Atɔ Lɛsunahɛ 4:4 - Bulu Ntam Pɔpwɛ mʋ́a Israel Ɩlʋ

⁴ Owie-mbia adʋanyɔ-na itsie bomli owie obia amʋ. Ahandɛ adʋanyɔ-na bɔwa atadɩɛ fututu bʋtsie mbia amʋsʋ, bʋbun sika pɛpɛ ɩpa.

Atɔ Lɛsunahɛ 4:4 Iomraidhean Croise

Israelfɔ Ɩlʋ 21:3

Tsufɛ foyula mʋ, yile lefia mʋ. Fɔpʋ sika pɛpɛpa bun mʋ nwun.

Mateo 19:28

Yesu lɛbla amʋ́ ɔbɛɛ, “Ɔnɔkwalɩ ndɛ mlɩ bla. Brɛá Bulu ɔbwɛ ɔyɩ pɔpwɛ amʋ, mɩ, Nyankpʋsa-Mʋ-Bi anfɩ netsia mɩ numnyam owie obia amʋsʋ a, mlɩ aha anfɩ mlɩbuo mɩ anfɩ ɛ mlétsia awie mbia duanyɔsʋ, gyi Israel abusuan duanyɔ amʋ asʋn.

Luka 22:30

Mɛnɩ mlétsia mɩ ɔpʋnʋasɩ, gyi atɔ, nun nta mɩ iwie ogyikpa ɩnʋ. Mlétsia awie mbiasʋ, gyi Israel abusuan duanyɔ amʋ asʋn.”

2 Timoteo 4:8

Sei a, tɔá ɩda gyo mɩ gyi ɩsʋgyi atokiehɛá Bulu tɔpʋha aha ánɩ́ babwɛ yile. Anɩ Wie Yesu, ogyi asʋn ogyipʋ Ɔnɔkwalɩpʋ amʋ ɔbɔ́pʋha mɩ ɛkɛ yile amʋʋ obéyinki ba amʋ. Tamɛ megyi mɩ nkʋlɛ ɔbɔ́bwɛ ɩnɩ ha. Ɔbɛ́ha aha amʋʋ bʋdɛ mʋ yinki ba ɔkpa kɩ amʋ ɛ fɛ́ɛ́.

Atɔ Lɛsunahɛ 11:16

Ɩnʋ ahandɛ adʋanyɔ-na amʋʋ bʋtsie amʋ́ mbiasʋ Bulu ansɩtɔ amʋ fɛ́ɛ́ bobun, sum mʋ,

Atɔ Lɛsunahɛ 14:3

Bʋdɛ ɩlʋ pɔpwɛ kʋ wa owie obia amʋ, akɩankpapʋ ana amʋ pʋ́ ahandɛ adʋanyɔ-na amʋ ansɩtɔ. Ɔhaa má ɩnʋá ɔbɛ́talɩ suan ɩlʋ amʋ ɔsʋlʋ anfɩsʋ, nkɛtɩ aha mpɩm lafakʋlɛ adʋana-na (144,000) amʋʋ Bulu lahɔ amʋ́ nkpa tsu ɔsʋlʋsʋ amʋ nkʋlɛ pɛ.

Atɔ Lɛsunahɛ 19:14

Ɔsʋsʋ ɩsa akɔpʋ bʋdɩn mpɔnkɔ fututusʋ. Bɔwa ɔhrada atadɩɛá ɩlɔwankɩ, ɩdɛ ogya kpa bʋbuo mʋ.

Atɔ Lɛsunahɛ 19:4

Ɩnʋ ahandɛ adʋanyɔ-na amʋ pʋ́ akɩankpapʋ ana amʋ bemli bun sum Bulu amʋʋ otsie owie obia amʋsʋ, blɩ bɛɛ, “Amen! Haleluia!”

Atɔ Lɛsunahɛ 2:10

Máha ipian ánɩ́ ɩbɛ́ba fʋsʋ ɩwa fʋ ifu. Ndɛ fʋ bla, Ɔbʋnsam ɔbɛ́ha bɛ́kɩta mlɩtɔ akʋ tswɩ obu. Ɔbɔ́sɔ mlɩ kɩ. Bɛ́dɩnka fʋsʋ nkɛ du. Nɩ lowutɔ igyi o a, fʋ mʋ́ wa ɔnɔkwalɩ. Nɛ́ha fʋ ɩsʋgyi-ɩpa, igyi nkpa ánɩ́ ɩtamata.

Atɔ Lɛsunahɛ 20:4

Mʋ́ ɔma a, nowun awie-mbia kʋ. Aha amʋʋ baha amʋ́ ɔkpa ánɩ́ bégyi asʋn amʋ bʋtsie mʋ́sʋ. Nowun aha akʋ ɔkla. Amʋ́gyi aha ánɩ́ bɛtɩn amʋ́ Yesu ɩwɩ adansɩɛgyi pʋ́ Bulu asʋn ɔkanda sʋ nɩ. Amʋ́ kɛn gyi aha amʋʋ bʋmotsula sum ɔbwɩkɩta-atɔ amʋ ntɛ mʋ ɔkpɩ amʋ, bʋmotsula abʋpʋ mʋ nsʋhɩɛtɔ dɩnka amʋ́ ɔsʋkpɩ ntɛ amʋ́ ɩbasʋ nɩ. Bulu lɛha amʋ́ betsinki, amʋ́a Kristo begyi iwie nfi ɔpɩm-ɔkʋlɛ amʋtɔ.

Atɔ Lɛsunahɛ 3:18

Mʋ́ sʋ ndɛtɔɩ kpla fʋ mbɛɛ, pʋ kɔba bɔhɔ sika pɛpɛá bafwɩ mʋ́ ogyatɔ mɩ wa. Mʋ́ ɔbɛ́ha fénya atɔ onutonuto nɩ. Ntra ndɛ fʋ bla mbɛɛ, fʋbɔhɔ atadɩɛ fututu, afʋpʋtin fʋ pɛlɩ mʋ́a fʋ yaya amʋ. Bɔhɔ afa da fʋ ansibisʋ, mɛnɩ fówun atɔ.

Atɔ Lɛsunahɛ 4:10

ahandɛ adʋanyɔ-na amʋ ɛ bamli bun ɔha amʋʋ otsie owie obiasʋ amʋ ansɩtɔ sum mʋ. Mʋbʋ ɩnʋ brɛ fɛ́ɛ́ nɩ. Fówun babwii amʋ́ owiepa amʋ tswɩ obia amʋ ansɩtɔ blɩ bɛɛ,

Atɔ Lɛsunahɛ 4:6

Nowun glaasɩ ɔpʋ kʋá mʋ́sʋ ɩdɛ ogya kpa fɛ atsufolibi, ɩda owie obia amʋ ansɩtɔ. Mbwɩ akʋá bʋkɩ nkpa ana, ansibi iduadua amʋ́ nkpa mʋ́a ɔma fɛ́ɛ́, bobomli owie obia amʋ ɔbʋn nsɩnɛ ɩnʋ.

Atɔ Lɛsunahɛ 5:11

Nɛlakɩ, nonu Bulu-abɔpʋ tsɔtsɔɔtsɔ ɔmɛ. Bʋhɩɛ bʋtsɔá bʋma ɩklatɔ. Bobomli owie obia amʋ mʋ́a akɩankpapʋ amʋ pʋ́ ahandɛ adʋanyɔ-na amʋ.

Atɔ Lɛsunahɛ 5:14

Mʋʋ akɩankpapʋ ana amʋ bɛblɩ bɛɛ, “Amen!” Ɩnʋ ahandɛ adʋanyɔ-na amʋ bemli bun sum Bulu mʋa Okufabi amʋ.

Atɔ Lɛsunahɛ 5:6

Ɩnʋ nowun Okufabi ɔkʋ. Ɩlɛlɩan ánɩ́ bapʋ mʋ ha igyi kɩ. Ɔlɩɩ owie obia amʋ, akɩankpapʋ ana amʋ pʋ́ ahandɛ adʋanyɔ-na amʋ nsɩnɛ. Ɔbʋ nsiebi asienɔ pʋ́ ansibi asienɔ. Mʋ ansibi asienɔ amʋ gyi ɔŋɛ asienɔá Bulu tɔwa sɩsɩ ɔsʋlʋ anfɩsʋ ɔtɩnɛgyiɔtɩnɛ nɩ.

Atɔ Lɛsunahɛ 5:8

Ɩnʋ mbwɩ amʋʋ bʋkɩ nkpa ana amʋ pʋ́ ahandɛ adʋanyɔ-na amʋtɔ okugyiɔkʋ lemli bun Okufabi amʋ ansɩtɔ. Okugyiɔkʋ dɛ ɔsankuo pʋ́ sika pɛpɛ blanwebiá ɔhɩɛn bɔ mʋ́. Bulu aha mpaɩ gyi ɔhɩɛn anfɩ.

Atɔ Lɛsunahɛ 6:11

Mʋ́ ɔma a, bɛha amʋ́ fɛ́ɛ́ liga fututu, bɛbla amʋ́ bɛɛ, bʋtra tsia kpalobi. Bʋtsia yɔfʋn brɛá bamɔ amʋ́ aba asumpʋ ahogyipʋ amʋ ɛ, amʋ́ ɔdʋdʋɔ lafʋn asa.

Atɔ Lɛsunahɛ 7:11

Ɩnʋ a, Bulu-abɔpʋ amʋ fɛ́ɛ́ bɛlɩɩ bomli owie obia amʋ pʋ́ ahandɛ adʋanyɔ-na amʋ pʋ́ akɩankpapʋ ana amʋ. Bemli bun, pʋ ansɩtɔ bun ɔsʋlʋtɔ owie obia amʋ ansɩtɔ, sum Bulu,

Atɔ Lɛsunahɛ 7:9

Ɩnɩ ɔma a, nowun ɔdɔm kʋá ɔhaa mɛ́ɛtalɩ kla amʋ́. Botsu ɔmágyiɔmá, abusuangyiabusuan, ɔsʋlʋsʋ aha ɔtsan-ɔtsan pʋ́ ɔblɩgyiɔblɩtɔ. Bʋlɩɩ owie obia amʋ pʋ́ Okufabi amʋ ansɩtɔ. Bɔwa liga fututuutu, bʋdɛ mbla.

Atɔ Lɛsunahɛ 9:7

Atsantsankʋ amʋ bɛlɩan mpɔnkɔá bahɩhɩɛ amʋ́ ha ɩsa, tɔkʋ dɩn amʋ́ nwunsʋ fɛ sika pɛpɛ ɩpa. Bɔwa anyankpʋsa ansɩtɔ.