Atɔ Lɛsunahɛ 6:2 - Bulu Ntam Pɔpwɛ mʋ́a Israel Ɩlʋ

² Nɛkɩ a, ɔpɔnkɔ fututu ɔkʋ nɩ. Mʋsʋ odɩnkapʋ amʋ dɛ ɩta, bobun mʋ owiepa. Ɔlɔpʋ ɔpɔnkɔ amʋ kplɩ ba ɔsʋlʋsʋ fɛ ɩsʋ ogyipʋá ɔtra ɔba bɔkɔ ɩsa tsɔtsɔɔtsɔ, ɔtra gyi ɩsʋ.

Atɔ Lɛsunahɛ 6:2 Iomraidhean Croise

Israelfɔ Ɩlʋ 110:2

Nana Bulu ɔha fʋ iwiegyi ɩklɛɩ tsu Sion, afʋgyi iwie fʋ alupʋsʋ!

Israelfɔ Ɩlʋ 76:7

Tamɛ fʋ mʋ́ a, fʋ ɩwɩ bʋ ifu! Ma ɔbɛ́talɩ lɩɩ fʋ ɔblɔ ɔnɔ?

Israelfɔ Ɩlʋ 98:1

Mlɩwa ɩlʋ pɔpwɛ ha Nana Bulu, tsufɛ alabwɛ ofula! Mʋ tumi pʋ́ mʋ ɔwʋnlɩn lagyi ɩsʋ ha mʋ.

Mateo 28:18

Mʋʋ Yesu lɔkpʋkpɛ ba amʋ́ wa, blɩ ɔbɛɛ, “Bulu lapʋ ɔsʋ mʋ́a asɩ tumi fɛ́ɛ́ wa mɩ ɩbɩtɔ.

1 Korintofɔ 15:25

Tsufɛ ilehian ánɩ́ Kristo obégyi iwie kpɛfʋn brɛá alagyi mʋ alupʋ fɛ́ɛ́sʋ, pʋ mʋ ayabi tsa amʋ́sʋ.

Atɔ Lɛsunahɛ 11:15

Mʋʋ Bulu-ɔbɔpʋ osienɔsɩ lɔfʋlɩ mʋ ɔkpɛ. Ɩnʋ ɔmɛ akpɔnkpɔntɩ lɛlɩn tsu ɔsʋsʋ bɛɛ, “Sei a, ɔyɩtɔ iwiegyi lamli anɩ Wie Bulu mʋa Kristo, (ɔha amʋʋ Bulu lada mʋ ofuli amʋ) klɛ. Obégyi iwie brɛ fɛ́ɛ́!”

Atɔ Lɛsunahɛ 11:18

Ɔmá-ɔmá benya ɔblɔ, brɛ lafʋn ánɩ́ fʋ ɛ fénya ɔblɔ. Brɛ lafʋn ánɩ́ fégyi awupʋ asʋn. Brɛ lafʋn ánɩ́ fɔ́bwɛ yile ha fʋ asumbi, bʋgyi fʋ ɔnɔsʋ atɔɩpʋ amʋ, pʋ́ Bulu aha ánɩ́ bʋtenya fʋ ifu, nyebi ahandɛ fɛ́ɛ́. Brɛ lafʋn ánɩ́ fɛ́hɩ aha ánɩ́ bamɔ aha ɔyɩtɔ fɛ́ɛ́.”

Atɔ Lɛsunahɛ 14:14

Ɩnʋ nɛlakɩ a, agyinde fututu kʋ nɩ. Ɔha ɔkʋá ogyi fɛ Nyankpʋsa-Mʋ-Bi amʋ tsie agyinde amʋsʋ. Obun sika pɛpɛ owiepa, ɔdɛ tsɩnɩ klakla kʋ.

Atɔ Lɛsunahɛ 15:2

Ɩnʋ nowun ɔpʋ kʋá igyi fɛ ahʋhwɛ, ɩlɛpɛ fɛ ogya. Nowun ánɩ́ aha bʋlɩɩ mʋ́ ɔnɔ, bʋdɛ Bulu nsankuo. Alɩ aha anfɩ gyi aha ánɩ́ bakɔ gyi ɔbwɩ gyankpapʋ amʋ mʋa mʋ ɔkpɩ amʋ pʋ́ nsʋhɩɛ-ibi amʋʋ ɩlɩɩ ha mʋ ɩda amʋsʋ nɩ.

Atɔ Lɛsunahɛ 17:14

Amʋ́a ɔbwɩ amʋ bɔ́kɔ Okufabi amʋ, tamɛ Okufabi amʋ obégyi amʋ́sʋ, tsufɛ mʋgyi asɩtɔ Ɔsɩ pʋ́ awietɔ Owie nɩ. Mʋ abuopʋ gyi aha amʋʋ Bulu latɩ amʋ́, lɛ amʋ́, bʋbʋ ɔnɔkwalɩ ha mʋ amʋ.”

Atɔ Lɛsunahɛ 19:14

Ɔsʋsʋ ɩsa akɔpʋ bʋdɩn mpɔnkɔ fututusʋ. Bɔwa ɔhrada atadɩɛá ɩlɔwankɩ, ɩdɛ ogya kpa bʋbuo mʋ.

Atɔ Lɛsunahɛ 3:21

Ɔha ánɩ́ olegyi ɩsʋ a, nɛ́ha mʋ obétsia mɩ wa, mɩ owie obia amʋsʋ. Alɩ kɛn mɩ ɛ negyi ɩsʋ, ntsie mɩ Sɩ wa mʋ owie obia amʋsʋ nɩ.

Atɔ Lɛsunahɛ 9:7

Atsantsankʋ amʋ bɛlɩan mpɔnkɔá bahɩhɩɛ amʋ́ ha ɩsa, tɔkʋ dɩn amʋ́ nwunsʋ fɛ sika pɛpɛ ɩpa. Bɔwa anyankpʋsa ansɩtɔ.