩ. Brɛ amʋʋ mlɩlonu ɔnɔkwalɩ asʋn, igyi asʋn wanklaan amʋʋ ɩlɔhɔ mlɩ nkpa amʋ, hɔ mʋ́sʋ gyi ɔpá mlɩa Kristonyɔ mlɩlɔbwɛ kʋlɛ. Bulu lɔpʋ mʋ Ɔŋɛ Wankɩhɛ amʋ hɩɛ mlɩ nsʋ, pʋsuna ánɩ́ mʋbʋ mlɩ, fɛ alɩ amʋʋ ɔlɛhɩɛ yaɩ ɔbɛɛ, mɔ́bwɛ amʋ.

Efesofɔ 4:30

Mlɩmábwɛ tɔá ɩbɛ́han Ɔŋɛ Wankɩhɛ amʋ. Tsufɛ mʋ́ Bulu lɔpʋhɩɛ mlɩ nsʋ, pʋsuna ánɩ́ mʋbʋ mlɩ, mɔ́hɔ mlɩ nkpa ɛkɛ amʋ nɩ.

1 Tesalonikafɔ 1:9

Tsufɛ amʋ́ onuto bʋdɛ alɩá mlɩlɔpʋkɩta anɩ brɛá anɩlɛba mlɩ wa blɩ. Alɩá mlɩlesi ɩkpɩ sum ba mlɩdɛ Bulu Ɔkɩankpapʋ Ɔnɔkwalɩpʋ amʋ mboun sum.

2 Timoteo 2:19

Tamɛ ntswɩasɩ amʋʋ Bulu lɔwa ha hogyi amʋ ɩlɩɩ kinkiinkin. Asʋn ánɩ́ bɔwanlɩn dɩnka ntswɩasɩ amʋsʋ gyi, “Anɩ Wie yin aha ánɩ́ bʋgyi mʋ klɛ.” Nyɔsɩ ɛ gyi, “Ɔhagyiɔha ánɩ́ ɔtɛtɩ mʋ ɩwɩ ɔbɛɛ Okristoyin a, osi lalahɛ bwɛ.”

Hebrifɔ 12:22

Mlɩ mʋ́ a, Sionbʋ asɩ mlɩlaba. Bulu Ɔkɩankpapʋ amʋ wulu yile, igyi ɔsʋsʋ Yerusalem pʋ́ Bulu-abɔpʋ mpɩm-mpɩm ansɩ ogyikpa mlɩlaba.

Atɔ Lɛsunahɛ 1:3

Bulu obóyula ɔha ánɩ́ ɔtɛkla mʋ ɔnɔsʋ ɔtɔɩpʋ asʋn wanlɩnhɛ anfɩ suna Kristo ɔpasua amʋ. Obóyula aha ánɩ́ bʋtonu asʋn amʋ, gyi dɩnka mʋ́sʋ ɛ, tsufɛ mʋ́ fɛ́ɛ́ babɩ lafʋn ta.

Atɔ Lɛsunahɛ 10:1

Ɩnʋ nɛlawun Bulu-ɔbɔpʋ ɔwʋnlɩnpʋ bamba ɔkʋá otsu ɔsʋsʋ. Agyinde lobomli mʋ, nyankpʋtaa ɩlan mʋ awunsʋ. Mʋ ansɩtɔ lɔwankɩ fɛ owi, mʋ ayabi igyi fɛ ɔsɔtɩá ogya bʋ mʋ́tɔ.

Atɔ Lɛsunahɛ 10:4

Brɛá ɔprada asienɔ amʋ lɔpʋtɩ, mbɛɛ anwanlɩn asʋn amʋʋ ɩlɛblɩ amʋ a, nonu ɔmɛ bamba tsu ɔsʋsʋ. Ɔmɛ amʋ dɛblɩ ɔbɛɛ, “Máwanlɩn asʋn amʋʋ ɔprada asienɔ amʋ ɩlablɩ amʋ. Pʋwa fʋ kpawunutɔ.”

Atɔ Lɛsunahɛ 16:12

Osiesɩ lɛtsɛɩ mʋ klɛ wa ntsu yile Efratetɔ. Ntsu amʋ fɛ́ɛ́ lɛkpɩ lɛ mʋ́ ɔbʋntɔ. Ɩnɩ lɛla ɔkpa ha awieá botsu owi ɔdalɩkpa pʋ́ amʋ́ ɩsa akɔpʋ bɛtalɩ tsʋn ba ɩnʋ.

Atɔ Lɛsunahɛ 5:2

Ɩnʋ nowun Bulu-ɔbɔpʋ otumipʋ ɔkʋá ɔdɛkplʋn fɩtɛ ɔbɛɛ, “Ma lɔfʋn ánɩ́ ɔbɛ́maɩn atɔ asienɔ anfɩ, tii ɔwʋlʋ amʋ ɔnɔ?”

Atɔ Lɛsunahɛ 8:3

Bulu-ɔbɔpʋ bamba lɛba bɛlɩɩ afɔdɩɛ-ɔswɩ amʋ ansɩtɔ. Ɔdɛ sika pɛpɛ blanwebiá bʋtɔwa ɔhɩɛn ogya mʋ́tɔ. Bɛha mʋ ɔhɩɛn tsɔtsɔɔtsɔ, ɔlɔpʋtsɩa Bulu aha mpaɩtɔ, pʋyɛdɩnka sika pɛpɛ afɔdɩɛ-ɔswɩ amʋʋ iyi owie obia amʋ ansɩtɔ amʋsʋ.

Atɔ Lɛsunahɛ 9:14

Ɩdɛ ɔbɔpʋ amʋʋ ɔlɔfʋlɩ ɔkpɛ amʋ bla ɔbɛɛ, “Sankɩ abɔpʋ ana amʋʋ bɛklɩ manta ntsu yile Efrate ɔnɔ amʋ.”

Atɔ Lɛsunahɛ 9:4

Bɛbla atsantsankʋ amʋ bɛɛ, bʋmápʋ ɔnɔ da ɩfa ntɛ nyi kʋkʋ, dʋn aha amʋʋ Bulu nsʋhɩɛtɔ mɛdɩn amʋ́ ɔsʋkpɩ amʋ.